شنو تفسيرج للجمله: سوي خير و قطيه بحر ؟؟

أم عبدالله كتبت:

وجهة نظر صحيحة لحد ماااااااااااااااااااا

وتحتمل إنا نقول بعد نقطه بحر لانه عميق وغوره لاقرار له يعني لما نسوي الخير نرتجي الثواب من الله وحده وإلا الإنسان يمكن

يحمدنا أو مع الوقت يجحدنا لذا نقطه بحر

وجهة نظرج صحيحة يمكن هالخير يرد لنا بطريقة ثانية مع مد البحر

شاكرة لج هالموضوع وبانتظااار قراءة تعليقات خواتنا . . .يمكن يكتبون لنا وجهة نظر ثالثة

ومشكورةةةةةةةةةة حبيبتي

وتر الابداع كتبت:

اي ياقلبي هذا كان مثلي بس عدل قلت البحر كبير ارميه وانسى مااحب حد يشكرني اي توني انتبه على قولك النهر يمشي مايرد

to0o0o0t كتبت:انا اقول ان كلامج صح الي يسوي خير وقطه بحر راح يرد له من رب العالمين والله ما ينسى عباده
والي يسوي الخير هذا انسان بمنتهى اللطف والرقه واخلاقه وااايد حلوه والبيت الي تربى فيه بيت
ناس يخافون الله

مزيونه كتبت:وجهه نظرج جاااايزه بس موشرط انه معناه يردلج جان قالوا شي ثاني غير البحر (موكلشي تقطينه بالبحر يردلج)

انا افسرها انه البحر اكبر واعمق من النهر (مثل مايقولون بحر النسيان مو نهر النسيان) يايه بمعنى المسااااااحه والحجم

وهذي وجهه نظري الشخصيه ويسلموووووو :)

ريمي كتبت:وجهة نظرك اقنعتني الى حد ما بس ماننسى انه يمكن يرد اولا يعني الخير يمكن مايرجعلك في الدنيا لا كن في الاخره مليون بالميه راح يرجع والله مايضيع جهد احد ابد
المستفاد احنا نجتهد وندري ان تعبنا بفعل الخير ماراح يضيع مادمنا مؤمنين بالله ومصدقين به
كما قلتي استناد للآية الكريمة (الله لا يضيع اجر المحسنين)