قرار **يري ومحتاجه رايكم أدخلوا تكفون

السلام عليكم حبيباتي



أنا مطلقه وعندي بنت والحمدلله جميله جدا ووبشهادة الكل خلووقه تقدملي سعودي ومتزووج وعنده أربع أطفال وزووجته بالسعووديه

ويشتغل عسكري بالجيش واخلاقه حلووه ابي رايكم ااخاف اضيع الفررصه من ايديني محد يطق بابي مع العلم عمري 27وعمره37

هلا بالغاليه
شوفي قبل كل اللي بقوله لج لابد انج تستخيرين وربي ان شاء الله بيكتب لج الخير
عموما انتي من مده شرحتي ظروفج مع اخوانج واشلون يتعاملون مع بنتج وهذا بروح دافع يخليج تتزوجين ولكن....هل اللي متقدم لج مناسب؟هذا شي انتي تقررينه
اولا هو سعودي واقامته بالكويت مؤقته ومربوطه بوظيفته يعني اذا صار شي بوظيفته احتمال كبير يرجع المملكه وهني الكلام بيكون...هل بياخذج معاه؟هل راح تتاقلمين على مكان ثاني؟طليقج راح يرضى بنتج تروح معاج؟
فوق هذا اللي متقدم لج متزوج وعنده عيال ...يعني لازم تفكرين انج بتزوجين نص رجل لانه نصه الثاني هناك يعني بتعيشين بنظام المشاركه

من صوب ثاني ...عمرج مو صغير ووضعج كمطلقه يبعد شوي الخطاب عن بابج وانتي عندج بنت وتبينها طبعا وهو عمره مناسب يعني لاصغير ولاكبير
انا كتبت لج اللي لج واللي عليج وانتي فكري وربي يجيب اللي فيه الخير

هلاوالله بالمزايين

حبيبتي هوومقيم اقاامه دائمه بالكوويت ومتوظف بالجيش وتعرفين معاشات الجيش الحين بالعالي ومستحيل يترك وظيفته ويروح هناك

لان مااعندهم وظايف ومعاشاتهم فرق عننا ...والرجال حيل يمدحونه.وليش آخذ نص رجال انا عايشه هني بالكويت وزوجته بالسعووديه مادري عنها ولاتدري عني..

مادري أنا عايشه بحيره مابي اغلط واتطلق وحنا بمجتمعنا الوحده لها بس فرصتين ولاودي أرفضه لان مو أكيد أحد يجيني ..
أتمني مشاركات أكثرر خواتي

قلت لج استخيري وربي يكتب لج اللي فيه افضل لج

حبيبة قلبي انتي مو تقولين عنده زوجه ثانيه؟خلاص ما اختلفنا معناه بتاخذين نص رجل لانه في وحده ثانيه تقاسمه معاج سواء قعد عندج على طول او راح لها بتم مرته وهناك عياله
انا قصدي اقلمي نفسج على هالشي
اعرف وايد بنات تزوجوا عليهم رياييلهم وفي بداية الامر قالوا عادي بس مع الايام جم وحده طلبت الطلاق بسبب هالشي
والله وحده تقولي اذا صار مو يومي لا انام ولا اقدر اشرب ماي حتى بس قاعده وافكر شنو يقول لها وشنو سوت له واتم اتقلب على نار ...هذي وحده
اما وحده ثانيه تقول وايد تاقلمت مع زوجته الثانيه ويوم اللي يكون عندها ارتاح شوي واعيد ترتيب نفسي
شوفي الناس قدرات وانتي براحتج
بعدين تعالي بسألج سؤال بس جاوبي بصراحه
انتي تبينه او لا؟لان مشاركات البنات ماراح تغير لج راي اذا كنتي مرتاحه لقرار زواجج منه

عموما ارد اقولج استخيري وربي يوفقج انتي انسانه تبين الستر وراحة البال وربي ان شاء الله مايقصر يعطيج مرادج

هلا اختي . . .

حبيبتي المزاين كف ووفت واولا واخيرا استخيري رب العالمين مرة ومرتين وثلاث وادعية من قلب مخلص وصادق انه ينور بصيرتج وبصرج للي فيه الخير لج . . .

وسؤال بنتج شلون عليها اذا تزوجتي اخاف طليقج ياخذها منج لان القانون الكويتي يعطيه هالحق

وعموما الحضانة للبنت في حالة زواج الام تذهب للجدة ام الام . . .

استخيري والله يكتبلك اللي فيه الخير يارب
اهم ماعليك بنتك لاتتركينها
الله يووفقك يارب وييسر امرك ويسعدكم

ام عبدالله القانون الكوويتي مع المررأه

وانا ماخذه حضانة بنتي من زمااان في حالة ان تزووجت ترووح لامي وشدعووه سآال فيها ولادرري عنها

وانا رفضت هالشخص خلاص والله يرزقني ويرزقكم

حفيده عائشه كتبت:ام عبدالله القانون الكوويتي مع المررأه

وانا ماخذه حضانة بنتي من زمااان في حالة ان تزووجت ترووح لامي وشدعووه سآال فيها ولادرري عنها

وانا رفضت هالشخص خلاص والله يرزقني ويرزقكم

حبيبتي استخرتي قبل ما ترفضين كان يبيلج وقت للتفكير والاستخارة وربي يقدم لج اللي فيه الخير يارب . . .