→

فرجواا علي الله يفرج عليكم ... و الله اني تعبت ( المنطقه ....

قسم خاص لمشاكل الحياة الزوجية والمقبلات على الزواج · 9,485 مشاهدة

📦 أرشيف هذا الموضوع محفوظ من المنتدى القديم (2011/04/01) — للقراءة فقط. المعلومات قد تكون قديمة.

فرجواا علي الله يفرج عليكم ... و الله اني تعبت ( المنطقه ....

بقلم NooMoo · 2011/04/01 · 19 رد

NooMoo 2011/04/01 · #1

السلام عليكم حباايبي
. الصراحه انا ترددت اكثر من مره قبل لا أحط هالموضووع بس المشكله اني مستحيه افاتح اي حد بهاالموضوع ,, وعندي امل ان شاء الله اني احصل وياكم الحل
لاني كنت اقرى واايد مواضع جريئه في هالقسم و الحمد الله كاانت في واايد ردود طيبه
اممممممممم و الله اني مستحيه بس شو بسوي امري لله
موضوعي كالتالي انا وحده باجي عن زواجي تقريبا 5 شهووور
المهم ,,,
و انتوا تعرفون ان اهم شي بالزواج اهو العلاقه الجنسيه و بها الشي لازم المنطقه الحساسه تكون مقبولة الشكل . فللأسف انا عندي جرح في منطقة البظر يعني على طرف من البظر لين الأشفارر .. و أحس شكل المنطقه موب حلوووو يعني غير مرغوب فيه و اكيد اي ريال يبى شي حلو ويجذبه و هالشي استوالي لأني وايد كنت اركز الماي على هالجزء ,,, فأنا خاايفه من اول علاقه حقي و يا ريلي انا ريلي ما يتقبل هالشكل او انه انفصل عنه بسبة هالشي و الله اني احااتي ليل و نهاار و موب عارفه شو اسوي ,,, و المشكله اني احبه و ابي اسويله اي شي يسعده فبلييييييييييييييز الله يخليلكم ابي مسااعدتكم ,,, مابي حد يقولي سيري عند دكتوره عشاان تكشف حقج لاني مستحيل اسير حقهااا ابي حل ثاني اي مرهم او خلطه ممكن اني استخدمهاا عشان يخف او يروح عني هالشي ,,,
و لا تقولون اقص عليكم و لا ابالغ ويااكم بس عن جد هالمشكله مسببه لي حاااله نفسييه 24 سااعه افكر بها الشي و الله اني تعبت
لا تبخلوا علي بردودكم و نصايحكم
و أي وحده تبى ترد علي بالخاص بعد بكوون شاكره ألهاا
و جزاكـــــ/مـــ الله ألف خير و يكون بميزان حسناتكم ان شاء الله

در

دراريع عليا 2011/04/01 · #2

حياج الله

اول شي هذا خلقة او عملية وترا عادي الرجال مايلتفت لها الامور لان مو اعاقة اهوا بس شرخ

لاتخلين زوجج يشوف المنطقة وطبيعي ماراح يقولج بشوف

وحتا لانتبة خليج عادي ولا تبينين لة انا فيها شي هالمنطقة لان الرجال اذا فتحتي عيونة علا شي خلاص بتضل بفكرا

اشوف المسالة عادية ولاتحاتين ااهم شي الحب وانا يتقبلج لان لو انج شنو لو يحبج يحبج

الله يوفقج بحياتج الزوجية وهذا مالا اي خوف ولاتحاتين

أج

أجمل روح 2011/04/01 · #3

الله يفرج همك حبيبتي

وانا من رأي اختي دراريع عليا لاتحسسينه انها مشكلة خلي الوضع عادي
ولاتعذرين لهالشي يعني ترقعين لنفسك عنده
خليك واثقة من نفسك جدامة

الله يوفقك اختي ويسهل امرك يارب

مل

ملكة مسقط 2011/04/01 · #4

الله يسعدك أختي العزيزه وإن شاء الله هالشي يعدي على خير وزوجك ما ينتبه

NooMoo 2011/04/01 · #5

تسلمون خوااتي و الله ما قصرتواا
بس انا بعد في خاطري اذا في شي يحل هالمشكله حقيي..عشان ارتااح

