📦 أرشيف
هذا الموضوع محفوظ من المنتدى القديم (2009/07/01) — للقراءة فقط.
المعلومات قد تكون قديمة.
وين القاهم؟؟
بقلم randomy · 2009/07/01 ·
10 رد
ra
randomy
2009/07/01 · #1
عفية حبيباتي
طلبتكم
انا ودي اسوي قرقيعان بناتي بشغل ايدي ابي افنتق
بس وين القى سوالف التغليف اللي جنها ورق خشن وشبك
وسوالف بوم صغير ولعبة بنت لابسة بخنق .....
دلوني بالضبط علشان اشتري من الحين واضبط شغلي واسويلهم ديكوريشن:)
وتسلمون
ام
ام الريش
2009/07/01 · #2
انا اقولج ..اممممممممممممممم تعرفين بياع الورد اللى قبال دار اشفا بالظبط بحولى بالسرداب ..في محل علب وتركيبات اشياء عجيبة تحتارين شنوتسوين شي احى من شي ورخيص يعنى درزن التركيبات ب1200 او750 يعنى اغراض القرقيعان ماتكلفج 10 دنانير بس ها يبيلج تفكرين..بس مادرى اذا جابو شغل القرقيعان او لا..اتمنى اكون فدتج
ra
randomy
2009/07/01 · #3
حلو هذا مكان او مرة اسمع عنه
مشكوووورة ياعمري
بعد بنات افكاركم؟؟
فيه قالولي مجمع منيرة بحولي فيه سرداب متروس هالشغلات بس وينه الله اعلم
ام
ام الريش
2009/07/01 · #4
لا بعد فية محل قالتلى علية وحدة بالمنتدى ورحتلة احلى واحلى بعد بالفروانية جدام مبارك الصيفي محل اسمة قصر الهدايا عجيييييييييييب انا عن نفسي شريت علب وتركيبات وشرايط وكروت حق ولدى من بياع الورد طلع حسابي 16 وشوي خذيت من كل شي درزنين يعني 48 علبة قرقيعان حلوين..
ال
الاء العلي
2009/07/01 · #5
اضم صوتي مع الاخت ام الريش ..
حبوبه مجمع منيرة بالسالميه ...
سا
سارة22
2009/07/10 · #6
مشكورين ع الافادهــــــــــــــــــــــــــ
حل
حلاتني
2009/07/19 · #7
حياتي روحي بياع الورد ما في عليه
أص
أصاايل
2009/07/20 · #8
حبيبه قلبي روحي مكتبه السنافر أغراضهم
وااايد حلوه
موفقه
ان
انوثة الكويت كلها فيني
2009/07/20 · #9
روحي امية فلس :shades_smile:
اي بياع الورد واااايد روعه روعه روعه بس يبيلج اتدورين مكان محد درا عنا عساس يصير شغلج مو مكرر \المشكله مو مشكلة الكماليات المشكله مشكلة الفكره لما تكون الفكره خارقه اهني ننبهر من القرقيعان لان سوالف بياع الورد تعودنا عليها الواحد يبي شي جنوني اكثر يعني ابداع اكثر مو لازم التعب عليه كثر الفكره تكون موجوده وسلامتج
ال
الله أملي
2009/07/21 · #10
اي حبيبتي انا مع انوثة الكويت كلها فيني
المهم الفكرة تكون حلوة وصح كلامها بو امية تلقين عندة شغلات بس يبيلها فكرة وبياع الورد اكيد عجييب وسوالف البوم والبخنق تلقينه بسوق الكويت وحتى بالاسواق الشعبية تلقين كل شي بس يبيلج افكار وشغل
عي
عيون الأمل
2009/07/25 · #11
بالتوفيق ياااارب
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم