أمانه أمانه &&لاتضحكون على مشكلتي

بسم الله الرحمن الرحيم

يمكن تكون مشكلتي غريبة بس مادري شي غصب عني يصير معاي من وانا صغيره ومعاي ليما كبرت واتمنى القى منكم حل

مرات لما ايي بصلي اصلي اخر الغرفه اخاف وانا اصلي ايي وراي احد جنه يبي يطعني بسكين او يمسكني يخنقني
ومرات لما انام والغرفه ظلمه احس جنه شي بيطلع من الكبت او من تحت السرير

ولما يطرشوني للسرداب اييب اغراض اييبهم واركض بسرعه لما اقرب عند اهلي اخفف جني مو خايفه

مادري

الحمدلله مو مخليه شي من اذكار وقراءة بس غصب عني
مشكورة على المسانده

مشكورة هيوفه ماتقصرين والله بحاول قد ماقدر

ههههه حرة بضحك
تصدقين تصير لي بعض المرات لما اصلي اخاف احس ان وراي احد ناطرني اخلص صلاتي وبيطعني ههههه
والله مادري من شنو

الله يكون في عونج


لا تفكيرن بالهشي وانسيه هذي وسوسه


واذكري الله عند الخوووف



وان شاء الله ما تحسين بشي يارب ..

آنا أمر بنفس المشكلة
بس أحاول أتغلب ع خوفي
وفي حل إن يكون عندج اقتناع إن ماراح يصيرلج شي إذا قريتي آية الكرسي والمعوذات
وترا البيت اللي ينقرا فيه سورة البقرة بصورة مستمرة مايدخله الجن

ما تشوفين شر ان ان شالله
حبيبتي الصلاة هي صله بين العبد وربه وبهذا الوقت بالذات ما لازم تخافين من شي غير من الي انتي بيده وهو ربج ورب العالمين فلما تفكرين انج بين يديه فشلون تتأذين علشان جذي حاولي الخشوع بالصلاة و الخشوع فيه تمعن بالايات و التبصر بمعانيها فاذا كان كل حواسج منسجم بالتفكر بالايات يبدا عقلك يتحول عن التفكير السابق و صدقيني كوني صادقه بالمحاولة مع الدعاء الصادق بالتفريج عنج و ان شالله خير
اما مشكلة السردان و الاظلام لازم يكون لج حديث مع نفسج حديث حقيقي فيه وزن للموافق يعني مثلا انا الحين بالغرفة وهي منوره واشوف الاشياء بعيني وما كو اي شي يخوف شنو راح يتغير اذا صكيت الليتات هل بتتغير الاشياء طبعا لا فليش الخوف و السرداب نفس الطريقة البيت و لله الحمد امن بأذن الله ما يختلف السرداب عن اي دار خاليه في البيت وكلها دقايق وراده للامان من الاهل

يعني انا اعطي امثال عن حديث النفس ووضع الحقائق بمحها ترا غالبا الحديث المنطقي مع النفس يقلل حده الخوف
وبالسلام انشالله

حبيبتي مافي شي يضحك انتي يمكن يوم كنتي صغيره هذي وسيلة التخرع معا سببتلج خوف لي يةةمج و ممكن يكون السبب افلام رعب تاثرتي فيها

ياقلبي عادي حتى انااا مرات احس بهالشي احس احد بيجي من وراااي وانا اصلي واناا نايمه

اي انا نفسج لما اصلي اخااف احد ايي من وراي....بس مادري احس هالشي عادي ولما ابدى صلاتي يروح هالخوووف الحمدالله

ومثل ماقالو البنات اقري قرآن والمعوذات

اكثرنا صارت معاه هالمشكلة وخلي عندج يقين بأن الله معاج دام انت معاه ودايم رددي بسم الله الذي لايضر مع اسمه شي لا في الارض ولا في السماء وهو السميع العليم

حبيبتي عادي حتى انااا مرات احس بهالشي احس احد بيجي من وراااي وانا اصلي واناا نايمه بس اذكري واقري المعوذات ويروح

هذا ابليس يوسوس لج... فتعوذي من الشيطان على طول واقري آية الكرسي

وانشا الله ما عليج شر

محنا ضاحكين بس تصدقين انا مااحب احد يقعد وراي

لما اطالع التلفزيون ولا اسولف مع احد احس احد بيهجم علي

عادي مو انتي بروحج بس لازم الواحد يتثبت ويقوي نفسه علشان صحته

نفس حالتي
انا كلا اخاف خدامتي تيي تذبحني مادري ليش
سألت فيها قالولي هاذي فوبيا
ولمه اسبح واغمض عيوني بسررررعه ابطلها كله عبالي احد بيبني

الله يعينج حياتي اقري قران واذكري الله واقرى اذكار الصباح والمساء واقري اذكار النوم قبل لاتنامين والله يشافيج من الي انتي فيه يارب