→

الدوره الشهريه

قـسـم تـأخـر الإنـجـاب · 3,758 مشاهدة

📦 أرشيف هذا الموضوع محفوظ من المنتدى القديم (2008/09/25) — للقراءة فقط. المعلومات قد تكون قديمة.

الدوره الشهريه

بقلم مجبوس · 2008/09/25 · 17 رد

مج

مجبوس 2008/09/25 · #1

خواتي اني كنت اعاني من تكيس مبايض وتعالجت عنه وزال بس الدوره ما انتظمت شسوي واني ابي احمل وكل شهر احاول مايصير حمل لان ما عرف احسب موعد التبويض لان دورتي مو منتظمه وش الحل؟

لط

لطيفه عبدالعزيز 2008/09/25 · #2

احسن طريقه تنتضمين عند دكتوره == هي الي راح اتابع معاج حالتج

سع

سعوديه كووولـ 2008/09/26 · #3

انا سمعت الدكتوور عبد الباسط السيد يقول لانتظام الدوره الشهريه شرب البردقوش وهو عشبه تاخذيها من العطار ادخلي في النت ع خلطات عبد الباسط كمان في خلطات للحمل هو ذكرها ادخلي عليها

ري

ريماس 2008/10/15 · #4

حبيبتي اذا الدورة مو منتظمة انسي تحملين لازم تنتظم عشان يصير حمل
تصدقين انا فيني تكيس بالمبايض وقالتلي الدكتورة يمكن ينزل بالدورة قالتلي تعالي بعد الدورة افحصج وطنشت
انتي شلون تعالجتي منه

أم

أم عبدالله 2008/11/08 · #5

هلا اختي

ربي يعاافيج يااارب

شوفي اول شي ضبطي الدورة

وفي جهاز لقياس مستوى الاباااضة lh

طبعا قبل نزول البويضة يفرز هالسائل والجهاز يكتشفه ونسبة نجاحه بالتسعينات تلاقينه بالصيدليات متوفر سعره 5دنانير و800 فلس

وتبدئين تستخدمينه أول ما تنتهي دورتج الشهرية لغاية 12 يوم كل 12 ساعه تستخدمينه ولازم وانتي بكرامة تحبسين البول لمدة 4ساعات -ربي يعينج بهالبرد -

لكن قبل كل شي ضبطي الدورة عند الدكتورة وربي يرزقج بالذرية الصالحة المعافاة

هم

همسة الروح 2009/01/10 · #6

الله يكتبلج الذريه الصالحه حياتي

ال

الزهره الرقيقه 2009/01/18 · #7

نصيحتي لج روحي حق الدكتور فوزيه القطان

وبأذن الله بتعالج المشكله اللي فيج

ومجربتهاا وحده من اهلي

والله يرزقج الذريه الصالحه

أم

أم درة 2009/01/28 · #8

حبيبتي اشتري جهاز كشف التبويض يكون نفس طريقه جهاز كشف الحمل يعني وانتي بكرامه بمجرى البول يصير داخله 5 حبات وانتي حسبي من اول يوم تخلصين الدورة تعدين 13 يوم بعدين تبلشين تسوين الاختبار ويفضل الصبح لانه يكون البول موجود بجسمج لفتره طويله اذا طلع خطين يعني اليوم يكون تبويض وتكثرين فيه الجماع واذا خط معناها مافي تبويض
ويفضل حق الحمل الطريقه العاديه بالجماع يعني تكونين انتي تحت يعني نايمه على ظهرج وفاتحه لانه احسن طريقه يوصل القضيب الى اقرب نقطه حق البويضه واذا حابه تستشيرين عياده انصحج بدكتورة سلوى السيد الرفاعي بصراحه عجيبه وانا ارتاحلها واايد وخليييت كل اهلي ومعارفي يروحونلها
وحبيبتي كثري من الادعيه حق نفسج وانشالله تتوفقين

لي

ليالي العمر 2009/02/28 · #9

السلام عليكم ورحمة الله وبركاته

حبيبتي انا نفس حالتك
عندي تكيس بس الحمدلله حملت وابني هلئ عمر سنة واربع اشهر يعني ممكن و طبيعي جدا يصير في حمل دام نزلت الدورة في احتمالية للحمل
يعني لا تيأسي وتوكلي على الله
والله يرزقك بالذرية الصالحة

ري

ريماس 2009/05/04 · #10

تم نقله الى القسم المختص

نو

نوراى 2009/05/18 · #11

الله يرزقك بالذرية الصالحة حبيبتى

ال

المزيونهـ 2009/05/23 · #12

حبيتي انصحك بالبرقدوووش واستمري عليه الين ماتحسين ان الدوره انتظمت والله وحده مجربته وماشاءالله الحين حامل

وانا وحده مثلك الحين اشرب البرقدووش

في اليوم مريتين

والله يرزقك ويرزقني والمسلمات بالذريه الصالحه

om alzhra2 2009/09/27 · #13

والله انا طريقتي يمكن تفيد ويمكن لأ
بس انا امشي على كلام الكبار بالعايلة
بس ماتييلج الدورة شوفي جم التاريخ وحسبي بعد 6 ايام منها
يعني مثلا تييج 5 من الشهر زيدي عليها 6 ايام
يعني بداية التبيويض تبدي 11 من الشهر الياي ..
ويمكن ماتفيد لج عشان وضعج الله يساعدج ويسهل عليج
وان شاء الله اكون حامل هالشهر .. ادعولي

sahmed31 2010/02/17 · #14

اختي اوصيج على دكتورة فعلا شاطرة وامينة واسعارها مناسبة وغير عن بره آنا بحكم تجربتي معاها اسمها الدكتورة خيرية السالم بعيادة رويال كلينك
نهاية الدائري الرابع مقابل مطافي السالمية
رقم العيادة 256511060
روحي لها واخذي معاج كل التحاليل وان شاء الله خير

شو

شووق الامارات 2010/02/20 · #15

اختي الغالية انصحج بشرب مغلي المرامية ماشاءالله واااايد حلو حق تنظيم الدورة ينظم لج من اول ويديد الله يرزقج من حيث لاتحتسبين

sahmed31 2010/02/21 · #16

دزيت لج رسالة على الخاص

اب

ابي اصير ام 2010/02/25 · #17

عفية اشلون تعالجتي من تكيس انا فيني ياريت تفيدوني ولي يسلمج

سن

سندباد 2010/10/01 · #18

الله يرزقك حبيبتي

كنتي عضوة بالمنتدى القديم؟