موضوع المتزوجات ولعرايس

بنات ان نشاء الله راح اتزوج بعد سبوعين ابي اعرف منكم اول شهرين من زواج شلون تصرفون مع لحموله وكم مره تنزلون تقعدون مع الحموله وشنو تسلفون وشلون تتصرفون معاهم و متا تدخلون مطبخ وشنو اول طبخه تطبخونه وشلون اتقرب حق خلتي وعمي ابو زوجي وحمواتي بنات ومن عمري شلون اخليهم صديقاتي

ألف مبرررروك حبيبتي
حاولي أول شي تكونين مستمعة عشان تعرفين اسلوبهم وبعدين شوي شوي تزيد العلاقة وتعرفين شنو طبعهم
وأكيد لازم تكونين هبة ريح بكل شي ودايما حطي ببالج ان خالتج مثل أمج ولا تسمعين كلام الناس عن سولف الخالات
وسامحيني ما أقدر أفيدج أكثر لاني ساكنه بروحي مو مع حمولتي
الله يسعدج ويوفقج

مبروك الزواج مقدماا :)

والله يوفقج ويتمم عليج انشالله يارب

مشكورات خواتي على الردودكم حلوه

اهم شيء تكوني ر سمية معاهم ولا تحاولين تقولين اي شيء عن خصوصياتج مهما كانت عادية

مبروك حبيبتي خليج مرتبة وكسبس عمج وخالتج ببوسه على الراس بروحه والرده وأنزلي كل حزه صيري شاطرة سوي ماعون حلو ونزليه وقهوه وخلج كله كاشخه ومبخره وبس تشوفين خالتج دشت المطبخ دخلي معاها وقوليلها خالتي أساعدج بشيء وخلي كلامج معاهم بطيب لانه الكلمه الطيبه تملك مثل مشكوره ياعمري حياتي أنتو أنا أختك ماني جنتكم خليج لبقه بسلوبج عاد أنتي وشطارتج

الله يوفقج يارب ويسخر لج زوجج يارب,,
عن متى تنزلين طبعا تنزلين بحدود الساعه11 وتقعدين وياهم شوي والعصر تنزلين ع الساعه5 وتصعدين على راحتج بس مو قبل ال8.
وعن اسلوبج ويا حمولتج اهم شي تكسبينهم بالطيبه موتقلين بفرض شخصيتي واللي يكلمني بنفسيه برد عليه بالمثل لأ الاحترام واجب وانتي تحترمينهم عشان خاطر زوجج وتكبرين في عينه وخالتج لو شنو تقول قولي حاظر وان شاء الله وحتى لو تضايقج بشي لاتقولين لزوجج اي شي واهم شي احترام امه وخواته ودايم حاولي تذكرينهم بشي ومن فتره لي فتره اعزمي خواته على طلعه وامه بعد قولي له شرايك ناخذهم ويانا صدقيني يبي يستانس وتكبرين في عينه ويشوف انج حاسه بأمه وخواته واشتري لامه مره مواعين مره قطعة خام وكل طلعة سوق اذكريها بشي وخليها مدى الحياة وياج هالعاده مو بس اول الزواج واتمنى اكوون فدتج هذي من خبرتي البسيطه توني بسنواتي الست الاولى وياليتني ماقصرت وياج.

الله يوفقج يا حلوه