منو كانت بارض المعارض امس و الله ماكان قصدي؟؟

نو

نور الععين 2011/03/25 · #1

السلام عليكم
انا اول مرة اشارك بموضوع و اقسم بالله و الله يعلم اني الي صارلي غصبن عني

تكفون يا بنات طالبتكم لا تخلوني وابيكم تساعدوني

امس كنت بارض المعارض بمشرف تقريبا على الساعة 12 و نص الظهر طلعت مسرعة داقين علي امي تعبانة حيل ومافي احد بالبيت و انا طالعة من المصافط و لا سيارة صافطة ممنوع الوقوف و مسكرة على العالم ابي امر و الشارع واقف مريت جان احك السيارة الي بالممنوع مادري شنو صار بالسيارة بالضبط بس اكيد انها تعورت حزتها ماكنت اشوف شي جدامي بس ابي اروح حق امي بنص الطريج جان يدقون علي يقولون اختي ودتها الطبيب على طول رجعت ابي احط رقمي على السيارة جان الاقي السيارة ماشية

للاسف السيارة راحت راحت يا بنات:frown: :frown:

حتى شكلها و نوعها ما اذكرهه بالضبط بس جنه جيب سماوي مادري ابيض
انا الحمدالله عارفة ربي و الله يعلم بنيتي اني رجعت و مالقيتها و الله مالقيتها -مو متعودة اخلي بذمتي حتى لو عشر فلوس

الي تعرف صاحبة او صاحب السيارة تقولي تكفون
مستعدة ادفع من دينار لالف عشان تصلح سيارتها حتى لو كانت بسيطة

اسالوو خواتكم اخوانكم ابي اعرف منو صاحب السيارة الي امس
و الله لو غيري داعم جان مشى و هو يضحك بس انا ماقدر و الله ماقدر
من امس ادعي ربي اني اشوف صاحب السيارة

ابي الحل شلوون شلوون

ياربي ساعدني

ور

وردة الكويت 2011/03/25 · #2

اوه هذي سيارتي الله يسامحج بس :)














لا حبوبه قاعده اتغشمر معاج بس شي حلو انج دشيتي وكتبتي صراحه ياريت كل بنات نفسج

وانت مو قاصه يعني الله يشفيلج الوالده يارب

ويكثر من امثالج الطيبه

نو

نور الععين 2011/03/25 · #3

و الله استانست لما قلتي سيارتي

تكفين قولي انشالله القى صاحب السيارة
قولي يارب

ور

وردة الكويت 2011/03/25 · #4

حبيبتي والله انا كنت امس بالمعرض بس طلعت قبل ال 11 وما سكرت على احد

الحمدلله ما فيها شي سيارتي لو انا جان قلت ههههههههههههههههههههه



ان شاء الله تلقينها وان شاء الله ما يكون الخدش عود وان شاء الله ما تكون دعت



مووفقه بحياتج يارب

ال

الاميره بشاير 2011/03/25 · #5

سهالاات يالغاليه ؤان شاء الله صاحب اؤ صاحب السيارة تعرفينه ؤان ماعرفتي شنؤ تسؤين انتي بريتي ذمتج ؤرجعتي بس مالقيتي شي نيتج زينه ..

@ب

@بنفسج@ 2011/03/25 · #6

انما الاعماال بالنياااااااااااات
وانى انشاء الله نيتج صافيه ....بس لا تحاتين

نو

نور الععين 2011/03/25 · #7

يزاكم الله خير حبايبي
انشالله اكون بريت ذمتي جدام الله سبحانه وتعالى

والله اعلم بالنيات

ال

الخاشعه للرحمن 2011/03/26 · #8

الله يرزقج ويرزقناااااااااا على نياتنا
والله يوووووووووم اشوف اي وحده
لها ضمييييييييييييير وتخاااااااااااااف الله
احمد ربي مليوووووووووووووووووووووووووون مره
اننا جعلنااااااااااااااااااااااااااا من المسلمين وانشاء الله من الصاااااااالحين

ki

kim 2011/03/26 · #9

جزيل الشكر لك اختي على اخلاقك العاليه

ال

الدنيا ساعة فاجعلها طاعة 2011/03/26 · #10

حياتي من رايي تسالين عن الحكم الشرعي عن طريق شيخ ثقة
وشوفي شنو يقولج سويه
والله يشفي الوالده يارب وكل مرضى المسلمين

نو

نور الععين 2011/03/26 · #11

مشكووورين حبيباتي

و الله كريم

ال

المزاين 2011/03/27 · #12

الله يعينج
سألي شيخ دين وايد احسن لج علشان تبرين ذمتج

رو

روميا 2011/03/27 · #13

جزاك الله خير على ضميرك الصاحى

ال

الجـ حزن ـوري 2011/03/27 · #14

الدنيا ساعة فاجعلها طاعة كتبت:حياتي من رايي تسالين عن الحكم الشرعي عن طريق شيخ ثقة
وشوفي شنو يقولج سويه
والله يشفي الوالده يارب وكل مرضى المسلمين

ماقصرت انا مثل رايها

نو

نور الععين 2011/03/27 · #15

مشكوورين انشالله الله بيسامحني

و الله قاعدة ادعي ربي ليل نهار انه يسامحني
تصدقون و انا قاعدة الوم نفسي على الي صار مع انه غصبن عني بس اقول الي ظلم و الي فرق بين الناس و الي قتل شلون قدر يحط راسه على المخدة و ينام

ماقصرتوا على الردود حبيبات قلبي
يزاكم الله الف خير

wa

waha 2011/03/27 · #16

الله يشفي امـج و يعطيج على قد نيتـج ..
و أسألي راي الدين عشان تبرين ذمتـج عدل ..

ال

النــدية 2011/03/28 · #17

الله يعينش وأنتي ما قصرتي جعلني فدوش
الله يكثر من أمثالش وإن شاء الله تلقين صاحب/صاحبة السيارة

رو

روايع 2011/03/29 · #18

انما الاعمال بالنيات

سك

سكرتارية 2011/04/01 · #19

ماشاء الله عليج .

راعية ذمة .

ومثل ما قالوا انما الاعمال بالنيات .


جزاج الله خير .

تا

تاج النور 2011/04/03 · #20

الحمد الله هذا حنا يالكويتين ظمايرنا صاحيه ونخاف الله ومانرظا نظلم احد هاذي شيمنه عيل كافي انج رديتي وحاسه بتانيب الظمير. حبيبتي سئلي شيخ يمكن تدفعين كفاره تشيل عنج والله يجازيج الف خير ويثبتنا على خوف الله لجميع المسلمين والمسلمات امين

أرقام مهمة وتهمك . . .ساعدينا وافتحي موبايلج وسجلي معانا . . . 265,149 مشاهدة

حيييااااااااااااااااااااااااكم ياللي تحبووون الصف...(شاااعرات) 78,448 مشاهدة

دليل أرقام هواتف خدمة التوصيل للمنازل .. تررن تررن (شاركونا) 70,693 مشاهدة

قائمة باسماء خطابات لمن يسالون 51,635 مشاهدة

معالجه بالعميريه 30,210 مشاهدة

ممكن تساعدوني وتساعدون أنفسكم ونعمل خير لوجه الله 24,970 مشاهدة