📦 أرشيف
هذا الموضوع محفوظ من المنتدى القديم (2009/02/17) — للقراءة فقط.
المعلومات قد تكون قديمة.
كريم الكيراتين بلاااااش
بقلم شوش · 2009/02/17 ·
14 رد
السلام عليكم خواتي
انا قبل شهر سويت شعري كيراتين و خذوا علي 180 دينار طبعا مسوين لي خصم لاني اعرف صاحبه الصالون هذا غير الشامبو وحمام الزيت عشر دنانير
المهم بعدها بثلاث ايام وبالصدفه اهلي تعرفوا على الشخص اللي يورد كريم الكيراتين حق كل صالونات الكويت شريت منه كميه و سويت حق اهلي بالبيت طلع شعرهم احلى من شعري :(
والطريقة سهلة
اللي تبي تقول لي و راح اعلمها الطريقه
الكريم والشامبو وحمام الزيت ب 20 دينار بس
شعرج يصير ناااااااعم ويلمع لمده 6 شهور و سيده من غير سشوار انا كنت مسويه ريلاكس وماي الذهب قبل بس ما نفع الكيراتين نفع صار جنه مسشور بالصالون و انا شعري مو ناعم
ينفع للاطفال لانه علاج مو ضار و يعالج الشعر المصبوغ والمحروق
للطلب عالخاص
ملحوظه . تقدرين تروحين اي صالون تسشورين عندهم وانتي تحطين الكريم بعدين يسوون لج ستريتر اذا مالج خلق او ما عندج ستريتر
طريقته سهله وايد والله يستاهل
ال
الغزلاني
2009/02/17 · #3
ممكن التفاصيل
وصورة المنتج
وكم تكفي العلبه
وكم شحنه للامارات
حبيبتي اوصل بالكويت بس
مر
مرااايم
2009/02/17 · #5
موفقة انشالله
اختي السوسن حاولت اتواصل معاج بس الوارد عندج فل ما يستقبل
هد
هدفي الجنه
2009/02/18 · #7
حبوبة هو صناعة وين وشنو طريقة استعماله بالتفصيل وما يطيح الشعر بعدين
لا
لافندر الكويت
2009/02/18 · #8
حبيبتي ممكن التفاصيل ياقلبي لان ابي حق بنتي عمرها 10 سنوات علي الخاص ماعليج امر
خواتي تم الرد عالخاص
دي
ديمة 17
2009/02/18 · #10
يعطيج العافية اختي انا كنت مسوية كيراتين والحين طلعت الج\ور وودي اشتري الكريم منج بس ياليت تدزيلي رقمج وتوصفيلي شكلة بشوفة مثل شكل الي حطوليلي اياة او نوع ثاني وموفقة انشاللة
MI
MISS^fofo
2009/02/18 · #11
من وين المنتج ؟
عطينا معلومات عنه
MISS^fofo كتبت:من وين المنتج ؟
عطينا معلومات عنه
تم الرد عالخاص
Ku
Kuwait
2009/02/19 · #13
السلام عليكم خواتي
المنتج اللي تبيعه اخت شوش كيراتين لبناني وهو الاكثر ترويجاا تجارياا
وتناقشت انا وياها برايفت واخذت بيانات عن المنتج وطلبت انها توقف البيع وتلغي الموضوع بس ماشفت اي استجابه منها
وحبيت اقولكم ان اردى انواع الكيراتين هي اللبناني والفلبيني ومضااف اليهم موااد ونسبة الكيراتين فيهم بسيطه وفيهم ماده تسبب السرطان بسبب مواد مضاافه اخرى وبعد انتهاء مدة الكيراتين يصير تساقط للشعر من استخدام الكيراتين الغير اصلي
فياليت صاحبة الموضوع توقف البيع لانه فيها صحة ناس وارواح ولانه المنتج اللي عندج تجاري وغير اصلي
وبترك لكم دليل على صحة الموضوع دشو على هالرابط واقروو الردوود كامله وبتشوفون
حبيباتي بنات ديرتي أي وحدة حابة تسأل عن الكيراتين تتفضل .. حياكم . - منتديات كويتيات النسائية
ولو دققون من خلال الردود بتشوفون ان الخبيره حاطه موقع عن الكيراتين الاصلي وصورته موجوده وهذا الموقع
Global Keratin UK - Home
وذكرت الخبيره معلوومه حيل مفيده
(الكيراتين الأصلي وأسمه (( الجلوبل كيراتين فورمالدهايد فري )) وصناعته بريطانية ..)
ماحبيت اخش شي انا اعرفه وغيري يتضرر ياليت تكونون حذرين بنات
ومن ترك شيئا لله عوضه الله خيرا منه يا صاحبة الموضوع
اختي لو كان في مواد مسرطنه جان ما دخلوه الكويت وكل الصالونات قاعده تشتغل فيه وانا مسويه شعري واهلي كلهم سووا واللي نتعامل معاه المورد حق الكويت ما يبيع شي مو مرخص
Ku
Kuwait
2009/02/19 · #15
حبيبتي الكويت من متى تمنع شي ؟؟
كل شي مرخصينه فحراااااام والله خافي الله وقفي البيع والله مسرطن واللي تبيعينه مو الاصلي
فكري بالاوادم الاغلبيه اللي يسونه متزوجات وعندهم أسر وعيال فكري فيهم
اللي عندج مو اصلي << للمره المليون اقولهاا ذكري ربج ويوم الحساب
انا علمتج ومالج عذرر
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم