تجمع لمسافرين اوربا صيف 2011

السلام عليكم


حبيت اسوي التجمع هذا علشان نفيد بعض بالاماكن الحلوه والاسواق والمطاعم



ولاماكن السياحيه بكل دوله وعلى اي طيران وبجم التذاكر وكل التفاصيل الثانيه


اتمنى يكون في تفاااااعل بنات


انا مفكره بالمانيا والنمسا وسويسرا وكلها اول مره اروح لها ومعاي عيالي الله يخليهم


ويحفظهم وسفرتنا ان شاءالله باول شهر 7 :teeth_smile:

للحين ما حجزت انطر الاسعار تنزل شوي يقولون ارتفعت بعد المنحه

وحتى الفنادق والسياره ناطره احجز التذاكر وببتدي احجز الباجي:angel_smile:

يالله بنات عطونا افكاركم واقتراحاتكم لهالدول للي راحت لها

ويا ليت كل وحده تقول خطتها للسفر

:wink_smile:

أول رد يا حظي هههههههه

حبيبتي ثانكس عالموضوع اللي يا بوقته

انا انشالله مسافرة ألمانيا و ألنمسا من تاريخ 1 \ 6 لين تاريخ 13 \ 6

مخططتي كالتالي مع الأسعار:
حجزت تذاكر من اسبوعين تقريبا على طيران الاتحاد لشخصين انا و زوجي مع بنتنا الله يحفظها بتكون 11 شهر حزة السفر بـ 8565 درهم
الحجز كان عن طريق موقع طيران الاتحاد

بننزل بميونخ ليلة وحدة بفندق نوفوتيل عند المطار بسعر 109 يورو حق ليلة وحدة
بعدين بنروح سال**ورغ 3 أيام الفندق ساخر بسعر 690 يورو حق 3 ليالي
بعدين زيلامسي 3 أيام الفندق سي هوتيل بسعر 565 يورو حق 3 ليالي
بعدين روشت يومين الفندق آم بارك بسعر 294 يورو حق ليلتين
بعدين ميونخ 3 أيام الفندق ميركيور بسعر 342 يورو حق 3 ليالي

طبعا الحجز كان عن طريق موقع بوكينغ الغني عن التعريف.

مخطط كل يوم بعدنا ما حطيناه ههههههههه

و سلامتكم

ماشاءالله عليج ام وضوحه :teeth_smile:


خووووش برنامج والله

شكلي باخذ نفس فنادقج لان انا رايحه النمسا والمانيا بعد


عليج بالعافيه حبيبتي وتروحين وتردين بالسلامه :smile::smile:

هلا الغاليه
انا سرت سويسرا مانصحج باسواقهم بس اذا تفكرين تشترين من هناك
احلى شي عندهم شناط الماركه ما تكون نازله عندنا في الخليج الا بعد سنه
وبعد ساعات لان سويسرا معروفه بسوع والحلويات اذا بتاخذين هدايا

الملابس ما نصحج بها لانه سيزات كلها مب سيزات الخليج
يعني عندج مثلا لرج عندهم بلوربي عندنا سمول


استغرب من العرب في المطار تلقينهم شالين 12 شنطه وفي ناس اكثر
تقولين ما عندنا خير وصناعتهم وااااااااااااااااااااااااااااااااو

الواحد يسافر حق الدول الاوربيه حق رومانسيه وطبيعه

هلا والله توت صاجه والله بضاعتنا احلى منهم بس شتسوين بعقلية الحريم تحب الاوربي


انا احب اشتري من هناك شغلات مو موجوده عندنا نوع من الذكرى :smile:


واحب اخذ عطورات وكريمات احس اصلي ونوعيته احسن اما الملابس لا والله عندنا

احلى :wink_smile:

يالله بنات وينكن الموضوع صارله يومين نازل و الحين نمشي باليوم الثالث و بس 4 ردود
حرام عليكن

شايفه شلون ام وضوحه مافي تفاعل كلش

ما يشجعون نحط مواضيع بس يقرون ويطلعووووون

مبرؤك التجمع حبيباتي :)

مشكورة بشاير

حبيبا قلبي تروحون وتردون بالسلامه
انا هالسنه بسافر بالمطبخ لانه خدامتي بتسافر ههههههه

ان شاء الله السفره اليايه انضم لكم

هالسنه ان شاء الله ناوين انسافر المانيا و النمسا وسويسرا

بس للحين ماحجزنا ولا شي لان نتريا الرد من ابوي اذا بيعطونه اجازه ولا لا..
ان شاء الله يعطووووونه اجااازه قووووووووولوا آمييييييييييييين

انا حجزت عالاماراتيه كويت ميونخ كويت. والتذكرة ٣١٠

احساس امرأه كتبت:انا حجزت عالاماراتيه كويت ميونخ كويت. والتذكرة ٣١٠

ما شاء الله خوووش سعر . . .

تروحون وتردون بالسلامة . . .

انا هالصيف بصيف بالكويت لاني بره الكويت حاليا اشتقت لديرتي فديتها :)

بس اخذوا بالكم اللي بتشتري جوكليت من سويسرا خل اسال يكون خالي من الكحول

لان اغلبهم يحطون صوص الجوكليت من داخل خمرة . . .

هلا أم وضوحة حياتي تروحين وتردين بسلامه
ترا ناطرين ردتج علشان تسولفينا ع السفره
أنا أنشالله بسافر مثل المناطق اللي راح تروحيلها بس تاريخ 20/6 وبقعد أسبوعين

هلا خواتي انا اول مره اشارك هنا


بس تحاتي لكن جميعا

انا مخططة ان شاء الله بريطانيا 14 /6 اسبوعين

مادري من رايه بهذ الوقت

:teeth_smile::teeth_smile:انا ان شاء الله راح اروح لندن 2011-6-25 الى شهر 8 راح احجز في فندق Jumeirah Carlton Tower
في سوق يبعد عن لندن ساعه اسمه بستر فلج في ماركات مثل ديور و جمي جو و قوجي و ذي وايت كومباني بومه و تمبرلاند وايد بعد بس مااذكر بعد

من سافرت؟ تعطينا تقرير من هناك

كريمات لندن

السلام عليكم
لقيت لكم محل وايد حلو في لندن في شارع اجور محل روعة حق كريمات وطعم ولمعات واشياء وايد حلوه وخاصه حق الحريم
اسمه زهرة الخليج محل رقم 89 اجور رود

انا بروح باريس السنه هذي وللحين ماقررنا وين نطلع بعدها احتمال بلجيكا والمانيا واحب اروح التشيك لو يومين احد راح لها تكفون يقولي عنها انا اموت بالتسووووووووووووووووق ابغى اشيا مميزه الي عندها خبره بالتسوق او بضائع معينه تقولي عنها
رحلتنا 16-7
الي بتروح لسويسرا لاتروح لجنيف مررررررررررررررره ممله وكئيبه انترلاكن احلىىىىىىىىى
وميونخ حلوه اذا بتروحون المانيا وكمان انسي لانها قريبه لجنيف ويورررررررررررب بارك مره روعه
والنمسا بالنسبه حلوه زيلامسي وفيها فعاليات خاصه البراشوت تجربه حلوه وكمان بحيرتها اللي عند قراند روعه
وفيها منتشر الزي النمساوي الشعبي حلو مره للاطفال وكمان للكبار بس انا ماخذته كامل اخذت بس الجاليه والبلوزه البليضا مرررررررررررره روعه ويس