→

عاابرة سبيـــل.........

الشعر الثقافي والأدبي · 1,104 مشاهدة
📦 أرشيف هذا الموضوع محفوظ من المنتدى القديم (2011/03/18) — للقراءة فقط. المعلومات قد تكون قديمة.

عاابرة سبيـــل.........

بقلم خيالة مطير · 2011/03/18 · 16 رد
خي
خيالة مطير 2011/03/18 · #1
قصاائد للشاعره عااابرة سبيل الله يرحمها




أنا عجوز مطلقـة وأم ورعـان=
وأيضاً مدام وبنت وآنس وعانس
أنا بدوية وعايشه عند حضـران=
وبنت البحر وأبوي زارع وغارس
أميةٍ ماتعرف حـروف وألـوان=
وتلميذةٍ دشت جميـع المـدارس
ظفرة وخبلة عاقلة فـي نقصـان=
شرود وأنطح لي ثمانيـن فـارس
خلوني أعيش العبر دون عنوان=
طيفٍ يمـر بلارقابـة وحـارس




تعال بشرح لك أنـا كـل مغلـوق=
تعـال شاهدنـي مـع ذكريـاتـي
لا لا يغرك لبس موضة ومسحـوق=
انفض غبار الوقـت تلقـي صفاتـي
قرب وطالع معّن الشـوف بحـدوق=
وزيف التطور جـرده مـن حياتـي
بتشوف في وجهي من الماضي اطروق=
أخذت من بطن الصحـاري صفاتـي
طفلـة بثـوب مخيطينـه ومفتـوق=
تنطر جديـد الثـوب بالعيـد ياتـي
سمعت طرف اخبار عن كلمة السوق=
وتاخذ وتسأل هـو وجـوده ثباتـي
طفله سحبها الوقـت للهم برفـوق=
حتي انها صـارت مـن العاشقاتـي
وجار الزمن وعرض الحـب للعـوق=
شـرق ركايبهـا وهـم مشملاتـي
واتلا عهدها فيه يركـض ورا نـوق=
مسرود جيب وفـي يدينـه عصاتـي
ويصد لكن يلتفت لي مـن الشـوق=
عجـلان يلخصنـي بعيـنٍ تحاتـي
وقفـى وخطواتـه يتلـن معلـوق=
وخلانـي ماتنقـل عظامـي عباتـي
ودار الزمان ولا مشي الحظ بوفـوق=
ومازلت أخفـي بالظـلام اعبراتـي
ولا زلت أنا العب له علي كل طاروق=
حتـي يجيـب الله موعـد وفـاتـي




كل الصفات اللي ملكها فضيعـه
له ضحكةٍ تشبه لضحكات الأطفال=
ذيـبٍ ونظراتـه حنونـه وديعـه
وله فزعةٍ منهـا المجانيـن عقّـال=
وفجوج لا ضاقت عليّ الوسيعـه
ياما عدل عوجا ثقيلات وطـوال=
وأنـا معاقبتـه غيـورٌ صريـعـه
والله يسوى لـه ثمانيـن رجّـال=



بريال عارضته على السوق بريـال=
من باعني برخيـص والله لأبيعـه
من يشتري رجّال قصّر بالافعـال=
باع العهـود الماضيـه للخديعـه
رجّال يسوى لـه ثمانيـن رجّـال=
والخبل مثلي لا زعل يـب يبيعـه



حان الفراق .. وتم توديع غاليـن=
قسوة زمن وظروف ماهي رحومه
وحاولت ابدّل موقف العسر باللين=
وأبيـن قدامـه جسـور ظلومـه
وأعاتبه وأنقد على دمعـة العيـن=
وانا - حشـا لله - مانـي ألومـه
وأقول هذا حـال كـل المحبيـن=
وهذا الفراق الـي تجينـا علومـه
ومسكت نفسي كن ماصاير شيـن=
أخشى على خلي يشقق هدومـه
ثم قلت وش تنطر حبيبي لهالحين؟ !!=
أثر ايدينـي ماسكـات كمومـه



