قصة زواجي من حبيبي و مشكلتي الحالية

سلام عليكم

شلونكم اخواتي

يايتكم تساعدوني بمشلكتي مع زوجي

قبل لا أقول المشكلة أبي اقول ان آنه اعرفه قبل الزواج وماخدين بعض عن حب
بدأت قصتنا بالثانوية واهو اكبر مني بسنتين
وهو كان يحبني موت و دوم يخاف علي
بس شقول البنات كانوا دايما يلاحقونه و ايتلزقون فيه ليش انه عن جد بدون مبالغة وسيم جدا حتى احلى مني بمليون مرة و انا اعرفه ليش انه من مثل المنطقة تقريبا
و كنت اسمع البنات شلون يتنافسون من تاخده و كنت اسمعهم شلون يحاولون وياه ومو عاطنهم وجه وفرصة وكانو دوم يتسائلون يحب منو و كنت اسكت ماقول

المهم مرت السنين وحنا نحب بعض ونكلم بعض على الانترنت و في مسجات التلفون ليش اني استحي اتكلم بالصوت معاه المهم بعد هالسنين ولما صرنا بالجامعه اكتشفت انه خاني كم مرة ..
و الخيانه مو بسيطة يعني وصلت للزنا
وانا عرفت لما وحدة اتصلت فيني تبي تعرف انا من لانها شافت رقمي متكرر عنده بتلفونه لما كان معاها شغالين لعبه

وبعدين اهو اعترف بكلشي و طلع لاعب ويا 5 بنات اثنين منهم من منطقتهم جيران يعني وكانو يلاحقونه و هم طلبوا منه يلعب وياهم وهم انه ادري معروف عنهم الوصاخه فصدقت انهم هم اللي لاحقوه بس هم هو غلطان لما رضخ لإبليس

المهم لما اكتشفت وطلبت اقطع علاقتي فيه خلاص يا ولد الناس مابيك
ظل يعتذر ويبجي و بينتحر و يحلف و يقسم انه تاب و لا بيعيده وكان كل اللي سواه من ابليس و انه محصل له بنات ابلاش يترجونه انغرى ومن هالكلام
و انصدمت لما امه اتصلت فيني تصيح تقول انه اول مرة تشوف ولدها يصيح جديه وهو يبيج مع اني ماكنت اعرف امه شخصيا وهم مايدرون ان حنا على علاقة
بس انا تميت رافضة وهو بعدين تم يلاحقني و يعتذر لين قررت اسامحه
بس ظل الالم في قلبي ليش انه خاني وخان حبي و وفائي و شلون ضحيت وكلما اخطبوني اردهم عشانه

وبعد سنة من الخيانه اهو أصر يتقدم لي مع ان بيني وبينكم ماكنت مستعجله عليه لان مع حبي له بس كان في قلبي خوف منه بس فاجأني بأهله و وافقنا لانهم عائلة طيبة عموما وهو طيب ومحبوب من قبل الناس

انخطبنا وتمينا سنة مخطوبين بس حنا بالبحرين عندنا الخطوبة بـ عقد شرعي يعني يعتبر زواج بس انسميه فترة الخطوبة ونسوي حفلتين .. حفلة خطوبة بمستوى الزواج وبعد كم شهر واحيانا تمتد سنة نرد نسوي حفلة ثانية نسميها حفلة زواج .. على اساس وحنا مخطوبين نتعرف على بعض اكثر بس بدون ممارسة الجماع و العقد احتياط لو صار شي في خلوتنا المهم مو هي قصتنا
انخطبنا و كنا سعيدين و تزوجنا وتمينا سعيدين وهو مسويني يا دهينه ما تنكتين و مدللني و طبعا اهو من ذيك السالفة صار اقرب الى الله و دايم يصلي صلاة الليل


بس المشكللللللللللللللللللللللة
قبل كم اسبوع في وحدة من اللي لعب معاهم رجعت تلاحقه
والقهر اهي اتزوجت و صار عندها بنت و تطلقت لانها لعوب ومافي رجال الا لاعب فيها لعب بس الله يعزكم اهي تلعب من ورا عشان ما تنكشف بس حتى لما تزوجت ظلت تطلع مع رجال والله فضحها و تطلقت
الحين جات تحوم على رجلي
والحمدلله اهو خبرني منه ومن نفسه قالي فلانه وين ماروح وراي و حتى رقمي طلعته وتتصل لي و غير رقمه بسببها
و آخ يا القهر تضيفني على الفيس بوك بس ما اقبلها
ومب راضية تستلم و تنقلع .. الصبح تجي توقف عند باب البيت تنتظره يطلع ( ان شالله يوم تجي توقف بالمغرب وتجيها رصاصة في راسها من طائرة اباتشي )

