مشكلتي مع الوالدة

رو

رويال فراولة 2012/04/25 · #1

السلام عليكم و رحمة الله و بركاته ًً

بخاطري افضفض اللي بخاطري لحد فاخترت هالمنتدى المتواضع

المشكلة هي مع الوالدة الله يحفظها

احس انه أمي ما تحبني أبدا ولا مره عطتني الاهتمام و الحب ,

بخبركم مثال: اذا عندي موعد في الصالون ماراح تسألني وين بتروحين و شو راح تسوين ؟

اذا تأخرت وايد عن البيت ماراح تحاتيني ولا بتفكر تتصل فيني

بس اذا اختي الاكبر عني بتروح مكان معين بتروح وياها و اذا تأخرت عن البيت بتتصل فيها ... الخ

أمي وااايد تفرق. بين عيالها البنات و الأولاد و هي كبيرة بالسن عمرها 64 و مب متعلمة

الوالدة اذا سمعت شي غلط أنا سويته من غير قصد احسها تستأنس و في اليوم الثاني تكلم اختي بالتلفون و تخبرها عني و اختي ماتنصحها

أنا بنت وااااايد هادية و مب اجتماعية و مأ أسولف ويا حد اكثر وقتي بغرفتي اتابع تلفزيون و اصلي

احيانا اقول لنفسي اسكتي ولا أبى اغلط عليها و اقول الله يهديها بس احيانا أصيح بوقت الرقاد

دخيلكم ساعدوني

اذا سويت شي غلط تستأنس و في اليوم الثاني تنشر الخبر حق اختي المتزوجة او حرمة اخوي بس هم ماينصحونها

أنا وايد هادية و مب اجتماعية و ما اسولف حتى مع اهلي اكثر وقتي في غرفتي و اتابع التلفزيون و أخصص وقت للعبادة

تفسر يلستي لغرفتي أني ما احب ايلس وياها و ما احبها

أم

أم عبدالله 2012/04/25 · #2

هلا اختي ...كأم بقولج كل ام تحب اطفالها وماتفرق بينهم يمكن طريقة تعاملها مع احد عيالها تختلف عن الثاني والسبب طريقة تعامل هالبنت او الولد وياها.انتي ماتقعدين مع الوالدة ولا تسولفين.وهالشي مضايقها ويحسسها انج ماتحبينها.ماتخسرين شي لو بادرتي ورحتي قعدتي عندها وقلتي لها بخاطري انام بحضنج او احضنج او ابوسجج اي فعل يعبر لها عن حبج.لان الوالدة من النوع اللي مؤمنة بأن الحب يترجم لفعل.مرة مرتين ثلاث بتتعود ع تعبيرج لها عن حبج لها.ويمكن اهي تثق فيج بتالي ماتروح وياج اذا طلعتي ولا تحاتيج اي تفكر فيج ليش تأخرتي لانها واثقة فيج.وربي يهدي الامور بينكم يارب .

((

((( حسناء ))) 2012/04/25 · #3

صح مثل ماقالت ام عبود امج ومستحيل ام ماتحب عيالها واكيد انها واثقه فيج وانج مو راعيه سوالف وخرابيط واكبر دليل انتي قلتيها انج هادية
ياقلبي ابعدي عنج الشيطان والوسواس واما انها تسولف عنج قدام اختي او شخص ثاني فأنها يمكن مستغربه من شي سويتيه وعااادي هذي كلهااا سوالف
الام غاليه يارويال فراوله لا تحاولين تخلين الشيطان يوسوسلج تعوذي من ابليس
واحنا خوات لج في المنتدي سيدات الكويت اخذي راحتج وفضفض باللي يضايقج
بس لا تنسين الدعاااء
(ياحي يا قيوم برحمتك استغيث فاصلح لى شانى كله ولا تكلنى الى نفسى طرفة عين)
-اعوذ بالله من همزات الشياطين وان يحضرون
قراءة سورة الفاتحة
قراءة اية الكرسى
قراءة سورة الناس
والله يخليكم لبعض يااارب

ال

المزاين 2012/04/25 · #4

ماقصروا البنات ............

وت

وتر الابداع 2012/04/29 · #5

ربي يحنن قلبها عليك اهديها وادعيلها
حبيبتي كثري من الاستغفار

مواضيع من نفس القسم