نبي نشن حملة لإعادة الحياااء الى النساء والرجال !!

السلام عليكن ورحمة الله وبركاته


أخواتي وحبيباتي سيدات الكويت المتزوجات . . .


لفت نظري في السنوات الأخيرة ظاهرة (بايخة جدا) و (فيها من قلة الحياء الكثير )


وهي :

دخول الزوجة وبصحبتها بعلها (زوجها ) إلى محل ملابس نسائية داخلية بحتة . . .!!


تكون عزيزتي الزوجة داخلة للمحل بتشترين ستيان - كلوت - قميص وماخذة راحتج

ع الاخر تمغطين بالمنتج وتتفحصينه وتتمقلينه وتحورفين فيه . . .

وفجأة وإلا عيون زائغة تغز وتبحلق فيج وهي عوينات رجل دخل بصحبة زوجته للمحل

المختص ببيع الملابس النسائية الداخلية!!

تبين تنادين الموظفة بتقولين لها عن مقاس معين ادوره لج وإلا تفيدج عنه

والحياااء مانعج والسبب شبه الرجل اللي واقف في المحل !!

بتقولون ريايل هالوقت متفتحين ويبون يختارون لحريمهم احسن ما يطالعون بره ويدورون

هالملابس عند غير زوجته !!!!!!!!!!!!!!!!!!!!!!

والبعض بيقول عااادي اهو يدش وياااي محلات نسااائية بره الكويت بقولج عااادي لكن مو

حلوة بعد ،طيب خل يدش بره الكويت خصوصا ان كان المحل في دولة اجنبية لان

المسألة هناك خاربة خاربة وعادي عندهم حريم العنقليز (الإنجليز:shades_smile:)

ولو إني اشوف إنها مو حلوة بحقه كمسلم إنه يعطي صورة سيئة عن دينه بهالطريقة

------------------
للأسف الظاهرة اصبحت شبه متفشية في مجتمعنا المسلم العربي الخليجي

والابيخ لما تحصلين موظف اهو اللي يبيع هالملابس !!
-----------
دخول الزوج ويا زوجته بصراحة اشوف إن هالحركة بايخة جدا من الزوجة ومنتهى قلة الحياء بالنسبة حق الزوج اللي مدلدل راااسه وداااش مكان خااااص جدا وللنساااء فقط !!


والمااايك لكن خواتي ابي اقرأ رااايكم بالموضوع

صح لسانك ام عبد الله وازود الموضوع تعليقي المتواضع :

مثلا انا غير متزوجة وادخل ما معي احد الاقي زوج وحدة يبحلق كنة ماقد شاف كلوت على وجة الارض
الا الي بيد غير زوجتة !!!/ سلامات ياالاخووو لحظتها ودي اجيب فليت وابخ في خشمة

وسبحان الله ماتفرق معاهم المحل زحمة ولا مو زحمة ّّّ جاي معاها يعني محرم على الكلوتات مثلا

مرة راعي المحل قال زحمة خليك برا لين تخف الزحمة ورفض الزوج قال حلال عليك زوجتي وحرام علي ّ!! صح كلامة بس مو في محلة ابدا عاد فهموة ماني رايقة له

المهم الحياء والله شعبة من شعب الايمان ارحمونا من ازواجكم الكرام في المحلات الداخلية

لحظة :

عاد الاحراج لما تجين تحاسبين وهو وراك بيحاسب ويشوف قطعة قطعة شريتيها / والله لحظتها اتمنى افصل لي ملابس داخلية ولا انحط بهيك موقف !!

حلوه افصل صح ههههههههه

اترك المايك لكم

هلا حبيبتي يلوووو . . .


إي والله ارحمونا من ازواجكم الكرااام . . .

أنا ما ادري وش يحس فيه واهو ماسك ايد زوجته وداخل وياها عباله سندريلا والامير تبعها؟!!

والله لو بيدي كان لافتة كبيرة مكتوب عليها :

لطفا المحل فقط لدخول النسااااء فقط النساااء فهمت والا اعيد !!

تدرين بشغلة زوجي يرفض يدخل وياااي محل عااادي يقول ما ابي اضااايق الحريم

وفعلا احترم وجهة نظره وتصرفه السليم والرجولي . . .