و بسببها صارت حياتي مشاكل
كل يوم هواش و عصبية و تنرفز
صرت شكاكه ودوم خايفه يقص عليه ابليس
مع انه يقسم لي انه ما بتقدر عليه بس آنه خايفه من ماضيه الاسود يتكرر
ومن زود شكي صرت اقوله طلقني ومابيك
لدرجة مرة من كثر عصبيتي سبيته
ادري غلطانه بس مو قادرة اسيطر على غضبي و قهري و خوفي
ودي اقتلها و مرات ودي اقتله

قلت باقول لاهلها بس اهلها ما يصدقون عليها من واهي بنت في المدرسة لما يشكون الناس منها ما يصدقون

يا ربييييييييييييي
شسوي شسوي
وما اقدر اشتكي للشرطة ليش ان وضعنا بالبحرين سيء و عارفين ان لو الواحد يطلبهم يحمونه يسوونها عليه قضيه و يعتقلونه او يدبحونه شوفوا برصاصة و إلا بشوزن يعني شقول فوق ان وضعنا بالبلد يعور القلب ومب مرتاحين و الناس تنقتل كل يوم جدام عيونا بعد تطلع لنا مشاكل سوادة وجه


ساعدوني شسوي عشان اتخلص من غضبي و قهري



سامحوني طولت بس ما عندي حد اشكي له


و مشكورين على كل حال

حبيبتى الله يكون فى عونج بصراحه شئ يقهر بس ما عليج منها وتقربي من زوجج أكثر وسمعيه كلام حلو وقوليله هذى وحده وسخه وانا بوقفها عند حدها وبس أشوفها عند باب بيتى بكسر راسها...وأطلعى دايمن مع زوجج وأيدج ماسكه أيده خلها تفقد الاأل فيه أنه يحبج ومتعلق فيج أنتى وهى هالوسخه ما تطري ع باله...وعليج أختى بصلاةقيام الليل فأنها سهام والدعء فيها مستجاب أدعى أن زوجج ما بشوف ألا أنتى وان الله يبعد هالوسخه عنج....وبندعيلج ياقلبي وطمنينا عليج يالغاليه. ...

يعني يابنت الناس شنو تبين منه اكثر من اللي قاعد يقوله ويسويه علشانج
بالرغم من انه هو اللي اعترف لج عنها

لازم تكونين واثقه من ريلج ولاتيننينه بالشك علشان يكون مرتاح منج

ترى كثر الحنه والرنه تزهق وتملل

لازم تكونين واثقه

مشكورين اخواتي


كل يوم اقول باسوي جي و باعامله بحنان و لسان حلو عشان ما اعطيها فرصة تاخده بس والله من يبتدي اليوم كلشي يتغير و ارجع عصبية لدرجة صرت اكسر اغراض البيت و القهر اهو يتم ساكت لا يهديني ولا يعاتب بس يظل قاعد ببرود ولين نطق بس يقول انا ماسويت شي انزين

المشكلة مخي مب معاي ومب قادرة اركز عشان اسوي شي و اخطط لشي


ادعوا لي يا رب يهدي بالي

حبيبتي حاسه فيج

بس لازم تخلين الغيره على صوب وتفكرين بعقل

وربي الغيره والسؤال والحنه على زوجج بينعكس عليج

وحتى على ملامحج

يعني بتكرهينا فيج واهو يحبج

غيري نفسيتج ودللي زوجج ودلعيه

لا تخلين فرصه حقها تسحبه لها

بالابتسامه الحلوه

فهمتي ياحلوه

وهذي اكيد ربي بيبعدها عنج لما تشوف زوجج صاد عنها

موفقه

لاتخلين الغيره تهدم بيتج وبعدين ترجعين تندمين ماراح ينفع

هلا اختي . . .

الاوضاع في البحرين أمان ولله الحمد وما في مشاكل الا على مفتعلي المشاكل وبس . . .

ومشكلتج تنحل بثقتج بزوجج وهذي الساقطة اللي تلاحق زوجج كل همها تيب راسه لانه

تحدي بالنسبة لها قولي لزوجج هالحجي وربج كريم

لاتسمحين لها ولاتعطين لها مجال ..
وذكري ريلج لي يسوي جذي حرااام مايجوز من الحجي هذا..
والبنت حاولي كلميها قولي لها شتبين يابنت الحلال خلاص هذا زوجي وخري عني تقي الله في عيالج..
الله يبعد بنات ابليس عن ريايلنا..

السلام عليكم

شوفي ريلج ماراح يخونج ان شاء الله اذا انتي وثقتي فيه لكن لو ظليتي بتشكيني بقول هي خربانه خربانه وبتصير عناد لج لا توصلينه للهذي المرحله خليه يتحدى هالوسخه ومايقرب منها واكبر دليل انه بيتحداها انه قال لج معناته مو بباله يلعب بالمره ولو ضليتي جذي ماراح يقولج شي خليج عاقله وفاهمه هو ريلج الحين وقريب منج خليه قريب ويقولج كل شي بباله وهو مرتاح ثقي فيه وفي نفسج وبعلاقتكم ومالج شغل بأحد

الله يكون في عونج وبعد عن زوجج بنات الحرام امين