لكـــل مشكــله...سحر

حبيباتي بنات المنتدى ....
بعد ان ابتديت مع الاخت (السوس)بحل مشكلتها ومشكلت خواتها اللي موجودين بالمنتدى قررت ونزولا عند رغبة الاخت (رماديه )اني احط موضوع ثابت بالقسم نحل فيه مشاكلكم وراح نبتدي خطوه خطوه واتمنى الكل يساعدني علشان نستفيد من بعض
وانا من ناحيتي ماراح اقر معاكم بشي من خبرتي وتجاربي ولاتزعلون اذا قسيت عليكم بردودي لانه احيانا الحبل الراخي يبيله شد لا وشد من قلب بعد

من هني نبتدي وربي المستعان........

اول درس ....
ابي كل وحده تتوضى الحين وتصلي ركعتين لوجه الله تعالى وتقول قبل السلام ترفعين ايدج بخشوع وثقه بالله العلي العظيم وتقولين هالدعاء 3 مرات:
((اللهم اني أسألك بإسمج الجبار ان تكسر جبروت زوجي وتسخره لي تسخير العبد لسيده ))
هذا اسمه السحر الحلال وراح تعرفين مفعول هالدعاء قريبا بإذن الله
ولازم تكررين هالدعاء قبل السلام بكل صلاة صبح وليل وظهر وعصر ومغرب

مشكووووووووووووووره ياحياااتي على الموضووووووع الحلو ياقلبي

انا وياااج ياقلبي

الدرس الثاني ههههههه

تروحين السوق اليوم وتشترين هديه حلوه واذا انتي شاطره بتشترين شي يبيه زوجج او محتاجه وتغلفينه تغليف حلو مثلج هههههه وتحطين يمه ورقه صغيره تكتبين فيها اهداء تكتبين فيه:
حبيبي الغالي...ادري تعبتك معاي وادري اني وايد اضايقك بكلامي وحنتي بس...اتمنى تقبل مني هالهديه اللي تعبر عن غلاتك عندي ولك مني وعد اني بكون لك الزوجه اللي تعجبك وترضيك ياتاج راسي))حبيبتك....

ضغطي على نفسج شوي وكتبي اللي قلته لج فوق وربي بيكون معاج

هذا درس اليوم وبشوف رايكم ومنو اللي عجبها وبتكمل معاي

وبعدين بكمل لكم

تاكدوا اني مجربه هالطريقه ونتايجها الحين اعيشها ولله الحمد كل يوم اصلي لربي شكر على اللي صاير معاي مع العلم انه زوجي كااااااااااااان شي واصبح شي ثاني بفضل الله

اذا شفت في تفاعل بستمر

حبيبة قلبي يالرماديه والله حبيبتج بالله عسى ربي يسعدج

وانا ما حبيتيني في الله ؟؟

هلا المزاين
الموضوع روعه وبيكون شمعه أمل لكل وحده فينا تصادفها مشكله
وأنا معاج بأثر الدعاء والهديه
بس الكلام المكتوب على الكرت
بريء نبي أقوى شي
مثل :
توحش قلبي لا بعدت عني
وأتذكر تقصيري معاك
بس أوعدك بجنون الحب أسعدك
ها اشرايج مو أحلى
واصلي واحنا معاج ومتابعين
يعطيج العافيه

موضوع روعه يالمزاين وواصلي وحنا معاج والله لا يجيب المشاكل

على بركة الرحمن ....

كملي وأحنااا معاااج أن شاء الله ....

بنعين ونعاون ....

ومراح نقصر ان شاء الله باللي يملي علينا ضميرنا....

هلااااا مزاين ه

لا موضوعش زين مثلش يالزيونه الله يسخر كل زوج لزوجته


بس في ازواج يحتاجون هالدعاء لان زوجاتهم نسرات هههههههههههههههههههههههههههههههههههههههههههههههههههههه



انا متابعه ان شاء الله معاش الله يجزاش خير

جرح الليالي كتبت:وانا ما حبيتيني في الله ؟؟

انتي نقطة ضعفي وربي شاهد
احبج ياجروحتي عسى ربي لايفرقنا

واحه كتبت:هلا المزاين
الموضوع روعه وبيكون شمعه أمل لكل وحده فينا تصادفها مشكله
وأنا معاج بأثر الدعاء والهديه
بس الكلام المكتوب على الكرت
بريء نبي أقوى شي
مثل :
توحش قلبي لا بعدت عني
وأتذكر تقصيري معاك
بس أوعدك بجنون الحب أسعدك
ها اشرايج مو أحلى
واصلي واحنا معاج ومتابعين
يعطيج العافيه

ربي شاهد انه ينشرح صدري من اشوف نكج يا واحد وانا ما اعرفج

كلامج روعه بس هذا بعد شوي

بالاول نكسر خاطرهم وبعدين ننقض عليهم ههههههه وحوش

هدوء الاحساس كتبت:موضوع روعه يالمزاين وواصلي وحنا معاج والله لا يجيب المشاكل

ربي معانا
ربي شاهد انه قصدي اساعد البنات اللي توهم متزوجين لانه انا بعمرهم تمنيت اللي تساعديني لو بطراق تصحيني جان ماضاعت هالسنين بالهواش والمعاند

((( حسناء ))) كتبت:على بركة الرحمن ....

كملي وأحنااا معاااج أن شاء الله ....

بنعين ونعاون ....

ومراح نقصر ان شاء الله باللي يملي علينا ضميرنا....

اكيد اكيد ياحسناء

اي صح نحتاج احد يصحينا انا اول زواجي اول شهرين سعاده بعدين تمينا شهر بمشاكل محد درا عنها بعدين قلت لامي وامي نصحتني وان شاءلله راح اقول نصايح امي اذا شفت تفاعل

ام خالدوعبود كتبت:هلااااا مزاين ه

لا موضوعش زين مثلش يالزيونه الله يسخر كل زوج لزوجته


بس في ازواج يحتاجون هالدعاء لان زوجاتهم نسرات هههههههههههههههههههههههههههههههههههههههههههههههههههههه



انا متابعه ان شاء الله معاش الله يجزاش خير

اكيد والله يالغاليه في حريم مايخافون الله برياييلهم

ربي معانا كلنا

هدوء الاحساس كتبت:اي صح نحتاج احد يصحينا انا اول زواجي اول شهرين سعاده بعدين تمينا شهر بمشاكل محد درا عنها بعدين قلت لامي وامي نصحتني وان شاءلله راح اقول نصايح امي اذا شفت تفاعل

ربي يحفظ لج امج

واكيد بيكون في تفاعل يالغاليه

تسلمين ياقلبي وان شاءلله راح نفيد ونستفيد

وين الرماديه؟
وين السوس؟
وين الباجي؟