اص

اصيله 2011/04/01 · #6

هلا حبيبتي مافيج الا العافيه

تطمنييييييي

الريال مايهمه قد مايهمه المكان نظيف وريحته حلو بس

غيره والله عادي

وانتي قولي الحمدلله ومافيج شي غير طبيعي

تطمنيييييييييييييي وعلى مسؤليتي

NooMoo 2011/04/02 · #7

مشكووره اصيله ما تقصرين ...

اممم انزين مافي شي اقدر اسويه عشان افتك من هالشي ...

در

دراريع عليا 2011/04/02 · #8

اذا انتي حيل متضايقة ترا في تجميل للمنطقة الحساسة ممكن ترجعين دكتور يمكن يفيدج اكثر منا لان اهوا بيشوف الحالة وبيقرر

ردينا عليج ونتي موراضية تقتنعين وماراح تقتنعين دام اناي شايفتا احنا ممكن علا الوصف نتكلم غير اللي يشوف الحاله

اخر حل روحي الطبيب ونشالله بيفيدج وطمنينا عليج

لؤ

لؤلؤه العز 2011/04/03 · #9

الله يعينج لوو كان من نووع اللي ينتبه

ان ششاء الله مايششوووف ششي وتطمني الغاليه دامج ماسويتي ششي غلط ربج بيساعدج

ال

المزاين 2011/04/03 · #10

الله يعينج ويفرج عليج همج

تو

تولي 2011/04/09 · #11

ماقصرو البنات شوفي دكتورة واهي تقرر

مل

ملاك الشرق 2011/05/20 · #12

يووو حبيبتي انتي معطيه الموضوع اكبر من حجمه وشكلك حساسه وتفكرين كثير

يالغلا ترى الامر جدا عادي هذا مجرد جرح ومسوي لك كل هالتفكير الزواج اكبر من كذا وفكري بامور اهم خصوصا ان زواجك قريب ..الله يتمم لك على خير

وزوجك ماراح يدقق اذا انتي نبهتيه او بينتي له انك متضايقه ومنحرجه من هالشي يعني هو ماببيخلي كل شي وبيطالع بالجرح

خلى الوضع عاااااااادي حاله حال اي خدش برجلك ولا يدك ولا غيره واذا هو صار عادي معك وسئلك

قولي له وذيك الساعه تقررون تسوين تجميل او لا

لان في بعضهم لا عرف بعدين يقول ليه تحوسين فيها وتجميل وغيره وتتكشفين بدون ضروره

انا قلت اللى عندي وانتي براحتك وربي يوفقك بحياتك

ضي

ضي العيون 2011/05/21 · #13

الله يهديچ انتي مسويه لنفسچ
مشكله ريحي نفسچ بسچ تفكييير
والله عااااادي
وماااعندي حل لانه مااافيه مشكله بالاسـاس

مح

محديسواهم 2011/05/21 · #14

موفقه اختي

ال

الاميره بشاير 2011/05/21 · #15

يا حياتي سهالات ان شاء الله ولا تفكرين وتضايقين عادي يا حياتي وانتي لا تفتحين عينه خلج طبيعيه والله يفرج همج ان شاء الله ويسر امرج يا قلبي ..

ال

الحناااااان 2011/07/11 · #16

الله يكون في عونك اختي وياارب يسعدكم ولا تشيلي هم ان شاء الله يكون شي عادي عنده ولا يفكر فيه

ال

الله أملي 2011/07/11 · #17

انا من رايي انج ماتنبهينه والشي عادي بس الافضل تروحين الطبيب وعادي لاتستحين المره المتزوجه لازم تتقبل ان هالمنطقة تنكشف على دكتورة لان وراها حمال ولاده الله يسر امورج حبيبتي

