بليز دخلو ....................نصحوني

السلام عليكم ورحمة الله وبركاته............


بخبركم مشكلتي
أناااا أحب زوجي وايد ولاكني أستويت دفشة معاة وماأعطية ويه وارقدمتى ما أريد ماألتزم فية لانا هو من النوع الي مايرقد الليل كلة يسهر شغلت سنين يعني ×××××××......لساني طويل ومتمرده و مااحترمة وعنيدة وما ألبسلة وماكشخله ونفسي خايسة على الاخير .....حتى العلاقة الزوجية مانسويها الامرتين في الشهر..........الخ

تعرفون شو السبب السبب لانايخوني.........اخر مرة كشفتة 2008 شهر اربعة ولين الحين متأثرة صرت ماحبة كل يوم افكر في الموضوع لين لاعت جبدي وتغيرت علية والحين عندي بيبي ومطنشة بالقو ومهتمة بس بالبيبي............الحمدلله على كل حال اعرق اني وايد غلط في حقة ووايد قصرت علية يوم يعاتبني اقوله روح عرس عادي عندي ينصدم مني يقول لها الدرجة يعني ماهمج...........ولاكن من يطلع يروح مكان هنية اتوله علية واحبة ..........احبة لحظات واكرهاااااا ايام ...........حتى عيد زواجنا قرب وافكر ماحتفل فية قلت شو الفايدة نحن مانحب بعض وهو يخوني ليش احتفل فية وبعد هو حارمني من المصروف الشهري والسبب اسلوبي وعنادي ..............وهو بعد وايد يغلط علي ويسبني كلة بسبب البيبي مثال يعني اذا صاح صرخ علي وسبني يقولي سكتية
لانا يحبه وايد ومايحب يشوفة زعلان واذا مرض البيبي يلومني انا ويقولي انتي السبب كلة من تقصيرج .........مع أني مهتمة فية بنفسي ومب حاطة خادمة حقة ...........



شو تنصحوني عشان ارد احب ريلي لانا هو في عيني انسان حقير وتافه وكريه وخاااااين :confused_smile: انا عمري 22 وهو 32

أختي السوسن مااا قصرت

قعدي وياااه جلسة مصااارحة وقولي له انج بتتناسين اللي سواااه لكن يوعدج انه ما يكرر هالشي والا حياتكم بترد مثل ماكانت عناد وتعب نفسي وخصااام . . .وحاولي تعطينه فرصة ثانية وكثر ما تقدرين اجتهدي لمعرفة الاشياء اللي يحبها واللي يكرها يعني درسي شخصيته عدل وانتي صغيرة يعني عمر الدلال والغنج لا تهملين نفسج وربي يوفقج ياارب

شوفي انا قاريه وايد كتب في علم النفس وارجو انج تطبقين الي بقولج عنه عشان تعيشين حياة سعيده مع عائلتج .....

اولا: المواجهه المواجهه المواجهــــــــــــــــــــــــــــــــــــــــــه جلسة مصارحه وتفضفضين الي في قلبج بس مو بصراخ

بكل حنان ورقه

ثانيا : توعدينه انج راح تثقين فيه ثقه عمياء ( حاولي انج اذا مر عليج اي وسواس انج تستغفرين ربج)

ثالثا : اذا شفتي بعينج اي خيانه حاولي انج تدخلين اي شخص كبير بالسن وقريب منكم يحل الامور بينكم

الله يعين الجميع وترى مالج الا بيتج يقول المثل نار الزوج ولا جنة الاهل

مشكورات خواتي على النصيحة............

اعتقد الخوات ما قصروا يعطيهم العافيه
تري سبب اللي انت فيه جانب كبير منج عطيتيه السبب انه يخونج مهمله نفسج وما تحترمينه ولا تتوددين له وبعدين تقولين يخوني اكيد بقولج منج
غيري حياتج اهتمي بنفسج شوفي الحياة حلوه بتصير حلوه

والله خواتي ماقصرو وكلامهم كله عين الصواب
ونصيحتي غيري من استايل حياتج واستايل البيت وكل شي وابدي التغير فيج وحاولي تجذبينه وبعد ماتشوفين التغير عليه
وانه متغير للاحسن صارحيه وقولي له اسباب اهمالج وصارحيه بكل شي .
وابتدي التغير من يوم زواجكم وسوي ليله ولا بالاحلام اهو اكيد بينصدم وصارحيه بلحظتها بكل شي لان بيوم زواجكم كنتو بأحلى يوم بحياتكم وبكل الحب وكل الشوق ومحد شاف من الثاني اي عيب وانتي بأسلوبج ابتدي التغير من هاليوم جنه اول يوم زواجكم وبعد هاليووم تبدون بصفحه جديده وتتعاهدون على هالشي . اتمنى اكون فدتج
والله ان شاء الله يهديكم لبعض ويسخره لج وبشريننا عنج حبوبه