كنت مدرسة

كنت مدرسة قبل 4 سنين بس لظروف خاصة حولت ادارية
كانت لي علاقات حلوة مع الطالبات سواء الابتدائي او المتوسط
حتى يوم قررت انتقل بلغتهم بقراري
البنات وايد تأثروا واحتجوا وكانوا بكلمون المديرة عشان ماتنقلني
وايد اثر فيني موقفهم
كل مااسمع بنتي وهي تسولف عن مدرساتها استغرب
من معاملة المدرسات وسلبيتهم وقسوتهم خصوصا مع المراهقات
اللي يبيلهم معاملة خاصة
المدرسة تقدر تكسبهم
شالمانع ان اتغشمر واسولف معاهم بس بحدود
انا كنت اسوي جذيه لما البنات حبوني حتى لما ابدي الدرس يسمعوني ومحد يقاطعني

ليش حولوج اداريه؟

شغلج وااااايد عدل

بس منو اللي يتمشى عليه الحين؟؟؟؟؟

صادقه اختي

المفروض تكسبينهم لصفك

بس احياناالبنات يتمردون عليك عشان كذا لازم يكون فيه شوي شده

بس مع الين هذا انسب حل

والله العظيم اللباقه والذوق بس بحدود الاحترام

يثمر شي طيب

مشكووووره حبيبتي عالموضوع

أميره حالمه أنا عضوه يديده وداشه عرض !!!!
ماقلتي ليش حولوك إداريه ضروري تقولين لأن أنا بحول مدرسه ( أنا إدارية )

بصراحه انا صرت وايد احب اروح المدرسه والسبه ابلاتي حيل حبوبين
المفروض الطالبه تحبب نفسها بين الابلات وتحترمهم
انا حدي احب ابلاتي وبكل مناسبه اييبلهم ككاو يمكن اهوا شي بسيط بس يعني تقدير اعطي كل ابلات المدرسه وحيل يستانسون... اذا الطالبه عاملت الابله مثل ماتبي راح تكسب محبتها وبصراحه انا مارادد الابلات حتن لو اهيا غلطانه ... اروحلهم بنفس حلوه وافهمها وصدقيني راح تتقبل
بس مااقولج ماكو ابلات قاسين على الطالبات .. امبلا في
بس يمكن قليل
وفي بعض المرات تكون البنت اهيا ماذيه ابلتها والابله حيل طيبه بس الطالبه استفزتها هني بتكون شوي قاسيه وجافه يعني بالاخير اغلب الابلات طيبين وحبوبين ويخافون على الطالبات ( بناتهم )
والطالبه اهيا اي تقدر اتخلي الابله طيبه وحنونه عليها .. ولا قاسيه وجافه عليها
واسفه اختي اذا طولت عليج بس عجبني موضوعج
ومشكوره
دمتي بوود