رفيجتي تشتكي من زوجها تقول انها عنيد

رفيجتي تشتكي من زوجها تقول انها عنيد

بنات تكفون الي عنده حل تقول والله انا احترت من زوج رفيجتي هذا
عنيد وغريب
تخيلوا اذا ازعلت وهو امزعلها مستحيل ايرضيها لو شنو تسوي مايغريه اي شي
مع العلم انها يموت على احم احم واذا جاء وقت النوم
يعطيها ظهره وينام والمصيبه انه هو الي امزعلها موهي
ويخليه زعلنها ولا يهتم فيها تقول يخليني زعلنه ويتكلم معاي عاااااااااااادي ولا كانه مسوي شي
وتقول هو يتكلم معي قدام اهله انا ماقدر ماارد عليه ارد ونسولف وانساء اني زعلنه منه
والله انه هي مسكينه وماتسوي شي بس هو يزعلها على اتافه الاسباب

والحين هي زعلنه عند اهله صارله شهر ولا فكر يدق عليه ولا يطمن
هي صاره6شهور متزوجه تبي تدق عليه بس تقول اخاف مايرد
علي لان طبعه عنيد حيل وباله طوووووووووووووووويل
واذا هو زعل مايرضى بسرعه تقول بعد شهرين من عرسنا زعلته وقعد اسبوع مايكلمه
بنات تكفون فيه جذي ريال

اي والله واااااااااااااايد جذي الله يعين هالحريم بس !!!!!!!!

وترى الريال صعب يعترف ان اهو غلطان

بس خلاص دام عرفت طبعه خليها تتحاشى الزعل على اي سبب دام انها عارفة انه ماراح يراضيها

هي تحقره بس هو يحقرها اكثر ماصار له شهرين قعد اسبوع مايكلمها
بعدين اذا زعل مايخليه تروح اي مكان حبسه لم يرض وهذا هوالي يغــــــــــــــــــث

هلا اختي . . .

خل ترد لبيتها وتستبعد دائما انها تطلع من بيتها وتتركه زعلانه

ومثل ما قالوا الاخوات تحاشي تسووين شي يزعله وان سوى شي جايد يستحق صج صج الزعل

ازعلي ولاتكرين تراضينه !

يمكن اهي عودته تراضيه

والحياة اول سنتين بتكون متعبه ورحلة اكتشافات كل واحد يكتشف شي بالثاني

وخل تتحمل مو كل شي تزعل منه ما صارلها 6شهور وزعلانة عند اهلها !!

هههههههههههه هذي عروس وجذيه يعاملها عيل بعد سنتين شنو بيسوي؟؟؟

الله يهيده ويسخره لها

مشكورين ع الرد

انا اجذي ازعل على ريلي ولا كنه شي صار فيهم البرود الاعصاب..
انتي بعد عاندي وقعدي وشغلي روحج باي شي..

ههههههههههههههههه
والله ذكرتين في زوجي كان جذي بس الحين احسن شوي الله يعينها

وشلون تغير هذا زوج رفيجتي للحين على عناده