ممكن تفيدوني

السلام عليكم خواتي العزيزات

طبعا هذي اول مشاركه لي بالمنتدى

و ابيكم تفيدوني


حبايبي انا عروس صار لي شهرين من تزوجت

و ما اعرف اي شيء عن الجنس يعني على ويهي ما افهم ولا شيء

و زوجي عصب علي و عطاني افلام جنسية علشان اشوف و اتعلم من الافلام


و انا شفت كذا يوم و بعدين خفت اذا انا إلي سويته صح و لا لأ

و هل حراام و لا لأ

الله يخليكم فيدوني

هلا فيج حبيبتي
مايجوز ياعمري تشوفين افلام جنسية(اكيد فية كتب عن الحياة الجنسية راح تفيدج إنشاءالله)

اي حرام وسبحان الله كثرة مشاهدته تسبب البرود الجنسي وانج ماراح تستمتعين وانتي تمارسين الجنس الا بعد ماتشوفين
وهم يخليكم مافيكم غيره وعادي تشوفون هالشغلات . ونصيحتي ابتعدي عنهم واتركيهم لوجه الله لان من ترك شيء لوجه الله عوضه الله خير منه ورضى الرب احبرك من رضى الزووج وفهميه قولي له انا توني وانت علمني شوي شوي وخوفيه من مخاطر هالافلام الجنسيه وهو ان شاء الله الله يهديه لج .
وكلنا ترى لما تزوجنا مانعرف شي وتعلمنا وصرنا نعلم محد طلع من بطن امه عالم .
تقبلي مروري حبوبه .

بعد عمري حبايبي ما تقصرون

و شاكره لكم تفاعلكم

لا لا لا حسبي الله ونعم الوكيل ... حرام عليه زوجج شلون يسمح لج ويجيب لج هالشيء ويخليج تشوفين الحرام علشان ترضين رغباته مو هالدرجة .. استغفري ربك ..

حرام تشوفين
انتي فهمييه انج ماتعرفين شي وجذي ولاتسوين شي لي اهوو يعلمج

يا اختي حرام عليه يبغى يدمر حياتك باالافلام الجنسيه شكله مريض نفسي ياختي مردك بتعرفين عن الجنس فيه كتب تعلمك او شوفى منتدى ادم وحواء للثقافه الزوجيه((المصوره)) والله يوفقك....

حبيبتي خلي اهو يعلمج وايد افيد و اظمن و لا راح تدمنين هذي النوعية من الافلام حطي بالج او ممكن تسألين والدتج او اختج العودة أو صديقة تكونين واثقة منها حيل

بعد عمري حبايبي ما تقصرون
و جزاكم الله خير على النصيحة

عاشقة الأزرق كتبت:بسم الله الرحمن الرحيم...قال الباري عز و جل في سوره النور: ( قل للمؤمنين يغضوا من ابصارهم و يحفظوا فروجهم ذلك ازكى لهم ان الله خبير بما يصنعون, و قل للمؤمنات يغضضن ابصارهن و يحفظن فروجهن) صدق الله العلي العظيم..
حبيبتي انتي انسانه مسلمه و مستحيل ما تدرين ان هالأفلام حرام... الله وصانا بطاعة الزوج بس مو في معصيته.. الله يهديه زوجك انا ما اقدر افهم هالجيل شنو؟؟؟ على العموم انتي لازم تتوبين من هالشي لأنه راح يولد لك مشاكل نفسية و صحية مستقبلا... في حديث لرسول الله صلى الله عليه و اله: ( من ملأ عينه من حرام ملأ عينه يوم القيامة من النار الا ان يتوب و يرجع)
ترى هذا الشي يولد الأدمان ذكري الله و بطلي تطالعين هالأفلام و اذا عن الثقافة الجنسيه ففي كتاب وايد حلو أسمه ( تحفة العروس) في نقاط مفيدة لك و لزوجك... بس اسمحيلي اذا زوجك يطالع هالأفلام ما راح يترس عينه شي حاولي تكلمينه و تنصحينه يبطل اهو بعد... الله يهديه
بأختم بحديث للامام علي عليه السلام: ( ليس في البدن شيء اقل شكرا من العين فلا تعطوها سؤلها فتشغلكم عن ذكر الله عز و جل) و ( كم من نظرة جلبت حسره)..
( التوبة على أربعة دعائم: ندم بالقلب, و استغفار باللسان, و عمل بالجوارح, و عزم على أن لا يعود)

كلامها خير الكلام

مبروك ياعروس بس ديري بالج :)

حبوبه حرام تشوفين وفي اكثر من طريقه تتعلمين منها واولها الكتب