خسر قلبي زوجي

السلام

شلونكم سيدات الكويت انا السوس كتبت موضوع زهقت من زوجي قبل فترة وقطعت عنكم فترة تعبت

فيها من حمالي بس ربي الحمدالله عوض صبري خير ورزقني باحلى بنوته(صديقة امها) بتكون لي

ارجع لموضوعي وسبب كتابتي لكم انا كنت احب زوجي حب جننوني وانا مقهوره اني اقول كنت

بس للاسف هو اللي وصلني لهالشي اقولكم شلون وانا انفاس الحين تركني وسافر يقول مضغوط

ورايح يرتاح مع ربعه وتركني لحالي مسؤوله عن عياله واهلي ابتلشوا فيني وبعيالي يودوني

لمراجعاتي انا وبنتي وولدي طاح علي بعد وتشوفوني انا وامي كل يوم وللفجر بالطبيب وللعلم امي

بنفسها تعبانه بس تروح معاي وتتحمل عشان خاطري لانها تشوفني منهاره ومن اركب السياره لما

اوصل للطبيب وانا ابجي لاني ما استاهل منه هالشي وهالاهمال واللي قاهرني اني حلوه له ولاهله

بس ما بين بعينه احرجني قدام اهلي وحريم اخواني وانتو تدرون الشماته كثيرين وحتى فشله قدام

اهله هي انفاس وهو مسافر يونس حاله بدال ما يستانس بالمولود الجديد

تدرون وانا اكتب ومن غبائي ابجي من القهر بس الاكيد اني ابجي على نفسي مو عليه لانه هو

الخسران والله خسر قلب ما يلقى مثله يحبه ويتحمل كل شي عشانه

تدرون ما ادري ليش كتبت لكم يمكن لانه اليوم راجع من سفرته والغبيه اللي هي انا ما بلغني

بسفرته الا بمسج ارسله وهو بالمطار ولو انه قبلها بيوم قال انه بيسافر مع رفيجه وما يدري متى

وعلي حساب رفيجه بس ما حدد لي متي واكيد اني من القهر بجيت وترجيته ما يروح رفض وطلع

زعلان والصبح ارسل انه طاير واغلق جهازه ولما وصل ارسل مسج وغلقه بعد وثاني يوم دق بس مره

واكيد ما رديت وكانها جته من السما ما دق بعدها وارسلت له مسجات بس ما بردت قلبي قلت

انا استاهل هذي حلاوة انفاسي سفره مع ربعك تعدل فيها مزاجك وشنو اللي تعب مزاجك وما رد

وقام يعاند ما يدق ولا ارسل وتحجج انه يبيني اهدي عشان ما راح يدق ولا يرسل وجا موعد ردته لنا

واجذب عليكم كنت انطره علي نار وفجأه جاني مسج ان الطياره طافته وانه ما لقي حجز ومدد

يومين واكيد ما صدقته لان له سابقه بهالعذر وضليت انا وامي نودي عيالي للطبيب وخصوصا انهم

بس مرتفعه حرارتهم وبنتي النفاس تعبت حيل وخفت عليها وكانوا بينومونها بالمستشفي وانا

رفضت والحمدلله عدت علي بنتي بخير وعدوا هاليومين بدون اتصال او مسج من زوجي الا الحين دق

ورديت عليه من غبائي والا المفروض ما ارد مثل ما نساني انا وعيالي انساه واخليه يعدل مزاجه

اكثر بس رديت وعاتبته انه ما دق وقال عشان ما يصير تشش بينا وغبيتكم طخت له واسكتت عشان

بس بعرف متي يجي وعرفت بس اللي هو ما يعرفه انه خسرني والله كسر شي ما يتصلح بقلبي

كسر كل شي حلو فيني شايلته له خصوصا انه كسرني قدام اهلي وخواتي ولما اقارن انفاسي باي

وحده فيهم

اليوم بشوفه بس بيشوفني مو مثل اول القلب صد عنه مثل ما هو صد عني

بتسألون ليش كتبت لكم حبيت افضفض لاحد بس وخصوصا انه ما فيه احد قاعد هالحزه الا اللي

مثلي

وللعلم طلعة انفاسي قربت بس اكيد طلعتي غير هالمره ما يستاهل ارجع له والا شرأيكم*

والله يا اختي ربي يعينج

صراحه ماكنت ناويه ارد على موضوعج بس فعلا تأثره بكلامج

بقول كلام بس لاتطبقينه لانه صعب شوي بس هذا رايي وانتي اللي طلبتي مشورتنا

انا اقول الرده لمثل هالاشخاص لابد تكون قويه انا ما اقولج خليه وتطلقي لانه ابو عيالج وبعدين موضوعه مايسوى الطلاق علشانه باجر بيتعدل ويتغير وبتشوفين بس اذا غيرتي طريقتج معاه

