خواتي انا اليوم بحاجة لكم

السلام عليكم خواتي
المهم بدخل في الموظوع على طول من غير ماأطول عليكم
صار لي سنتين وانا اترجى زوجي عشان نغير الجو ونسافر مع بعض المهم رفض طلبي
والحين الاخ مسافر صار له اسبوع شايل حرمته ثانية والعيال وانا مخليني اتحسف ولا فكر يشيل موبيله ويسأل عني وعن عياله او حتى يطمن ويرسل مسج
ادري بتقولولي انا اتصل وأسأل عنه هو منعني اني اتصل فيه أوانه بيكون مشغووووووووووووول
وانا مافكر اتصل به تدرون ليش لآنه سافر وخلاني واااايد زعلانة حتى ماودعني ساعدوني شو الحل كيف اتصرف معاه شو تنصحوني والله حالي مايعلم به غير ربي العالمين لا أكل ولا شرب ولا نوم

ما عليه حبيبتي بقولج باختصار الزعل ما منه فايده وانا اللي فهمته انه عنده زوجه غيرج وعيال غير عيالج
المهم بما انه مسافر وما يبي تدقين عليه اجل بين فتره والثانيه دزي له مسجات وانشالله اذا رجع بالسلامه لا تحسسينه انج زعلانه اكيد بيجي ولهان عليج بما انه زوجته كانت معاه وما لازم يشوفج زعلانه بالعكس افرحي برجعته وجهزي نفسج وعيالج وبيتج على ما يجي وانشالله بعد مده يعوضج وتسافرون والله يسخركم لبعض ويهديكم *

هونيها وتهون ولاتضيقين صدرك وسعي صدرك وطلعي انتي وعيالك لا تقعدين بالبيت وتفكرين لانك بتتعبين اكثر ورسلي له مسجات واستقبليه بروح مرحه ومشي الامور

والله يسخره لك ويسخر ازواجنا لنا


موفقه يارب

صدقيني ورى سفرته قصه انتي تعرفينها.......
مافي رجل يسوي هالشي الا نتيجه احداث متكرره
عذريني باللي بقوله لج بس ماعليه كله لمصلحتج
تقولين سافر معاهم وماودعج ولا شاف عياله طبعا......
بتقنعيني انه جذيه بدون اسباب صار اللي صار؟ابد ما راح اصدق

انا بطلب منج تقعدين شوي مع نفسج وتصارحين روحج بصوت مسموع مو لأحد...لا ابيج انتي تسمعين نفسج وانتي تكلمين ....شنو اسباب معاملته الجافه لج؟راجعي نفسج وبتلقين وايد اسباب تنفره منكم انتي والعيال

عرفي الاسباب وشوي شوي شيليهم وغيري من نفسج وغيري اسلوبج وطريقتج ....بما انه في زوجه ثانيه معناه في منافسه وهذا شي حلو اذا مارستيه صح
اذا كان عندج لاتذكرينه فيهم ولاتيبين طاريهم ولاتحنين او تشتكين
تذكري في غيرج لها اسلوب ثاني خلاه يسفرها مع عيالها

ربي يوفقج ويسعدج ....مافيها شي لما تقولين انتي غلطانه بس الغلط انج تستمرين فيه

السلام عليكم خواتي

ماقدرت استحمل اني مأسمع صوته عشان مايقلب سالفة
علي


المهم انا بخبركم شو صار اول بأول طرشت له مسج امس



كتبت له السلام عليكم شوعلومك ان شالله مبسوط

مو معقوله اني هنت عليك وبصراحة ماتوقعت منك

المهم اتصل فيني وخبرني انه مشغول وعاتبته شوي وخبرته اني زعلانة لآنه مايسأل علينا ترى نحنا بعد لنا حق تسأل عنا

حتى ماأخد علومي قالي تراك انتي جالسة بالبيت مو جالسة بالشارع وبعدين انا مشغول

ادري بتقوليلي ليش طرشت له مسج والله يالغالية غصبا عني وتدرين شو الي خلاني اطرش واعاتبه لآن اخ مستانس كل شوي حاط صورة غير ع البيبي مسنجر وكل شوي يطرش برودكسات عشان جي انا تكلمت قلت له اللي يخليك ترسل برودكسات حق الجميع يخليك ترسل مسج وتٍسأل عنا وقلت له حسبية الله ع الظالم



واليوم بعد طرشت له مسج وقلت له اني انا مو مصدقة اللي قاعد يصير لدرجة اني اتطمن عنك وانته متعمد ماتسأل علينا



رد علي بمسج قالي انتي ماطرشي مسج يقول اشحالك حبيبي وانا مااعرف ليش زعلاننة

المهم انتي بخير ولا لأ



انا رديت عليه منوا اللي لازم يسأل ع ثاني



هو رد علي انتي في نظرك منوا

اللي مسافر يسأل ولا الي يالس في البيت حاط ريل ع ريل



انا رديت عليه اكيد رجال اللي لازم يطمن عن بيته وعن زوجته وع عياله



رد علي بس هالمرة هالمرة انتي ماسألتي عني



وقلت له انا ماتصلت فيك عشان ماتقول اني مزعجة وترى يوم تكون مسافر بروحك تحصلني كل شوي ادقلك واتخبر عنك بس انته الحين مو لحالك وانا اذا ماتصلت فيك ابغي اتجنب المشاكل وانا الحين عرفت قيمتي عندك وانا اخر من يهمك