يمـه .. يايمـه .. فديتـك لاتخلينـي=
بعثرني الهم وأبغـى يديـك تجمعنـي
يمـه افهمينـي تـراك ان مافهمتينـي=
مافيـه شخـص بهالدنيـا بيسعمنـي
ماعدت انا طفلتك.. كبرت شوفينـي=
خليك يمي تـرى الاطمـاع تتبعنـي
لاتدللينـي .. أبـي منـك تدليـنـي=
وابـي ايديـك تداعبنـي وتصفعنـي
ولا انهد حيلي أبي عطفـك يقوينـي=
ياما كلامك على الشـدات شجعنـي
وان جيتك ابكي .. ابي منك تهدينـي=
مابيك تبكين .. أبغى العقـل ينفعنـي
يامملكة عطـف ياعطـر الرياحينـي=
براثـن الهـم والهوجـاس تلسعنـي
بسمتك عندي الا من ضقت تكفينـي=
وارضاك عني عن الاحـزان يرفعنـي
اسمى العلاقات تربط بينـك وبينـي=
ياللي احضانك ان ضاق الكون تاسعني
لك احترامي وحبي والوفـا .. فينـي=
وفيك اروع الحب مايخطي ويخدعنـي




لي صاحبٍ منه تبي تطلـع الـروح=
خبلٍ ومن هي مولعه فيه .. خبلـه
عامين المح له من الجـد ومـزوح=
واقول ياعنتـر تناديـك عبلـه
طال المدى ثم قلت انا اغليك يالوح=
مجروحه جـرحٍ مخاطـره عجلـه
دنق وقال آنا من العـام مجـروح=
وأشر لجرحٍ مبطي وسـط رجلـه




ياخبلي الغايب متى ترد للعين=
متى اشوفك او تجيني رساله
صحيح بالدنيا خبولٍ كثيرين=
لكن خبالك ياحياتي لحالـه




أبكسر الاغلال واعيش حره=
بصنع قراري وكل شيٍ بيدي
مليت من صبرٍ عطاني مضره=
أعيش في عصرٍ لجدّان جدي




يسألوني عابـره ويـن الجديـد=
والاجابه ضايقـه فينـي ملـل
راحت ايام السعاده والقصيـد=
عشتها بين التكانـه والجهـل
كنت اروض شارد الحرف العنيد=
ماعسرني لو بغيته فـي عجـل
فيه اصور لوعة الحب الاكيـد=
ومنّه(اشكل) ماحوى قلبي غزل
ومعه (اسافر) عن معاناتي بعيـد=
ولأجل حبه ماشحنّي من زعل
احضنه (فرحة) طفل في يوم عيد=
واسكنه (روض) الخزاما والنفل
واحتويته ليت لي (قلب ٍ) بليـد=
ماعرف (فرق) الجزاله والهـزل
والنهايه مابقى عنـدي جديـد=
واعذروني صارت ايامي ملـل




دوم ي***ني يقول : انتـي متيـن=
((حلجك)) المفتوح لازم نغلقـه
هيه (( يادبـه )) لـزوم تخففيـن=
والاا أثور فيك عشريـن فشقـه
وفي رجيمي استمريـت اسنتيـن=
جدي اللي مـات بغيـت ألحقـه
ويش رايك؟... قلتها بصون حزين=
قال دبه .. وانقلبتي لـى اسلقـه


ترى الذبايـح واهلهـا ماتسلينـي=
انا ادري ان المرض لايمكـن علاجـه
ادري تبـي راحتـي يابعـد عينـي=
حرام ماقصرت ايديك فـي حاجـه
اخـذ وصاتـي وامانـه لاتبكينـي=
لوكان لك خاطرن ماودي ازعاجـه
ابيك في ايدينك تشهدنـي وتسقينـي=
وداعتك لايجـي جسمـي بثلاجـة
لف الكفن في ايديك وصف رجلينـي=
ماغيرك احدن كشف حسناه وحراجه
ابيـك بالخيـر تذكرنـي وتطرينـي=
يجيرني خالقـي مـن نـار وهاجـه
سامح على اللي جرى مابينك وبيني=
ايام امشي عـدل وايـام منعاجـه
اعيالي همي وانا اللـي فـي يكفينـي=
علمهم الديـن تفسيـره ومنهاجـه



