هيلث هير..

رح

رحيق محمد 2011/04/30 · #1

السلام عليكم ورحمة الله بركاته

بنات ابي استفسر عن حبوب هيلث هير (health hair)
اللي استيكرهم اسود والعلبه بيضاء...
صناعه امريكيه..
صج يمتنون؟
وصج ان الخبيره منى الجميع تنصح ان اول عشر
ايام يؤخذ منهم حبتين يوميا؟
وصج ان فايدتهم ماتبين من اول علبه يعني لازم استخدمهم
علبتين او ثلاث علشان اشوف تحسن بشعري؟
انا اشتريتهم لان بعد عشر ايام ابي اصبغ شعري
وكل من اسأله عنهم يقولي شي يديد عنهم انتوا اشرايكم فيهم؟

رح

رحيق محمد 2011/05/01 · #2

من صجكم ولا احد؟

رح

رحيق محمد 2011/05/04 · #3

معقوله مافي احد يعرفهم؟

ال

الجفول 2011/05/05 · #4

حبيبتي انا استخدمها بس توني بديت فيها وسالت عن حبوب للشعر ماتمتن ونصحني الصيدلي استخدمها وقالي ماتمتن اتمني اني فدتج

ال

المزاين 2011/05/05 · #5

اول مره اسمع فيهم بس بتابع تجربتج معاهم

رح

رحيق محمد 2011/05/08 · #6

الحين صارلي اسبوع استخدمهم ...
نفسي مسدوده عن الاكل قاعده اغصب نفسي
لاني نفاس للحين...
شعري القسم اللي فوق واااااايد حلو وصحي
اما القسم اللي تحت ناشف بس احسن من اول...
مع العلم اني قاعده آخذ حبتين باليوم نفس
ماسمعت ان الدكتوره منى الجميع تنصح باول عشر
ايام لازم تكون الجرعه منهم حبتين...
باجي يومين ويصيرلي عشر ايام وبعدين استخدمهم
حبه باليوم...
مع اني اعاااااني من فقر الدم ...

رح

رحيق محمد 2011/05/12 · #7

النتيجه لحد الآن ولا اروع الحمد لله...
لمعه وشعر صحي وشعر متغذي يعني صار باين
على شعري انه ولد نعمه...
خخخخخخخخ

على فكره شي جمييييييل ان الواحد يطرح اسإله
ومحد يجاوبه...
وبعدين هالواحد يقول تجربته ومحد يشاركه

والاجمل ان ابببببببدددددااااااا ماكو احد حتى يجامل 

بس انا مستمره بإذن الله لحد ما الله يشاء اني اتوقف عن طرح تجربتي...

أم

أم عبدالله 2011/05/12 · #8

والأجمل اصرارج اللذيذ في مشاركتنا تجربتج وحمدلله ع سلامتج

ياريت صورة الحبوب وبفيدج أكثر عنهم . . .

فر

فراوله كويتيه 2011/05/15 · #9

انا بعد سمعت عنهم بس في ناس يقولون تطلع كرش !!

كن

كنز الدنيا 2011/05/18 · #10

شكلي بشتريها

رح

رحيق محمد 2011/06/16 · #11

هلا ياحياتي ام عبدالله اسمحيلي ماعرف انزل صور
والحين انا صبغت شعري كله بلاتيني
وتدمر شعري بس الصبغه عجيييييييبه
وقاعده احط علئ شعري زيت اللوز وكريم بريلكريم الاحمر
وحمام زيت بالحليب والعسل
مع الاستمرار على حبوب هيلث هير
بس بصراحه الصبغه تستاهل...

رح

رحيق محمد 2011/06/27 · #12

تدرون ان فقر الدم اللي عندي قاعد يخف بسبب هلحبوب؟
وقالي الدكتور تحليلج زين واستمري على دواج لمدة ست اشهر قلت له انا ماأخذ دوا حق فقر الدم
قالي عيل شنو؟
قلت له اخذ حبوب هيلث هير
قالي استمري عليهم لمدة ست اشهر علشان دمج...

مواضيع من نفس القسم