خيانه وغدر

خواتي ابي رايكم بموضوعي انا متزوجه من 14 عام متزوجه من ولد خالتي فأنا مصريه وهو كويتي وتزوجنا عن حب ولم يقسم لي ربي بالأنجاب لضعف زوجي وبعد 7سنوات قال لي يبي يتزوج لينجب بحجة ان الله ما يبي الياهل مني هذا طبعا عذر وفي الاساس انه كان يمر بنزوه ومشت الحياه وكنت اسكن معه في غره وصاله في بيتهم لمدة عشر سنوات والحين بنينا بيتنا ونسكنه من 3 سنوات ومن سنه تقريبا تغير معي واهملني ونزلني مصر لاسوي شقتنا بحجه اني الوحيده الي هخاف علي فلوسنا وطبعا بدات المشاكل وانا كنت وايد عصبيه ومن شهرين تهاوشنا وطلع من البيت وطلقني وعلمت انه علي علاقه بأمرأه متزوجه وللحين علي ذمة ريلها وعندها ولد ينطر طلاقها ليتزوجها والحين قالي انه مايبيني علما انني هديت دراستي وانا في ثالثه جامعه ولا اشتغل واهلي هنا بالكويت تركت كل شئ من اجله فماذا افعل فأنا للحين احبه واحس الحياه صعبه بدونه عشرة 14 سنه مو شويه هو كان كل شئ لي اعتبرته هو ابني فهل من الممكن رجوعه

والله انا اقول المثل اللي دايما اردده
اللي مايعدج راس مال لاتعدينه فايده

وربي يعينج

الله يعينج لاتحاولين تركضين وراه باي شكل من الاشكال لاتبينين انج ضايعه بدونه وهو بينتبهه لعدم وجودج بحياته وبيرجع

بس انتي وين بالكويت ولا قاعده بمصر

اللله يهديهم الرجال ماااالهم امان الله يهديهم لنااا يااارب وتسخرهم لنااا

عسى ربي يفرجها عليج

قولي حسبي الله ونعم الوكيل وبس :(

ياحبيبتي

الله يصبرج

وربي يعوضج احسن منه

اهم شي قولي الحمدلله على كل حال

وكثري من الاستغفار

وحاولي تكملين دراستج وابدي حياتج من جديد

ولاتخلين الي صار يوفق طريقج عشان شخص باع انتهى

فتره من حياتج وانسيها

الله يفرج همج ياااااااااااااااااااااارب ويجبر بخاطرج يارب
والله اختي مالج غير الله ثم الدعاء وكثرة الاستغفار

انا قاعده بالكويت هو للحين ما طلعني من البيت

حبيبتي الله يصبر قلبك بس راح يضوق حرتك ان شاءالله اصلا هذي انسانه خانة زوجها ماردها بتخونه بيعرف قيمتك الصبري ومن صبر نال

الله يكون في عونج يارب

الله يعيينج حبيبتي
وادعي ربج ان شاء الله هم وينزاح