بنات شسوي

السلام عليكم
بنات عندي مشكلة مع بنتي اهيا أبسن المراهقة الله يحفظها ويحفظ لكم حبايبكم ، وكان شعرها كثير بس كانت عندها عادة سيئة وهيا استخدام الشامبو بكميات كبيرة على شعرها والستريتر بالسبوع اكثر من مرة بعدها لاحظت شعرها يخف يوم بعد يوم وكنت احذرها بس اهيا عنيدة وايد والحين شعرها صار خفيف من الخلف وقمة راسها بدت اتبان وقمت ادهنه لها بزيت جوز الهند الاصلي من شهرين ونص تقريبا وغصب طبعا بس مازال خفيف شسوي يعني الشعر ياخذ وقت على ما يرجع لطبيعتة ؟
الحمدلله التساقط صار طبيعي بس خفة الشعر مرعبتني شسوي يا بنات ؟

حبيبتي عسي الله يخليلج بنتج ويصلحها ويبلغج فيها عروس ان شاءالله
انا من وجهة نظري دام التساقط اكثر من الطبيعي يحتاج تودينها لدكتور مختص وان شاءالله يطمن قلبج عليها،،

الحلبه والثوم حلوه للشعر ونارجين وان شاء الله يرد احسن من قبل ويصير كثير
بس اصبري وطولي بالك قلبي
الله يخليها ويحفظها لك يارب

تسلمون حبيباتي على ردودكم

جربي لها الجرجير الطارزج حطيه بالخلاط بعدين صفيه

وحطي عليه زيت خروع شوي وفركي فيه فروة الراس عدل وخليه اربع ساعات

وان شاء الله شهر الى شهرين بتحسين الاخلاف

بس قبل هالخلطه لازم تودينها طبيب تاخذ فيتامين للشعر لانه مبين نقص ف

الله يهديها ويخليها لج
هذا سن المراهقه متعب
طولي بالج عليها وسمعي كلام البنات والله المستعان