بيتي مسكون تكفون ساعدوني

السلام عليكم جزاكم الله خير أبيكم تساعدوني شريت بيت يديد قاعدة احس بثقل موطبيعي بس ادش البيت إصارخ واكتئب واقعد ابجي بس اطلع من البيت احس براحة موطبيعية تكفون ساعدوني ما ادري شسوي

شغلى اذاعة القران الكريم متواصل ليل نهار فى البيت واقرى سورة البقرة قى الماى ورشيه فى اركان البيت . وممكن تتصدقى كمان لله وفيه ناس بتذبح لما تشترى بيت جديد اوتبنى وتوزع للفقراء ربنا يزيح عنك كل هم وكل شر يااختى . اكثرى من قراءة البقرة ومن الصلاة والدعاء ولا توهمى نفسك ان البيت مسكون انشاء الله مافى الا كل خيييييييييييير .

السلام عليكم مشكورة حبيبتي جزاكي الله خير بس كل الي قلتيه سويته واكثر من جذي اليهال تغيروا وريلي بعد وكل الي يجي ما يقدر يقعد يحس بيختنق جنه في احد مايبينا نقعد فيه قاعدين نسوي أشياء ولله ما مينون ما يسويها طق وصراخ وبجي وبس نطلع من البيت نرد شحلاتنا ما فينا شي . تكفون ساعدوني ابي حل اذا هديت البيت وين اروح تويني شريته بعد معناة السكن بالأجار والنقل وهم مطلوب لبيت التمويل والبيت أنا اخترته وللحين ابيه بس البيت ما يبينا تكفون لا تتطنزون ترا ولله صج مؤ غشمرة في شي بالبيت يبينا نطلع منه ٠

فدييت قلبتس ممكن الارض موب زينه اللي بنيتوا فيها
اخذي بخاخ حطي فيه مسك ابيض وزمزم وبخيه في البيت والاركان هالمسك قلبي يطرد الجن والشياطين وشغلي سوره البقره وجيبوا شيخ يرقي البيت ويرقيكم وان شاء الله كل شي يصير تمام وربي يجمعكم على خير ويــهــنــيــكـم بالبيت واتصدقوا للبيت

الله يهدي سركم ويعدل لكم اوضاعكم ويردكم مثل اول

سووي مثل ماقالت وتر
لازم تجيبين احد يرقي البيت ويقرى بكل الغرف
وانتي على طول شغلي سورة البقره والرقيه الشرعيه قبل المغرب

ربي يبارك لكم في بيتكم ويبعد عنكم كل الشرور

اذا البيت مسكون عليكى بالرقية الشرعية وسورة البقرة الى ان يزهقوا ويطلعوا من البيت بس لازم تكونوا اقوياء وصلاة وذكر وصيام ودعاء اوعى تتركى لهم البيت وينتصروا عليكى انتصرى انتى بصلاتك وصيامك وقراة القران والله يعافينا جميعا ويكفينا شر الانس والجن

وجايز يكون عين وحسد وايضا بالقران والرقية ربك يزيح الهم

أختي عليكم بقراءة سورة البقرة يوميا بالبيت
شغلي المسجله على سورة البقرة و يفضل قراءتها
مره انتي مره زوجج
اربعين يوم يفضل

والله يعينكم و يبارك لكم بالمنزل

مشكورين حبايبي بارك الله فيكم ويجعلها ربي بميزان حسناتكم ماقصرتوا بس والي يعافيكم منو تعرف شيخ يقرالنا في البيت رقية شرعية وجزاكم الله الف خير

هلا وغلا في شيخ يقرا بالبيت وخوش مقرا بس تكفين ادعيلي يصير اللي في باللي هذا رقمه97140141 ابو يوسف

السلام عليكم حبيبتي عبق الريحان مشكورة حبيبتي ربي يعطيج ويحققلج الي بالج للخير انشالله وانشالله الشر ما يجيج ابدا حبيبتي مشكورررة

