سويت عملية تحويل مسار

السلام عليكم ورحمة الله وبركاته

يا اجمل سيدات بالكويت :wink_smile:


انا صارلى شهرين واسبوع سويت عمليتى في مستشفى حكومه وبصراحه نزلت 15 كيلو وحدى مستانسه والنفسية احسن من اول بواااااااااااااايد:49_49:
تخيلو قبل ما أحب اطلع ولا احب السوق احس بمتني ألوع الجبد (ما كو ثقه بنفسى :48_48: )
يس الحين الحمد الله كل ما ينزل كيلو افففففف هم وانزاح
وانا بصراحه سويت عمليتى لما شفت صديقاتى والله العظيم الكل يسألهم شنو رجيمج اضعفو واااااااااااااااااااااايد وناسه عسا الله يحفظهم
وانشاء الله راح اقولكم عن تجربتى العملية بالتفصيل :rose:
وأى استفسار انا حاضره علشان الكل يستفيد من تجربتى

اشدعوه بنات

قريتو موضوعي ولا وحده حتى قالت الحمدلله على السلامة؟

الحمدالله على السلامة اختي
بس قولي لي متى مارستس حياتج العادية بعد العملية
لان عمليتي اخر هالشهر وناوية ارد الشغل بعد اسبوع

حمدلله على السلامة

توني اشوف موضوعج

ياريت تقوليلنا التفاصيل حبيبتي

متى سويتي العملية ؟

عند أي دكتور ؟

بعد العملية شنو الأعراض اللي حسيتي فيها ؟

الأكل إللي أكلتيه شنو اول شي ومتى ؟

طريقة العملية شلون يعني من شرح الدكتور لج شلون طريقتها ؟

وكم كلفتج العملية بالضبط ؟

وبانتظار التفاصيل أختي وربي ينزل وزنج بالعافية يارب

ريسا كتبت:الحمدالله على السلامة اختي
بس قولي لي متى مارستس حياتج العادية بعد العملية
لان عمليتي اخر هالشهر وناوية ارد الشغل بعد اسبوع

هلا ريسا حياتى انا لما سويت العمليه نمت يومين بالمستشفى والثالث طلعت وطبعا راح تتعبين اشوى من جرح العمليه اول 3 أيام بس صدقينى بعد اسبوع تروحين الدوام عاااااااااادى وتنامين عااااااااااادى وتتحركين عااااااااادى بالتوفيق يا ريسا:redface:

حياة زوجي كتبت:هلا ريسا حياتى انا لما سويت العمليه نمت يومين بالمستشفى والثالث طلعت وطبعا راح تتعبين اشوى من جرح العمليه اول 3 أيام بس صدقينى بعد اسبوع تروحين الدوام عاااااااااادى وتنامين عااااااااااادى وتتحركين عااااااااادى بالتوفيق يا ريسا:redface:

شكرا حبيبتي
والله ينزل وزنج بصحة وعافية
سؤال
كم نزلتي للحين
وكم معدل النزول في الاسبوع
وشو عن تساقط الشعر ؟

مرحبا ام عبدالله وحياج الله حبيبتى راح أقول كل التفاصيل


مثل ما قلت من أول يوم شفت البنات وفهمونى على طريقه العملية وايد اقتنعت
وبصراحه زرت اكثر من دكتور يسوى العمليه على اساس آخذ فكره اكثر عن العمليه
وطبعا تتراوح قيمة العمليه بمستشفى خاص من 2600 الى 2800 دينار
وبصراحه ماكان متوفر المبلغ عندى فحاولت اتجه للحكومه وسويت اجراآتى
ما طول عليكم ندخل بالموضوع
سويت موعد مع الكتور فهد الاصفر وللعلم بعطيكم نبذه عنه

الدكتور فهد الاصفر استشاري جراحه عامه في الجهاز الهضمي والمناظير بمستشفى العدان حاصل على بكالوريوس طب وجراحة والبورد الاميركي في الجراحة – جامعة ميامي زماله جراحة مناظير السمة والمناظير المتطورة – جامعة كليفلاند كلينيك (التخصص الوحيد في الكويت) عضو في الجمعيه الاميركية لجراحة ومناظير الجهاز الهضمي وعضو الجمعيه الاميركية لجراحة السمنة (الوحيد في الكويت) وعضو الجمعية العالمية لجراحة السمنة اجرى اول عملية ازالة معدة بالمنظار بمستشفى العدان 2006 واول عملية ازالة قولون بالمنظار بنفس المستشفى 2005.

