ام
ام البنات-44
2009/03/21 · #1
للأمل معنى يزيد ويزدهر يضفي الفرحة على الوجه الكسير
يخرج من الشوك أغصان(ن) خضر ويقلب النيران أنهار(ن) تسير
يسكن ابن آدم على سطح القمر ويرجع الغالي عقب حزن(ن) مرير
الأمل أبي أبتدي به واستمر وأرجو بوصفه يعين الله (قصير)
لاوطاك الوقت والهم استعر ارفع الكفين لله البصير
لاتقول الهم ياربي كبر قل ألا ياهم لي رب(ن) كبير
واعرف الله في حياتك واصطبر واعلم إن الله علام الضمير
مانسى الله دمع عين(ن) منحدر يشكي ذنوبه لربه مستجير
رجع ليعقوب يوسف مقتدر وابصر بعينه بعد كان الضرير
وفي بطن حوت(ن) بغبات البحر ينقذ الله يونس بقدرة قدير
آه يالولا الأمل ماننتظر جنة الفردوس ولا الزمهرير
ولاسقينا الورد وأغصان الشجر ولاصنعنا الفلك وخيوط الحصير
كم حملنا آمال في وسط الصدر خلت الصعب الشديد أيسر يسير
علمتني دنيتي معنى الصبر شابت براسي وأنا توي صغير
استمع للقول بأبيات الشعر أنسجه نسج العناكب للحرير
لاغزاك الوقت كافح بالصبر واعرف إن الوقت دايم مستدير
اتبع الدنيا وتغدر بك عشر واتركه تاتيك تركض تستجير
والله إن الحب بالله يابشر جنة الدنيا وخوذوا من (قصير)
ياذهولي ياعجب مما بدر شفت شي(ن) بالذهول أكبر جدير
كيف نبكي لانقص مال(ن) غبر وكل يوم(ن) نقص العمر القصير
ندفن الميت نواريه القبر ونتناسى باننا مثله نصير
يصنع الكذاب كذبة بالخبر ويعلم إن الكذب له حبل(ن) قصير
لاعجب بان السعادة تنتحر وينتهي ضوه ونفحات العبير
هم غم وحزن وأنكاد وكدر دامت الدنيا كذا فالله يجير.
((منقووول))
اعتذر من جميع الخوات لوضع هذه الابيات بس لها عبره وحبيت الاستفاده للكل طبعاااا اكرر منقوله