رد علي قالي تبين تصبحين عليه صبحي بس انتي ماصبحتي

بس عادي خليك في الي انتي فيه



رديت عليه شو هالاسلوب الخايس وصدق انك مافيك ذرة حيا



رد علي هو قالي تعرفين شي كل شي بيني وبينك انتهى وكل واحد منا في طريق وانا ماراح اكلمج ولا تتصلي علي



طبعا وايد عصبت من كلامه وقلت له هدا شي اللي قدرك الله عليه وانته الحين بدل ماتسأل عن اخباري قاعد تقولي اللي امبينا انتهى



رد علي انا ثعبت من غرورك و غيرتك اللي مالها حدود قلت له اي غرور واي غيرة وشو دخل هدا في الموظوع انا انسانة طيبة وضعيفة جدامه صرت مغرورة كيف

عقب قلت له انا بخليك الحين ع راحتك بس يوم ترد لازم نيلس نتفهم مع بعض



والله والله اني حااسة عمري بموت من القهر هو يدري اني انا اموت فيييييييييييييييييييييييييييييييييييييييييييييييييييييييييييه عشان جي قاعد يقهرني حسبية الله عليه

هلا اختي . . .

انا اقرأ كل مواضيعج وعارفة كل موضوع وكل شي كتبتيه

اختي انتي السبب بالكويتي عندنا كلمة نقولها لبسيه يعني طنشيه وشوفي حالج وبيتج

يا اختي ريلج اللي كان يبيج تجهضين غصببببببب لدرجة انه اصر على جلسات الليزر علشان تجهضين

هالرجل ما فيه خير

وانتي لاتزنينن مثل الدبور ع خراب عشجج

عيشي واثقلي عليه وقضبي روحج شوي عنه . . .

اشغلي وقتج بعبادة والا طاعة والا دراسة والا دورات والا اي شغلة

ياما نصحتج وللاسف تكتبين لنا وما تقرين ردودنا بتأمل . . .

اتمنى تشغلين نفسج عنه ولا تقعدين تأكلين بنفسج وتشيلين هموم

انتي تزوجتيه وتدرين ان في زوجة اولى تحملي انج تزوجتي نصف رجل بسسسسسسس

حبيبتي الله يصلحج اعذريني بكلامي بس اللي طرشتيه له مافيه ذرت احترااام يعني اذا رد عليج مثلا بجواب مايرضيج موعيب لا كلمتيه بإدب !! جذي بيفهم هو الغلطاان ,,

مولاااااازم لاعصب ترديين عليه خليه يهدا ذيك الساعه تفااهمووو مع بعض بصريح العبااره بدون هوااش ..

لااااااااااااااايمكن تستقر حياتكم دامكم مومتفااهميين امسسكي اعااصاابج ...

معروف مثل مايقولون لاشد الحبل الزوج ترخيه الزوجه= اذا عصب الزوج تمسسك اعصاابهاا الزوجه...؟؟!!!

ماافي وحده تقول هالشي لزوجهها..:::((رديت عليه شو هالاسلوب الخايس وصدق انك مافيك ذرة حيا ))

شووفي شنوو الشي اللي يووتره ويعصبه عليييج وتجنبييه.....


انتي حطييتي هالمووضووع عشاان نسااعدج فلاا تززعليين من ردووردنا ......

والله يصللحج ويهديييج ياارب

حبيبتي انا مع اختي ام عبدالله عيشي حياتج وطنشيه

ليييييييييييييش ترسلين له

طنشييييييييييييه يااااابنت


احقريه يجيك برجوووووووله

كبري عقلك يامراه

خليه يولي حقريه مايستاهل احد يسال عنه او يهتم فيه
خليج مجابله بيتج وعيالج واستانسي بحياتج شوفي الناس وطلعي وروحي وردي ولا ادزين له مسج ولا تتصلين عليه حتي لو رد من السفر بعذر انج كل ما كلمتيه قالج انا مشغول ومو فاضي قولي شسوي مادري عنك ولا ادري انك رديت وانت ما بلغتنا
وخليج طبيعية وعطيه بو لباس يعني الحقران يقطع المصران لين يتأدب ويركض وراج

السلام عليكم
اختي الرجل حتى لو تزوج على مرته وحده اجمل واصغر وكان لسانها ينقط سم ما رح يقدر يظل معها فكيف لما يكون عنده بيت وعيال بعد؟ يعني بالعربي ما رح يكسر راسه غلبتيه بيروح عند مرته الثانيه وصدقيني حتى حبه للاولاد بيتاثر حرام تظلمي اولادك معك.
انا اسفه اذا حكيتلك كلمة (اسلوبك خايس وما فيك ذرة حيا ) هي كلمه كبيره على علمنا انتي متضايقه انه ما ودعك يعني حتى لو في مشكله ما في داعي للاهانه .
حدها احقريه اشغلي نفسك اطلعي زيارات -سوق-افلام تفرجي -اعزمي حبايبك- وبوقت المدارس اعتقد المفروض اولادك بيشغلونك .
موفقه