مواجيب كتبت:أختي عليكم بقراءة سورة البقرة يوميا بالبيت
شغلي المسجله على سورة البقرة و يفضل قراءتها
مره انتي مره زوجج
اربعين يوم يفضل

والله يعينكم و يبارك لكم بالمنزل

السلام عليكم مشكورة حبيبتي بارك الله فيج وانشالله ما تشوفين شر ابد

وتر الابداع كتبت:فدييت قلبتس ممكن الارض موب زينه اللي بنيتوا فيها
اخذي بخاخ حطي فيه مسك ابيض وزمزم وبخيه في البيت والاركان هالمسك قلبي يطرد الجن والشياطين وشغلي سوره البقره وجيبوا شيخ يرقي البيت ويرقيكم وان شاء الله كل شي يصير تمام وربي يجمعكم على خير ويــهــنــيــكـم بالبيت واتصدقوا للبيت

السلام عليكم مشكورةحبيبيتي بارك الله فيج وانشالله ماتشوفين شر ابد

المزاين كتبت:الله يهدي سركم ويعدل لكم اوضاعكم ويردكم مثل اول

سووي مثل ماقالت وتر
لازم تجيبين احد يرقي البيت ويقرى بكل الغرف
وانتي على طول شغلي سورة البقره والرقيه الشرعيه قبل المغرب

ربي يبارك لكم في بيتكم ويبعد عنكم كل الشرور

السلام عليكم بعد عمري ولله مقصرتي ولله مادري شنو اقول مشكورررة وبارك الله فيج وانشالله ما تشوفين شر ابد

اصيله كتبت:

هلا حبيبتي

وحده من جيرانا جذيه والله لايوريج اكثر من حالتج جابوا شيخ وقرى على البيت وعليهم

ومافيهم الا العافيه

اهم شي انتي شيلي الخوف لانه باب لشياطين وتوكلي على الله

مافي الا كل خير

السلام عليكم بارك الله فيج والشر ما يجيج مشكورة حبيبتي

بريق امل كتبت:اذا البيت مسكون عليكى بالرقية الشرعية وسورة البقرة الى ان يزهقوا ويطلعوا من البيت بس لازم تكونوا اقوياء وصلاة وذكر وصيام ودعاء اوعى تتركى لهم البيت وينتصروا عليكى انتصرى انتى بصلاتك وصيامك وقراة القران والله يعافينا جميعا ويكفينا شر الانس والجن

وجايز يكون عين وحسد وايضا بالقران والرقية ربك يزيح الهم

السلام عليكم ولله كل الي قلتيه صار جنج قاعدة ويانا لأني فعلا هديت البيت وتراني فبيت أمي الحين قلت الحق على عمري لا انين او نذبح ببعض جذي ارتحت أنا وعيالي بارك الله فيج والشر ما يجيج مشكورة حبيبتي

الله يحفظكم واحتمال عين ما صلت علي النبي بس خلي التلفزيون شغال علي قناه القران وطولي عليه خاصتا عند الخروج منه وبالاماكن الميته مثل السرداب واقراو ايات المعوذات والله اعلم

مو شرط مسكون ,, لو مسكون من قبل الجن تلاحظين تحركات بالبيت غير طبيعيه مثل اصوات طقطقه
اشياء تت**ر نار تشب ..والعياذ بالله


لكن والغالب أنه عين ماصلت على النبي ، على البيت بما انه توج شاريته وساكنته

تعرفين الناس ماتعطي خير .. هذي شرت بيت ماامداها او وش زينه ومن هالكلام

ترى العين حق .. واهي اللي تودي ورى الشمس ، قال رسول الله


العين تدخل الجمل القدر ،، وتدخل الرجل القبر


شغلي ايات العين والحسد وارقوا انفسكم


والله تعالى اعلم

هذا حسد مو مسكون البيت .

لانج انتى المتضررة والحسد جايه من طرف حرمه سواء من القريبات او الصديقات ونست تذكر الله .

اول ما تدخلين البيت تقولين دعاء دخول المنزل وترقين نفسج قبل لا تدخلين واكثري الاستغفار وانتى داشه .


عسي الله يكفيكم شر الحسد