عروس وحابه استشيركم ..

هلا أختي

ربي يوفقج ويتمم عليج يااارب

بدلة العرس بيكون وياها خامة ساتان مثل الخمار لكن طووووووووويل تلبسينها

طبعا هي وسيعة تلفين نفسج فيها

والكاب تنزلينه حيل على نص الوجه

يعني الامور بإذن الله سهالة

إن ما حصلتيها ويا بدلة عرسج

اشتري خامة ساتان رخيصة بيضة وفصلينها عند اى خيااااط

تسلمين اختي ام عبدالله ومشكوره ما قصرتي :)

]الف مبروووووووك حبيبتي..مثل ماقالت الاخت ام عبدالله كل عروس تشتري بدلة العرس او تخيطها لازم معاها كاب وهو عباره رداء ابيض يلبس نفس العبايه وفيه نفس الكبوس يعني نفس لبس اهل المغرب...واذا بدلتج مامعاها الرداء روحي لاي محل خام واخذي المتر اللي تبين وسويلج عند خياط يضبطه لج بس لازم يكون راهي عليج مو مقصمل ولاتشترين الخام غالي اخذي العادي الستان اللي متر على دينار او اقل لان من تدخلين الصاله بتنزلينه ومحد شايفه ...والف مبروك

الف مبروووووو ووووووو وووووو ك :)

اذا ماكان مع البدله غطا العروس ممكن تفصلينه تشترين خام ساتان وتودينه لأي مشغل يفصله لج واختاري مشاغل عاديه عشان لايرفعون عليج السعر ياعروستنا:)

الله يوفقك بس الاء دشتي احلى مكياج والاحنان لان مدحولي حنان مره
ومحتاره حيل

حبيباتي انتو .. تسلمون على ردودكم وما قصرتو :)

Butterfly2009 كتبت:الله يوفقك بس الاء دشتي احلى مكياج والاحنان لان مدحولي حنان مره
ومحتاره حيل

يوفق الجميع ان شا الله يا قلبي :) ..

والله انا انصحج بآلاء اكثر .. لان ستايلها ناعم مو دفش وتلطخ مثل حنان .. هذا رايي :angel_smile:

سؤالي لكن

انتن اعراسكن مختلطه

يعني هب رياييل بقاعه والحريم بقاعه

مثل ماقالو البنات مع كل فستان رداء

والله يوفقج انشالله

ربي يوفقج ويتمم عليج يااارب

اشتري خام ستان نفس لون بدلتج، وروحي للخياط يخيطلج اياها مثل دراريع المفرب(كبوس) يغطي شعرج وصدرج وايدج.
انتي بس قولي للخياط عشان عروس واهوا راح يفهم عليج. وبالتوفيق انشالله يا عروسة