عن
عنيدة راك
2012/02/03 · #1
بدخل بالموضوع دايركت
أنا كانت مراهقتي صعبه كل شي ابيه يكون تحت امري وهل الشي خلاني استغل طيبة قلب اهلي
دخلت عالم الشبكة العنكبوتيه وانا مب عارفة لشي وطبعا اسمع من ربيعاتي المسنجر والجات واسألهم شوو هذا وطبعا ما قصرن خبرني مع العلم محد خبرني بالطريقه وين ادش او شو اسوي كان كل شي برحي ومن تعلمت اسوي الايميل وادش المنتديات مره كان عندي موضوع فالمدرسه عن المشروبات الغازية وانا ادور معلومات دخلت على شي وكاتب الاسم وسجلت طبعا باسم العنيده ودخلت وشفت شي أنا مب عارفه شوو هذا وللأسف طلع الجات ومن ذاك اليوم وانا افتر بين الجات الفلاني للجات الثاني لين اتعرف على هذا ولجذب على ذاك وانا مستانسه .........
لين مره تعلق قلبي بشخص اول شخص يدش قلبي كان اسمه محمد وطبعا استمريت ويااه سنتين لين فجاه قطع كل شي واختفى للعلم أنا ما رمسته فون بس كان عن طريج المسنجر
ومن ابتعد عني وانا خلاص لا اكل مثل قبل ولى دراسه لدرجه كرهت شي اسمه دراسه وطلعت من الجامعه وكنت يوميا ادش المسن بس عشان اشوفه او حتى مطرش رساله بس للأسف ماشي .........
وعادت حياتي طبيعية ونسيته اقصد كنت اتناساه ......
لين مره من المرات أخذت رقم وحده اعرفها من حرمة اخوي عشان أبارك لها بالمولود
اتصلت وجان يرد علي ريال أنا استغربت بس قلت يمكن حد من اهلها بس اهي ما عندهم ريال فالبيت كلهم صغار المهم ما طولت عليه وقلت له اسمحلي غلطان قالي عادي حصل خير وسكر
بس اتفاجاء فيه مطرش مسج يقولي انتي منو ومن ذاك اليوم بدت علاقتي فيه وكنت أتواصل وياه فون ادري بتقولو شوو هذا ما صدقت على الله حد يكلمها بس والله ما اعرف شو صار لي ........
المهم كملت ويااه حوالي خمس شهور وبعدين وتني الطامه الكبرى طلع ........
طلع ......
طلع اخو ربيعتي الروح بالروح وانا من عرفت على طول ابتعدت بدون اي كلمه واهو يتصل وبطرش مسجات وانا طااااااااف. لين حلفني شو الي صاير وانا قلت له كل شي أني أنا ربيعت اخته واعرفه واعرف ماضيه كل شي كل شي ........
وقلت له خلنا نبتعد احسن لي ولك عشان ما أظلمه ولى يظلمني
بس والله شو اقول لكن أني من قطعت علاقتي فيه الله هداني قمت أحافظ على صلاتي مع أني قبل كنت أتناساها استغفر الله وأتوب اليه
صرت أصوم اثنين وخميس ولساني دووم يستغفر ربي ويحمده
والمفاجأة انه اخو ربيعتي خطبني هيه خطبني وانا مب **دقه ولله الحمد تم الموافقة عليه
وأموري طيبه
المشكله الحين انه ربيعتي اخت خطيبي اترمس شباب وتطلع وياهم
وحرمة اخوها مسكتها وشلت عنها البطايق مالها و**رتها عنها بس ربيعتي ما تابت
طلعت رقم ثاني وأترمس واحد واصله بدون واهو يجذب عليها بأشياء ما تتصدق بس اهي غبيه واتصدقه واتجذبني والحين مب عارفه شو اسوي أخسر ربيعتي واخبر اخوها او حرمة اخوها ولى اخليها وانا ادري لو يدرون اهلها والله ما بيخلوها عايشه
اهي اكبر عني بسنتين يعني عمرها 24
محتاجه نصيحتكم واتمنى ما تحذفون موضوعي لأني محتاجه النصيحة *
أنا كانت مراهقتي صعبه كل شي ابيه يكون تحت امري وهل الشي خلاني استغل طيبة قلب اهلي
دخلت عالم الشبكة العنكبوتيه وانا مب عارفة لشي وطبعا اسمع من ربيعاتي المسنجر والجات واسألهم شوو هذا وطبعا ما قصرن خبرني مع العلم محد خبرني بالطريقه وين ادش او شو اسوي كان كل شي برحي ومن تعلمت اسوي الايميل وادش المنتديات مره كان عندي موضوع فالمدرسه عن المشروبات الغازية وانا ادور معلومات دخلت على شي وكاتب الاسم وسجلت طبعا باسم العنيده ودخلت وشفت شي أنا مب عارفه شوو هذا وللأسف طلع الجات ومن ذاك اليوم وانا افتر بين الجات الفلاني للجات الثاني لين اتعرف على هذا ولجذب على ذاك وانا مستانسه .........
