عندج اولاد ماتزوجو واتدورين لهم بنت الحلال تعالى اهنى

السلام عليكم
بنات ليش مانساعد نفسنا بنفسنا وخاصه الحين الناس اغلبها منغلقه ع نفسها وقليل الناس الى يطلعون ويروحون
ويجون وتلقين كل وحده معارفها يا دوب اهلها وعمامها وخوالها ويمكن شوى جيرانها او جيران اهلها
يمكن فى حريم صج معارفهم وايد بس الاغلبيه معارفهم ضيقه تنحصر ع الاهل والقرايب
وكل ماتزيد دائرة معارفج كل ما حصلتى لبنتج او لابنج ع بنت احسن وكانت فرص الزواج الافضل
اكبر
فليش نلجأ لخطابات يمكن بدل مايساعدونا يزيدون الطين بله فيعطونا معلومات غلط بغلط ويخفون
جزء من الحقيقه عنا الا بعد مايطيح الفاس بالراس فكثير بنات اتزوجو عن طريق خطابات
وكان **ير زواجهم الفشل
وحريم بعد اكثير زوجو اعيالهم عن طريق الخطابات وتفاجئو بعد فتره بعيوب بالعروس
ما كانو راح يقبلون قبل الزواج

احنا ليش ما نحاول نساعد انفسنا ونتخلص من الغير بان يكون الاتصال مباشر
بين ام العريس وام العروس
فاللى عندها اخ بيتزوج او ولد بيتزوج او بنت بعمر الزواج وتبى تزوجه ومو عارفه من وين
او مو عاجبينها الى من معارفها وتبى بنات من بره
خلي كل وحده تحط الى تبيه بمواصفات العروس وكذلك مواصفات العريس
ويصير الامر تبادل معلومات ويكون الا تصال مباشر بدون وسيط وبدون ناس تخرب
ما تعمر
مدرى خطرت لى هالفكره فشرايكم فيها منو عندها ولد بتخطب له تحط مواصفاته ومواصفات البنت الى
يبيها والى تشوف هالمواصفات مطابقه تراسل ام الولد ويصير اتصال مباشر
وعسى ان يكون خيرا ليش لا؟؟
مجرد فكره واتمنى تنجح ؟
والله يوفق الجميع