باكر يجي 00 يا شيب عيني من الويـل=
من عقـب مـا سافـر سنيـنٍ مديـه
ش اقول له 00 صاروا عيالي رجاجيل=
ش اقول له ؟ 00 ماني بعهده وفيـه ؟
إن قلـت لـه إنـي تعذبـت بالحيـل=
و إن قلـت لـه أكبـر عيالـي سميـه
يبي يعذرني و يتـرك القـال والقيـل=
و لا يجـي ويــا زمـانـي علـيـه
و ان جبت حظي و المقادير 00 iiتعليل=
و اني ضعيف 00 و رغبـة الله قويـه
يبـي يصـدق كلمتـي دوم تحليـل=
و لا يبـي ينسـف كلامـي عليـه ؟
ش اقول له ؟ 00 ما ينفعن الاقاويـل=
ما دمت مانـي فـي وعـودي وفيـه




معنى الحياة بعينهـا صحـوت المـوت=
شهـود صلـوا والمملـك دفنـهـا
وكوشة فرحهـا حولوهـا لتابـوت=
وكليلهـا الأبيـض بقايـا كفنـهـا
تبريكهم أصبح عزا يجـرح الصـوت=
صرخـة ويبابـه تشـابـه لحنـهـا
غصب عليها تقبل الوضـع بسكـوت=
مهـره وعـادات البـداوة رسنـهـا
أغضت وصدت وأنطلق صوت مكبوت=
لابـو تقاليـد الحـيـاة وسننـهـا
وراحت معاه بقلبها حـرف منحـوت=
يبقـى معـاهـا يـطـوى بدنـهـا
وراحت وبركان القهـر لاتهـا لـوت=
تبي تصيـح وفيـه خـوف سكنهـا
راحت وصدى كلماتها زلـزل بيـوت=
لابـو تقاليـد الحـيـاة وسننـهـا




العيد باكـر أسعـد الله ممسـاك=
والله مدري وين خـدٍ جلستـه
وين انت ياللي عيدنا في محيـاك=
كف القدر من ضيقة الخلق iiبسته
من يوم ما لوحت لي كف يمنـاك=
لليوم دمعي بالخفا مـا حبستـه
ومن يوم ماذوقتني حـر فرقـاك=
والياس زرعه في حياتي غرستـه
شريت لي ثوبٍ علي شان لقياك=
والثوب راحت موضته مالبستـه
وشريت عطرٍ ما زهانـي بليـاك=
اربـع سنيـن بعلبتـه مالمستـه
ودفتر قصيدٍ كل يـوم يترجـاك=
مافيه يومٍ ماسهـرت ودرستـه




أنتم تحبوني وانا أحـب ثانـي=
واللي أحبه باغيٍ ناس ثانييـن
هذا أبتلى فيني وهذا بلانـي=
واللي بلى مبلي وباليه مسكين
أنا ترجيته وغيـره رجانـي=
والمشكلة ماينقل القلب حبين




ياما على نفسي بالأحلام كذبت=
ويا ما صبرت وصبرنا مانفعنـا
وياما .. وياما من وداعه تعذبت
وياما نحاول نفترق ما استطعنا
كم مرةٍ ودّع وكم مرةٍ غبـت=
وكم مرة عقب الوداع إجتمعنا
لا قادره أنساه مهمـا تهربـت=
ولا معترف في حبنا مجتمعنا ..





ليتنـي البارحـه يانايفـه ماسريـت ..=
يـم درجٍ مقفـل مـن قديـم السنيـن
أشهد إني فتحته وأنتحبت وبكيـت ..=
شفت ماهيّض الجـرح القديـم الدفيـن
شفت وسطه رسالة وليتني ماقريـت ..=
بيت شعـرٍ وظـرف مـع صورتيـن
لا طرالي حبيبي بصوت واطي حكيت ..=
إنـا لله وإنــا للـولـي راجعـيـن




أتمنى ان ينال إعجاابكــم:smile::wink_smile:

تحياــــــــاااتي


خيـــآآلــة مطــــيـــر##
ki
kim 2011/03/18 · #2
اكيد بيعجبنا دامه منج

وابدعتي ومشكوره على المجهوود الطيب

وصح لسانج
«
« غـلــآ الـرﯛζ » 2011/03/18 · #3
خـيآإلـه ـآختــيآإر موووفق ...
ـآلله يرحمـــهآ ..
تسسلم ايدج ...
خي
خيالة مطير 2011/03/18 · #4
تسلميييين كيمووو