لين مره تعلق قلبي بشخص اول شخص يدش قلبي كان اسمه محمد وطبعا استمريت ويااه سنتين لين فجاه قطع كل شي واختفى للعلم أنا ما رمسته فون بس كان عن طريج المسنجر
ومن ابتعد عني وانا خلاص لا اكل مثل قبل ولى دراسه لدرجه كرهت شي اسمه دراسه وطلعت من الجامعه وكنت يوميا ادش المسن بس عشان اشوفه او حتى مطرش رساله بس للأسف ماشي .........
وعادت حياتي طبيعية ونسيته اقصد كنت اتناساه ......
لين مره من المرات أخذت رقم وحده اعرفها من حرمة اخوي عشان أبارك لها بالمولود
اتصلت وجان يرد علي ريال أنا استغربت بس قلت يمكن حد من اهلها بس اهي ما عندهم ريال فالبيت كلهم صغار المهم ما طولت عليه وقلت له اسمحلي غلطان قالي عادي حصل خير وسكر
بس اتفاجاء فيه مطرش مسج يقولي انتي منو ومن ذاك اليوم بدت علاقتي فيه وكنت أتواصل وياه فون ادري بتقولو شوو هذا ما صدقت على الله حد يكلمها بس والله ما اعرف شو صار لي ........
المهم كملت ويااه حوالي خمس شهور وبعدين وتني الطامه الكبرى طلع ........
طلع ......
طلع اخو ربيعتي الروح بالروح وانا من عرفت على طول ابتعدت بدون اي كلمه واهو يتصل وبطرش مسجات وانا طااااااااف. لين حلفني شو الي صاير وانا قلت له كل شي أني أنا ربيعت اخته واعرفه واعرف ماضيه كل شي كل شي ........
وقلت له خلنا نبتعد احسن لي ولك عشان ما أظلمه ولى يظلمني
بس والله شو اقول لكن أني من قطعت علاقتي فيه الله هداني قمت أحافظ على صلاتي مع أني قبل كنت أتناساها استغفر الله وأتوب اليه
صرت أصوم اثنين وخميس ولساني دووم يستغفر ربي ويحمده
والمفاجأة انه اخو ربيعتي خطبني هيه خطبني وانا مب **دقه ولله الحمد تم الموافقة عليه
وأموري طيبه
المشكله الحين انه ربيعتي اخت خطيبي اترمس شباب وتطلع وياهم
وحرمة اخوها مسكتها وشلت عنها البطايق مالها و**رتها عنها بس ربيعتي ما تابت
طلعت رقم ثاني وأترمس واحد واصله بدون واهو يجذب عليها بأشياء ما تتصدق بس اهي غبيه واتصدقه واتجذبني والحين مب عارفه شو اسوي أخسر ربيعتي واخبر اخوها او حرمة اخوها ولى اخليها وانا ادري لو يدرون اهلها والله ما بيخلوها عايشه
اهي اكبر عني بسنتين يعني عمرها 24
محتاجه نصيحتكم واتمنى ما تحذفون موضوعي لأني محتاجه النصيحة *