ام

ام يوسف الكويت 2011/07/14 · #18

بيييييه
احنا يوم تزوجنا مافكرنا بهالاشياء
مشكلتكم تدققون باللي تحت لي قرب العرس شدعوه حبيبتي خدش مسببلج ازمه نفسيه
ترى العلاقه الزوجيه مو بس فراش 24 ساعه
الحياه الزوجيه مسؤليات وامور ثانيه

ومرده من اول حمله بيتغير شكله نوعا ما وكلما حملتي وولدتي بيتغير ويتغير
وعلى فكره ترى مو من اول ولاده يرضى الدكتور يسويلج تجميلي
احيانا من بعد ثالث ولاده يرضون الدكاتره يسوون تضييق وتجميل وهالسوالف

تدرين شنو يعني تجميل؟
يعني يقصون الشفرات و (........) مابي اكتب تفاصيل اكثر
بس حرام انتي توج عروس ليش تلعبين بعمرج
ترى وقت الجماع تتركز احاسيس المره بهالنقطه وانتي من الحين تبين تقصقصين وتقتلين المشاعر الي راح تتركز بهالنقطه فكري عدل شللي حادج ؟

ومو معقوله ما التئم الجرح
اكيد التئم بس في اثر بسيط
ويمكن مايبين بس يتهيألج لان كلشوي تطالعين المكان وتدققين

الحل
طبعا اكيد كـ أي عروسه حياويه بتسكرين الليت اول الايام صح؟
يعني ماراح يشوف
ومو معقوله من اول الايام بيتجرأ يقولج وريني وبشوف
وحتى لو قال قوليله لا استحي ومن هالامور
نامي على اضاءه خفيفه مثل شمعه او اباجوره وما راح يبين والريال ماعتقد راح يدقق
توكم بسم الله ماطاحت الميانه لول
ظلي على طريقة الظلمه ليمن تحملين وتولدين وان ولدتي قوليله هذا الخدش من الولاده لووول

pinkish 2011/08/12 · #19

ام يوسف الكويت كنت بقول نفس كلامج ..
شوفي حبيبتي على كلامج انه الجرح صارلج بسبب الماي يعني مو شي كبير وغزير ومالج الا عمليه تجميل او ليزر ..
بس انتي بعدج بنت وانا مكانج مارضى اسوي شي جذي وانا بنت الوحده تستحي وتخاف بصراحه ..
انا لو مكانج وحيل ماثر فيني هالشي بحط كربم اساس تلقينه بالصيديلات اسمه (كفر ديرم) يغطي الجرح تغطيه 100% انا اختي كانت تستخدمه بنص ويها صار فيها تشوه خفيف من اثار الحبوب والله اللي يشوفها يقول مافيها شي وميزته انه ثقيل يعني مايروح باللمس والمسح لازم ماي وصابون ..
وحطي فوقه بودره جسم وقزريها ليما تولدين بالسلامه وعقب قولي من الولاده حزتها ان شاءالله بيكون يحبج وميت فيج وام ولده ولا بنته ان شاءالله اشلون بياثر فيه جرح عادي وانتي اعز الناس له ..
الله يوفقج ويه*** ويسعدج ان شاءالله والف الف مبروك

اح

احمدشاكر 2011/12/08 · #20

ان شاء الله بسيطة]

كنتي عضوة بالمنتدى القديم؟

استرجعي حسابچ وشوفي مشاركاتچ ومحتواچ من ٢٠٠٩.

استرجعي حسابچ

مواضيع من نفس القسم

ســـــــاعدونبي بليز .. 52,143 مشاهدة

مشكله مع اخوي 47,585 مشاهدة

حدي محرجة من سؤالي بس مالي غيركم 25,136 مشاهدة

استشاره او اي سؤال متعبج امريني ؟؟؟ 22,444 مشاهدة

مشكلتي بسيطه بس مو عارفه اتصرف 22,268 مشاهدة

مشكلة كبيرة تحدث لصديقتى 20,847 مشاهدة

انضمي لسيدات للمشاركة والتعليق والحفظ والتسوّق — مجاناً

انضمي دخول