فزعتكم الله يجزاكم الجنه

السلام عليكم ورحمة الله وبركاته
انا ارمله سعوديه وام لطفلين من اب كويتي من بعد ماتوفى زوجي الله يرحمه طلب مني ابوه اني اسوي له وكاله عامه وحياتي مع اهل زوجي صارت مستحيله وحبيت استفسر منكم اخواتي هل لو اخذت عيالي ورحت السعوديه هل راح يقدر ياخذ عيالي مني بحكم الوكاله لاني اجهل في القانون الكويتي ولاعندي احد في الكويت يقدر يستفسر وشاكره لكل من يساعدني ولو بمشوره

افا ولا رد وين فزعتكم يابنات الكويت وين محبي الخير

وعليكم السلام
الله يرحمه ويغمد روحه الجنه ويخليلتس عيالتس
شوفي اذا وكاله عامه ماتتصرفين بـ اي شي الا موافقته حتى سفر العيال بموافقته لانه وكيلهم هذا اللي اعرفه بالسعوديه

ان شاء الله يفيدوووونك البنات

مشكورين خواتي -الفرس الاصيله -وترالابداع-على تعاونكم وردكم
ويغيت اسئلكم الوكاله تكون في المحكمه صح
زين انا ماوداني حق المحكمه رحت حق البنك ووقعت على اوراق بس السالفه من ثلاث سنوات ولااذكر اي بنك اوشنو قالتلي الموضفه يعني ممكن تكون وكاله على الاموال فقط ماادري والله
زين اذا ابي استفسر عنها شلون وين اروح وعادي اخوي يروح يستفسر بدالي
ياليت تتاكدون لي اذا تقدرون

شكرا خواتي على الردود

الله يرحم زوجك
ويخلي لك عيالك
انتي عطيتي ابو زوجك وكاله عامه اللي اعرفه تقدرين تلغينها واعتقد تراجعين معاه علي شان تلغينها بالنسبه لقانون الكويتي انه ياخذ عيالك لأ قانون الكويتي انتي اللي تصرفين بعيالك
حبيبتي دام صارت علاقتك مع اهل زوجك مستحيله نصيحه تلغين الوكاله اذا كانت عامه