دلعي زووجج .. بطريقتي وتجربتي الخاصة ..:)

السلام عليكم ورحمة الله وبركاته

بنات وحريم وانسات ومدامات .. شوية افكار خطرت في بالي ونصائح ومعلومات حضرتني
وقلت ليش ما افيد خواتي في المنتدى ..وهذا كله من تجربتي الخاصة وما نقلت اي كلمة من اي حد..واستثني من ذلك الاية المذكورة طبعا


1. اذا كنتوا متزاعلين ..

والله مافي احلى من انج تكونين مرتاحة مع زوجج والزعل والعصبية والتكابر ما اييبون الا وجع الراس
والتعب النفسي لج ولزوجج ولعيالج اذا عندج.. تقدرين بكلمتين تراضينه .. مثل(( انت حبيبي وما اقدر اعيش بدونك))..((وانت تاج راسي والهوا اللي اتنفسه)) ...ومن هذا القبيل.. وطبعا كل زوجة اتعرف شلون تراضي زوجها وتعرف نقطة ضعفه ....
وممكن تسوين له اي حركة حلوة .. مثلا تعزمينه على الغدا او العشى .. او تحتفلون مع بعض في البيت .. او تطلعون طلعه حلوة عالكورنيش او تحجزون فندق ليلة وحدة .. وراح تنسون كل شي سيء.. لانكم رووح وحدة .. ( وجعلنا بينهم مودة ورحمة) صدق الله العظيم
اكسبي زوجج وراضيه

2.ولتزيدين الحب بينج وبينه:

احلى طريقة اشوفها انا.. هو التدليك .. او المساج
والله له مفعول سحري ..
وعشان تطلع ليلة راائعة ولا تنسى وتترك اثر جميل في نفسج ونفس زوجج
اتبعي هالخطوات البسيطة .. وادعيلي

الخطوة الاولى:حاولي تنيمين العيال ( اولادج) بسرعه ليرتاح باالج

..الخطوة الثانية :
البسي له لانجري جديد اذا تقدرين .. او المفضل لديه ..

الخطوة الثالثة:
حضري جو رووومانسي ورائع بشمووع ..
ورش العطر على الوساده والسرير.. والغرفة بعطركم المفضل


الخطوة الرابعة:ممكن اتييبين لكم اكل خفيف وعصير..


الخطوة الخامسة :
اتحضرين احلى زيت للتدليك وممكن تضيفين له زيت الافندر
او اي رائحة تعجبج ..

وهذا اللافندر


الخطوة السادسة:
تسويله احلى مسااج باناملج الناعمه الرقيقة.. ولا تنسين هالاشيا الضرورية:

_تدليك الظهر
_تدليك الكتفين
_اليدين
_والقدمين
_والساقين
_والوجه
_والراس

تعلمي اساليب التدليك بنفسج .. او من الكتب او الانترنت ..
وتفنني في جعل الجو رااائعا لكليكما بعيدا عن جو الحياة الروتينية
لانه اثبتت الدراسات ان تدليك الزوجين لبعضهم حقا يزيد الحب والرومانسية والراحة
وشوفي زوجج اي منطقه يفضل .. وتدليك الوجه له طرق خاصة
والطريقة:اضغطي باصابعج على حاجبينه ومرريهما.. من بداية الحاجب الى نهايتها..
وايضا بالضغط على العينين ضغط خفيف طبعا..
وبين العينين اعلى الانف
وبين الحاجبين
واسفل العينين ..
والجبهه.

ولاتنسى اعلى الرقبة ..

والظهر ممكن يكون بالمسح والربت على كل منطقة في الظهر الى الكليتين



واليدين .. هذي صورة توضيحية


والاقدام ..اضغطي باصابعج على اصابع اقدامه واسفل القدم .. لانها تريح الاعصاب وتهديء نفسه
وراح يحس بانج تفعلين كل شي لترضيه


صدقووني اذا سويتوها بطريقة ناعمه ورومانسية ومعاها قبلات متفرقة بين حين والاخر
وتسمعينه الكلمات العذبة الحلوة ..

بتشوفينه مثل الياهل يناام


صدقوني هذا كله من تجاربي انا..
لاتقولين انج ما تعرفين وماتحبين تسويله.. لاني استغرب يوم اسمعها ..

وشوفوا حتى القطوة اتدلع زوجهها


لا تنسوووون تدعوووون لي