لازم ردتج له تكون اقوى من صالون ومكياج وطلعت نفاس

لازم يعرف شنو انتي
للعلم الزوج يحب مرته قويه والاهل يبونها غنيه

انتي ضعيفه ....وسمحي لي بالكلمه هذي
تدرين ليش انتي ضعيفه؟لانج تعبرين عن اللي بقلبج لقبلج بصوت محد يسمعه الا انتي وقلبج وهذا اكبر غلط
لاتفضحينه ولا تسوين سالفه جدام اهلج...بس خلي صوتج مسموع لزوجج على الاقل

لاتطلعين من النفاس وتردين على طول ...صبري شوي قولي له للحين تعبانه من اللي سويته فيني

عطيه عيالج الكبار وقعدي شوي عند اهلج مع الصغيره ربي يحفظها
مو كل ما اتصل على طول تردين عليه.....علميه انه مو بكل حزه انتي متوفره

لاتردين وبقلبج حقد او ذرة كره لزوجج ابو عيالج
بالعكـس ردي وانتي منتصره وسعيده وحطي في بالج اذا ريلج يستاهل تتعبين علشان عيل تعبي وبذلي مجهود وتمسكي فيه وبيني له ان شاء الله اذا رديتي انه الكل يحتاج للراحه بس انتي ام عياله ومو بالطريقه هذي يسوي اللي سواه وكان المفروض يعاملج بطريقه وااايد افضل من هذي

ونصيحتي لج كأخت وياليت كل وحده تتعلم هالشي....اذا بتبجين تاكدي انه ماراح يسمع لج

تكلمي بدون بجي ودموع

ريلج لباسج وانتي لباسه...فضفضي كل اللي بقلبج له

ربي يهديه ويسخره لج ويسعدج ويسعده فيج

والله انا مع المزاين بكل حرف .....

انتي حيل ضعيفة بتعاملج معاه وعشان جذي اهو مو حاسب لج حساب

الحين لازم تخلين المشاعر والحب على صوب وتفكرين بالعقل عشان ما يعيد هالسوالف وبصراحه عليج بقيام الليل والدعاء والصدقه

من راي الشخصي اذا طلعتي من انفاسج لا تردين له بسرعه طولي ولا تدقين عليه ولا تردين علي اتصاله انسيه مثل ما نساج بيني له انه مو اكبر همج عامليه برود وقوي شخصيتج اشوي واذا لوةعتيه وبهذلتيه وبردتي حرتج ارجعي له وعلميه بغلاطه وشوفي ياختي سالفت السفر بيهون عنها مع الوقت بيمل بس انتي خليج ثقيله حتي لو انج تحبينه خليه يستخف ما يعرف انتي زعلانه او راضيه والله يهديه لج

البنات ماقصروا بالرد خصوصا مزاين انا معها

لكن حكمي عقلج

وكل الرجال يسافرون مع ربعهم

وبيمل من السفرات صدقيني

طلعي من الاربعين

وكشخي

ووعادي

وبنفس الوقت

عاتبيه

لكن باسلوب

توصلينه الي تبين

وتاخذين الي تبين منه

لكن بالهدوء

والكلمه الطيبه


وربي ييسر لج

امورج

ويه***

هلا أختي . . .

الاخوات ما قصروا . . .


لكن وانتبهي لكلامي

اي شي بتسوينه سويه لنفسج كشخي لنفسج وتعطري لنفسج واستانسي لنفسج

لا تقولين اكشخ له واتعدل له عيشي المتعة لنفسج وبترتاحين . . .

وينج ياحلوه؟

اشصار عليج؟

شكلج نمتي بالعسل ههههههه

ربي يسعدج ويهدي بالج ويعطيج اللي تبينه ياااااااااارب

الله يهديه ويسخره لج يا رب

اللة يهديلك يااااه

الله يهديكم ويخليكم لبعض
ووووباااالتووووفييييق

حبيبتي

انا اقولج طنشيه

لا تسوي سواتي

تدري انا يوم كان يسافر اتم اصيح

واول ميتصل اعتبه اشوي وعقب انسى ومن جيه تعود وانا اقولج خليج اقوى من جيه

واسال الله ان يهديه لج يارب

الله يسخره لج

حبيبتي في رياييل ينطرون حريمهم يولدون عشان يطلعون ويسافرون عندهم هذي فرصه وانا معاج ادري بالهوقت نفسيه وتبينه يمج ايداريج ويهتم فيج وبعيالج بس مثل ما قالوا الخوات قوي شخصيتج وقعدي شوي بيت اهلج بعد النفاس ريحي جم يوم ولا تعاتبينه وتبينيله انج مهتمه باللي سواه وانج ميته بدونه وعشتي ايام تعيسه بسفرته لا سولفي معاه عادي بس بطريقه رسميه وبيني له انج بمنتهى السعاده والله بتلقينه اهو بيعتذر باللي سواه

بصراحه اختي كلام البنات هو الصحيح وبصراحه ماعرفه ايش اقولك الله يسخر لك تسخيره السيد العبده