مساااايقة الرابح الاكبر ؟؟؟ نبيهااا من الاداره

شرايكم بناات نسوي مسابقه الرابح الاكبر هذي المسابقه سبقتني عليها اختي((((واحه)))) بس المشكله كانت لفتره محدوده اما هذي المسابقه ان شاء الله ع طول بعد موافقة الاداره ((3شهور)) يعني كل 3شهور نبتدي مسابقه ع حسب الاشتراك البناات بصراحه هذي المسابقه شفتها في منتدى ثاااني وقلت احنا ليش مانسوي جذي يكوون تعاااون ورجيييم جماعي احسن نشد ع بعض

*تتكون المسابقه من 3 فرق العدد يكون متساوي ويكون عليهم مراقبه لكل فريق
المراقبه اهي اللي راح تختار اسم ولون الفريق وتشرف ع الرجيم

* ينفتح التسجيل لمدة اسبوع يعني مثلا من السبت لين الخميس والجمعه يعلنووون اسماء البنااات وباااي فريق طريقة التسجيل
الاسم الطول الوزن العمر الهدف سبب الرجيم

*كل يوم تدخل المشاركه وتكتب يومياتها واذا تعرف معلوومه مفيده عن الرجيم او اعشااب او رياااضه ......الخ تكتبهااا وحتى لو جابت العيد في رجيمهااا تكتبها نبي حماااس ونبي الفريق يساااعد بعض

*نهاية كل اسبوع مثلا نبتدي يووم السبت لين الخميس ناخذ الوزن ونطرش رساله خااصه للمراقبه الفريق كالتالي... الاسم الوزن السابق الوزن الحالي نوع الرجيم نوع الرياضه نوع الاعشاب المستخدمه نوع اي ادويه مستخدمه واذا مو مستخدمه اي نووع تكتب لايوجد واي ملاحظات ع الاسبوع

*المراقبه تكتب اسم الفايزه من كل فريق والخسرانه ونهاية 3 شهوور نعلن عن الرابح الاكبر ونهنيهااا وتكوون وصلت للتبيه باذن الله

****نبي رجييييييييييم صحي صحي صحي
**** ولازم الصدق وكتااابت الوزن الحقيقي
الصدق الصدق الصدق

* اذا وافقة الاداره ع الموضوع نتمنى انها تثبت الموضوع او صفحة كل فريق عشان البناات المشتركاااات مايتعذبوون وهم يدورون الموضوع


***** يلا بنااات لازم نشيل الشحم زهقنااا


*واللي تبي وتوافق ع المسابقه تكتب نبيهااا من الادار ه

هلا اختي . . .

خوووش مسابقة بس يبيلها ارادة :)

وموفقة خير فيها واي شي لايردج الا الكي بورد حاضرين

فدييييتج ام عبدالله ومشكووره وماقصرتي


يلا بناااااات وينكم

:rose::sad_smile:صراحه خووش مسابقه ومشكووره عنزيه ع اهتماامج بالمواضييع الحساااسه مثل موضووع السمنه وانا معاج نبيها من الاداره نااايس خيتو

شدعوووووووه بنااااااات ماكو وحده تبي تضعف اخيييييييييييه

الله يقوووووووووويكم وتنحفون مثل ماتبون بالعافيه
يالله انا اشجعكم
واشووقكم على الحلووو<<برااااااااااا

تبارك الرحمن ههههههههه
شنو كل المنتدى عصاقل **اقل ههههههه

يلا أنا بضعف صارلي ست شهور أسوي رجيم ونزلت من
 الى  وبكل برود أعصاب بأسبوعين خربت كل شي وصرت
الحين لازم أرد أضعف لي  عشان أريح ضميري

بنااااااااااااااااااااااااات أنااا بعد أباااااااا أضعف ع الاقل 6-7 كيلوووواا
يالله متي بتبدووووووووووووووووووووووووووووووووووووووون

هلاااابكم تو مانور الموضووووع


والله انا ودي ابدا اللحين ان شاء الله ع بداية الشهر الجديد بس لو بنت وحده تشترك معنااا عساااس كل بنتين فريق او كل ثلاث بنااات عشاان يصير تنافس

يلا بدا التحدي بعد اربع اياااااام تبدا المسابقه اللي حابه تشارك تسجل لان لازم نشكل الفرق يلا نبي همه ياااااااااابناااااااااااات

انا بشارك بس تاريخ كم يعني نبلش

انا معاكم ضموني للفريق

انا معاكم وين اكتب البيانات وبيديتوا ولا توكم

يلا بنااات باجر تبلش المسابقه

حيااااكم بنااات اكيييد نورتوا المووووضوووع

ام جرووح حبيبتي كتبي البيانات بالموضوووع

يله عاد انا مع اي فريق ونبي حماس وتفاعل عشان نحقق الهدف المطلوب

انا نظامي رجيم سوائل وحرمان ممنوع العيش والخبز والككاو والسكر والمشروبات الغازيه
وخلطه تطلع الدهون من الجسم واهي جاي اخضر ونعناع خضر وزنجبيل قطعه صغيره وقشر قهوه كلهم ينحطون بمطاره وتصبين عليهم ماي حار وتخلينهم نص ساعه وتشربين طول اليوم منهم
وعلى الريج قفشة كمون مطحون على قلاص عصير ليمون تزيدينه ماي
وانا حيل مقصره بالحركه والرياضه وهذا ماراح يخليني انزل بسرعه

همتكم نببي نستفيد واي جديد بحطه لكم