صح إبدنج غلاااتي.
خي
خيالة مطير 2011/03/18 · #5
ويدج غلاااتي
شرررفتيني.
wa
waha 2011/03/18 · #6
ابيك في ايدينك تشهدنـي وتسقينـي
وداعتك لايجـي جسمـي بثلاجـة
لف الكفن في ايديك وصف رجلينـي
ماغيرك احدن كشف حسناه وحراجه
ابيـك بالخيـر تذكرنـي وتطرينـي
يجيرني خالقـي مـن نـار وهاجـه
سامح على اللي جرى مابينك وبيني
ايام امشي عـدل وايـام منعاجـه
اعيالي همي وانا اللـي فـي يكفينـي
علمهم الديـن تفسيـره ومنهاجـه
الله يرحمها .. بـ تظل في قلوب محبيها
خياله مطير ..
ذائقة رائعة ..
دمتِ كما تحبين .
ال
الاميره بشاير 2011/03/18 · #7
لاهنتي يا قلبي :)
خي
خيالة مطير 2011/03/19 · #8
تسلميييييين وحو حه.
شرفني مررروورج.
خي
خيالة مطير 2011/03/19 · #9
لااا هاان مقدااارج تسلمييين.
بشوووره
وت
وتر الابداع 2011/03/26 · #10
سلمت اناملك حبي
لاخلا ولاعدم فدييييييتك
BN
BNT ZAYED 2011/03/26 · #11
عابرة سبيل من الشاعرات اللي نفتخر فيهم بالخليج
الله يرحمها..
تسلميييييييييييين على الذوووق في الإختيار..
خي
خيالة مطير 2011/04/01 · #12
وتر الابداع كتبت:سلمت اناملك حبي
لاخلا ولاعدم فدييييييتك


ويدينج غلاتي

أسعدني مروورج وتووره
خي
خيالة مطير 2011/04/01 · #13
bnt zayed كتبت:عابرة سبيل من الشاعرات اللي نفتخر فيهم بالخليج
الله يرحمها..
تسلميييييييييييين على الذوووق في الإختيار..



الله يرحمهاا

الله يسلمج حياتي ...
اسعدني مرروورج بنت زاايد...
ال
النونة المزيونة 2011/05/24 · #14
ومسكت نفسي كن ماصاير شيـن=
أخشى على خلي يشقق هدومـه
ثم قلت وش تنطر حبيبي لهالحين؟ !!=
أثر ايدينـي ماسكـات كمومـه

روعه هالبيتين ياناااس اشتقت اشتاااااق
والله يرحمها كانت محبوبه بين الناااس
ذن
ذنوب الحب44 2011/05/24 · #15
مشكووووووووووره

راقت لي ذااايقتكـ
خي
خيالة مطير 2011/07/10 · #16
النونة المزيونة كتبت:ومسكت نفسي كن ماصاير شيـن=
أخشى على خلي يشقق هدومـه
ثم قلت وش تنطر حبيبي لهالحين؟ !!=
أثر ايدينـي ماسكـات كمومـه

روعه هالبيتين ياناااس اشتقت اشتاااااق
والله يرحمها كانت محبوبه بين الناااس



اللهـ يررحمهاا,,,,....

اسعدني مروورج..النونــه
خي
خيالة مطير 2011/07/10 · #17
ذنوب الحب44 كتبت:مشكووووووووووره

راقت لي ذااايقتكـ



العفوؤؤؤ حيااتي شررفتييني..:smile:
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ

مواضيع من نفس القسم

.. تعالوا نسجل حضورنا ببيت شعر او حكمه .. 201,230 مشاهدة
@@ كلمة وصورة وحالة المزاج@@ 149,117 مشاهدة
.. مضيق لـ كلمة لا أكثر .. 93,041 مشاهدة
فكي بيتي وفكـ بيتكـ 21,114 مشاهدة
قبل لا تحطين موضوع ادخلي شوي لا هنتي... 20,342 مشاهدة
بقايا من أماني ,, والباب مفتوح ،، 17,882 مشاهدة
انضمي لسيدات للمشاركة والتعليق والحفظ والتسوّق — مجاناً
انضمي دخول