→

سلام عليكم

الـركـن الـعـام · 1,180 مشاهدة

📦 أرشيف هذا الموضوع محفوظ من المنتدى القديم (2009/07/12) — للقراءة فقط. المعلومات قد تكون قديمة.

سلام عليكم

بقلم MariaM^_* · 2009/07/12 · 16 رد

MariaM^_* 2009/07/12 · #1

السلام عليكم

بنات شرايكم بالي يبون يتزوجون بهالعمر 14 او 16 او 15

انا اقول احسن يظمنون حياتهم واهما صغار ويشوفون
عيالهم واهما يكبرون صج ان العمر بيد الله بس
هم تظمنون حياتكم بهالعمر
انا في وايد يصيرولي من بعيد يتزوجون بهالعمار
ومستانسين والله يوفقهم

واانا ابي رايكم

شرايكم بالي يتزوجون بعمر 14 او 16 او 15 ؟؟؟

سد

سديم الكويت 2009/07/12 · #2

يسعدني اني اكون اول وحده ترد عليج"""
بس انا أشوف ان الزواج بهالسن ظلم للبنت لأن في أولويات اهم من الزواج الا وهي الدراسه اهم من الزواج لان مو من السهل تكمل دراستها بعد الزواج تتأذى عيال وتربيه وزوج والخ"""

MariaM^_* 2009/07/12 · #3

مشكوووره حبيبتي على المرور الحلوو منووره

اي بس في بعض البناات اهما يبون يتزوجون بهالعمر
وفي بعضهم مايبون يكملون الدراسه

منوره مره ثانيه حياتوو

شي

شيوخ وكلي شموخ 2009/07/12 · #4

مادري كل شي قسمه ونصيب وبنتي مثلا لو جاها نصيب زييييييييييين واهي صغيره راح ازوجها

am3bood 2009/07/12 · #5

[color="darkorchid

]السلام عليكم
انا برايي اني مستحيل أزوج بنتي بهالعمر
لأن الزواج مسؤولية كبيرة والبنت بهالسن تكون بعدها في مرحلة الطفولة
وما نضجت شلون راح تربي اعيالها واهيا أصلن طفلة
وبعدين زمن أول كانوا يزوجون البنت صغيرة لأنهم ما يفكرون بالمستقبل بشكل واضح
بس الحين كل شي صار أوضح من أول والمرأة لها أحتياجات ومتطلبات كثيرة خصوصا إذا كانت أم وعندها اعيال
وبصراحة الشهادة والوظيفة أهما اللي يعزون المرأة ويرزونها
حتى لو كان زوجها ما يقصر معاها ويعطيها فلوس بالهبل
بس المعاش يدلل

مز

مزيونه كربونش 2009/07/12 · #6

الزواج ماله عمر اهم شي يكونون الطرفين قد المسؤووليه
وهذا ردي لج تقبلي مروري

MariaM^_* 2009/07/12 · #7

مشكووورين حبايبي على المرووره الحلوو منورين حبايب قلبي ولله

ند

ندى الكويت 2009/07/12 · #8

موضوع حلو
انا ضد البنت تتزوج بالهعمر لانهها توها صغيره وماتكون فاهمه الحياة عدل والزواج موكله وناسه
وانا اشوف الي يتزوجون يتغيرون كليا ويصير شكلهم اكبر من عمرهم عكس البنت العزباء تكون بعمر كبير بس فيها حيويه
الدراسه والشهاده مهمه حييل خاصه بالهوقت لان اعرف بنات تزوجو صغار نادمين يقولون ماعشنا حياتنا ولا كملو دراستهم
احسن عمر للزواج من22 او23
الزواج مسؤؤليه كبيره حييل والبنت اذا تزوجت صغيره مااعتقد بتكون فاهمه الحياة وواجبات الزوج عدل
حتى صبرها بيكون اقل يعني مافيها صبر وتحمل المسؤؤليه
الحين تشوفين نسبة الطلاق اكثر شيء بالي يتزوجون صغاار

ام

ام عبدالعزيز12 2009/07/12 · #9

حلات الزواج يكون بسن 21 الى 25 راح تكون البنت اكثر نضوج وتحمل مسؤليه
......................

زو

زوغه 2009/07/15 · #10

شوفي اخيتي ..

انا اايد ان الينت تتزوج واهيا صغيره .. خصوصا انها ستر للبنت ..

بس للأسف ان بعض البنات مايعيشون مراهقتهم وعمرهم ..

فيعيشونة لاوعوا على هالدنيا .. بعد الزواج ...

وفي بنات مشالله عليهم مايهزهم ريح .. والله يثبتهم ..

بس بالاخر نصيب ..

ms strawberry 2009/07/17 · #11

عادي امي تزوجت 14 واختي تزوجت 15 والحين عمرها 20 ومرتاحه

وانا تزوجت 19

والله يوفق الكل

Ahlaa JOhRA 2009/07/17 · #12

انا مع الزواج المبكر لأنه ستر للبنت وحفظ لها

moo00oon 2009/07/18 · #13

يسلمووووو ع الطرح الراااااائع

بصراحه انا ضد ان البنت تتزوج بها العمر البنت لازم تعيش مراحل حياتها

من طفوله ومراهقه وبسن العشرين الله يوفقها

بصراحه انا سمعت عن حلات كثيره تزوجوا بهالعمر وفشلوا

koko 2009/07/20 · #14

بالنسبه لعايلتنه البنت لمه اتخرج من الثنويه بعدين تزوج مو و اهي بالثنويه و انا اشوف انه مو شي عل اقل تكون 18

$$مناوي$$ 2009/07/21 · #15

الزواج مسؤولية كبيره زوج وعيال

بس إذا البنت ماتبي تدرس أحسن لها تتزوج

يعطيج العافيه

SO3AD 2009/07/22 · #16

احسن واهم كبار

يسلمووووو

عذ

عذابي دودو 2009/07/25 · #17

انااا ضد الزواج بالعمر هذاااا,,,,

والله ظلم للبنت,,, ادري شعورهااا بالعمر هذااا انهاا كبرت وصارت امراة لكن ماتدري ان الزواج مولعبة الاا مسؤلية وارتباط وعوار راس

اقول حق الاهل حراام والله,,,خل البنت تعيش طفولتهاااا

اقول للبنت حبيبتي لاا تتسرعين وتقولين انااا كبرت لااياخذج الغرور تركدي,,,,

كنتي عضوة بالمنتدى القديم؟

استرجعي حسابچ وشوفي مشاركاتچ ومحتواچ من ٢٠٠٩.

استرجعي حسابچ

مواضيع من نفس القسم

كيف نرتقي بالمنتدى الى الأفضل ؟ 45,289 مشاهدة

كيف تعرفين أن موضوعج مكرر 42,979 مشاهدة

ماهو اغرب اسم بنت سمعتييه كل واحده تدخل تكتب اغرب اسم بنت واجمل اسم؟ 36,984 مشاهدة

♥ عضوه خلف الكواليس ♥ 31,441 مشاهدة

السوشيال ميديا 18,692 مشاهدة

قوانين الركن العام .. 16,952 مشاهدة

انضمي لسيدات للمشاركة والتعليق والحفظ والتسوّق — مجاناً

انضمي دخول