طبعا اول مادخلت بصراحه توقعت داخله طبيب خاص النفسيه الحلوه وللأمانه جاوب على كل استفساراتى
وعلمنى على طريقة العمليه وقال انها تصلح لي
وسوينا موعد العمليه وشريت معدات العمليه كلفتنى 850 دينار







ودخلت مستشفى العدان

طبعا مانمت بس افكر خايفه احاتى انام وتفزز لين صارت الساعه 6الصبح نزلونى العمليات تحت وانا عيونى مبققه على السسترات وشوى دخت مع التخدير
طبعا بعد العمليه بطلت عيونى والا اشوف امى واختى يتحمدولي بالسلامه
المهم عطونى ماى اشربه على رشفات بسيطة ما أقدر أشربه مره وحده وبعد 3ساعات عطونى عصير اناناس من غير سكر كى دى دى
وقالولي شربي على رشفات يعنى العصير يقعد ساعه معاى لين أخلصه وكل جم ساعه يعطونى عصير من غير سكر
هذا غير عنايتهم مابى أظلمهم خوش ممرضات للأمانه
المهم اليوم الثالث زارتنى دكتوره التغذيه عطتنى كتيب عن جدول الأكل وعطتى رقم تلفونها حق أى أستفسار
وطلعت رحت بيتنا
كان أول اسبوعين اشرب سوائل من غير سكر مثل كى دى دى +روب خالي الدسم+حليب خالى الدسم
وكنت اروح محل العصير وأطلب عصير انانس او رمان او تفاح او رقى او بطيخ او عنب وممكن أسوى بالخلاط حليب ونص موزه
بصراحه كان وناسه كل ساعه اشرب عصير غير ومن اول اسبو عين وزنى ينزل
طولت واااااااااااايد المره الثانيه أعلمكم بعد اسبوعين السوائل شنو كليت

مستشفى العدان لايحووشك
الحمدلله انج طلعتي سالمه ،، لان هالمستشفى عن جد سمعته رايحه فيها
انزين ماقالج الدكتور جم الوزن الي يحتاج هالعمليه يعني الي اوزانهم تتراوح بين شنو؟؟
وماسالتيه شنو الفرق بين تحويل المسار وبالون المعدة؟ لان الثانيه جنها أأمن
وشاكرتلج

هلا ريسا حبيبتى انا صارلى شهرين و10 ايام قبل العمليه وزنى 122 وألحين 115
أما على تساقط الشعر بكون صريحه وياج أي وحده تسوى رجيم يطيح شعرها وكنت أنا قبل العمليه أسوي
رجيم كان يطيح شعرى والدكتور عطانى فيتامينات والحمد الله ماشيه امورى وأي أسأله ثانيه من عيونى

EnG.SaMoRa كتبت:مستشفى العدان لايحووشك
الحمدلله انج طلعتي سالمه ،، لان هالمستشفى عن جد سمعته رايحه فيها
انزين ماقالج الدكتور جم الوزن الي يحتاج هالعمليه يعني الي اوزانهم تتراوح بين شنو؟؟
وماسالتيه شنو الفرق بين تحويل المسار وبالون المعدة؟ لان الثانيه جنها أأمن
وشاكرتلج

حياج الله هلا فيج كل مستشفى لها ميزات وسيآت وصدقينى والله العظيم جناح الجراحه تعامل الممرضات معاى ومع غيرى كان واااااااااايد زين
وانا سويت عمليتى لما تأكدت من شطارت الدكتور بصراحه ممتاز
وبعدين اهو يحسب كتلة الجسم مع الطول يعنى الدكتور يقرر لج أي عمليه يحتاجها جسمج
ما عندى فكره وايد عن البالون بس وحده سوتها بمستشفى خاص قعدة سنه ونص وردت امتنت مادرى ليش بس عملية المسار استحالة ترجعين وزنج القديم لأنه معدتج صغيره وأغلبية الاكل اللي تاكلينه يتصرف يعنى عزج الله بالحمام وبعد أى استفسار انا حاضره وشوفى باقى تجربتى
راح أكتبها انا للحين مرتاحه من عمليتى :thumbs_up:

اب






اب

































اب

سلام عليكم حبيبتي حياة زوجي

الحمدلله على السلامة

حبيت اسالك عن اول مرة اشلون تم تحويلج وكم المدة للموعد

ارجو الرد ذبحني التفكير خايفة

مرحبا ام العهد اذا تبين خاص روحي لاى دكتور بالعياده مثال عيادة دكتور خالد الشرف واااااااايد ممتاز او الجارالله او باسل السميط صديقاتى سووها عندهم وما طولين تقريبا بعد شهر تسوينها لانج بتسوين تحاليل قبل العمليه
اما انا زرت الدكتور باسل السميط والدكتور خالد الشرف علشان آخذ فكره عن العمليه وكانت نفسيتهم حلوه معاى وأيدونى بالعمليه وفهمونى تكلفه العمليه بمستشفى السلام 2800 دينار
وانا بصراحه ما كان عندى هالمبلغ فاتجهت للحكومه روحى المستوصف ويسوولج تحويل للمستشفى قسم الجراحه وهناك تكملين الاجراآت
بس انا بصراحه تعبت وااااااااايد لين لقيت واسطه وسويتها بسرعه يعنى قابلت دكتور فهد الاصفر بعدها بثلاث شهور سويت عمليتى
ليش خايفه بالعكس تفائلى واجتهدى لين توصلين هدفج
وانا لو يقولولى سويها مره ثانيه والله اسويها
قبل بس قاعده آكل اى شى احطه بحلجى آفه بس الحين صايره اتيكيت بسرعه اشبع والحمد الله وزنى كل اسبوع ينزل |
الحمدالله وايد مرتاحه

مشكوره حبيبتي حياة زوجي

على الاجابة الوافية

كم نزل وزنك لحد الان وشنو الاعراض لى حسيتي فيها بعد العملية:rose:

الله يوفقج ويهنيج يا رب على ذكر تجربتج
بصراحه ودي اجرب وخايفه حدي حدي ما ادري اسويها او لااا
بليزززز
عندي استفسار
انا طولي 162
ووزني 88تقريبا ومره ينزل كيلو ومره يثبت
مرات اوصل الى ال70 واطلع تووووب
ومره ازيد لاعت جبدي
وابيج تكسبين اجر وتشرحيلي عن العمليه
من وين تكون الجرح وين يفتحونه وجم سانتي تكون الفتحه
دور في اليوتيوب عن مقاطع في العمليه ما لقيت يا ريت صور على الاقل
وجم شهر نزلتي هالوزن وما تحسين بالم ولا شي عقب
ترى انا حدي خوافه بالولاده ابجي فا مابالج جراحه اح حدي خوافه بس حمستييني

معلومات بسيطه عن العمليه

تعتبر هذه العملية من أكبر العمليات فاعلية في التخلص من الوزن الزائد على المدى البعيد وهي تجرى منذ أكثر من خمسين عاماً عن طريق الجراحة التقليدية.
تمكن الأطباء في السنوات الأخيرة من إجراء هذه العملية المتطورة عن طريق جراحة المنظار أيضاً. وأصبحت تكتسب شعبية بين أوساط الأطباء والمرضى مؤخراً.




تتم هذه العملية على خطوتين:

الاولى: تصغير حجم المعدة وفصل الجزء العلوي تماما عن باقي المعدة

الثانية: توصيل الجزء العلوي من المعده بالامعاء الدقيقة والتي يتم تجاوز مابين 100 الى 150سم من الأمعاء الدقيقة وهذا مما يؤدي إلى عدم امتصاص الغذاء في هذا الجزء الذي يتم تجاوزه.

بعد عمري ما قصرتي
يب ما قلتي تصلح لي ولا لا
اخاف اغامر

السلام عليكم
الف الحمد لله على سلامتج حبيبتي وانشالله توصلين للي تبين بصحه وعافيه
انا وزني 81 وابي انزل بس 11 كيلو واوصل لوزني المثالي تصلحلي العمليه ولا الرجيم لان بصراحه انا كلش ما عندي اراده وما ابي يجي يوم القى نفسي فوق الميه,انصحيني؟