في محلات اذا ما فيها زحمة وماتكون نسائية طبعا عادي يدخل وياااي لكن من تدخل وحدة يتكهرب

ويطلع ويستحي >>فديته حياااوي مو طالع على :)


اسعدتني مشاركتج وتواجدج العطر والمفيد في هالموضوع ما ننحرم يااارب . . .


:) توني انتبهت ع لحظااات الكاااشير فعلا احرااااج وعيونه تقولين ليزر يحسب حتى الكود نمبر اللي ع القطعة !


واترك لكم المااايك :)

والله صدقتي

انا كنت بالعمرة بعطلة الربيع ورحت لمحل نعومي دخلت كنت ناوية اشتري لاني احب بجايمهم وعطورهم فلما شفت الوضع اخذت العطور وطلعت بصراحه قلت ادب خصوصا اللي يبيع مع الحريم يقولهم لأ اخذو هذا احلى ((((( قصده قميص نوم ))) انا هنيه صابني عقر بقر احنا فلبينيات ونستحي منهم

ايوهاااا اختي تولي اهنيه مربط الفرس والاسطبل بأكمله

البااائع رجل !!

بصراحة انا ذهلت لما شفت الوضع جذي وطلعت من المحل ماقدرت اشتري شي!!

ياريت اصحاااب المحلات يستغنون عن الرجال البااائعين بالنساااء

يعني احنا نبي حملة اعادة الحياااء والمصيبة ان هالبااائعين رجال !!

ومشكورة ع المشاااركة التي اثرت الموضوع لاهنتي حبيبتي . . .

القط منكم المايك صح لسانك تولي وتعيش حملة إعادة الحياااء الى النساء والرجال !!

وافيدكم انه لامانع دخول الزوج ببعض الحلول:
مثلا فترة الصباح ومايكون فيه زحمة
او عند الحساب خذي المبلغ بيدك .
او قولي له ابي افاجاك بلبسي لاتجي معي المحل !!

واسلم المايك لام عبدالله :)

اي والله صاجه ام عبدالله تحسين الحيا ضاع منهم .. والله كأنج شايفتني امس دخلت محل سوالف والعاب زوجية بروحي والمحل فاضي بس الفلبينية اللي تبيع.. وقاعدة استفسر منها شوي والا دخلت وحدة ومعاها زوجها ولزقوا فيني والمحل ان حيل صغير والله انحرجت وطلعت وماشريت ولاشئ .. على ان محل العاب وحركات زوجية موقمصان بسسس والله عيب شلون يتجرأ ويدخل والمحل فيه حريم .
والقهر من زوجته اشلون تسمح لزوجها يدخل بين الحريم .. بس عسى الله يهديهم ..
جزاج الله خير ام عبدالله على هالموضوع ..

هههههههههه يا حلوج يا رافيلو ......


وبزيد شغلة فيه فئة ضالة من الحريم يعني كلش الحب مقطع بعضه بينها وبين زوجها اهي اللي تجبره انه يدخل معاها المحل وتقول له اختار لي قميص على ذوقك ...........

اهني منو تلومين بالله ّّّّّّّ!!!!!!!!!!!!!!!!!

اميرة في كل ديرة الطامة الكبرى العاب زوجية !! ما الومة اخاف ماتعجبة اللعبة خليه يختارها رحمناه هالمرة بس والله مافي احلى من الاونو والضومنة على مسئوليتي !!

المايك طاير من يلقطة

امبية يولي اقصد تولي فئة ضاله مرة وحدة لايبا البنات الحين دلوعات بس يبي لهم شوية وعي وصدقيني يسمعون الكلام ويتاثرون من بعض الحملات البناءة والهادفة

لازل المايك طاير

مداخلة بسيطة :

احيان اذا دخلت محل العاب اكتشف انه محل حلويات ثم فجاة يصير محل ملابس داخلية هنا عاد
لاتلوموني اذا طلعت وماشريت شي !!!

كملووو المايك لكم

والضومنة على مسئوليتي !!

ههههههههههههههههههه العن يوم البدلية ,,,,, الدومنة ههههههههههههههههه

يلوووو استري وانا اختس س س ع بدليتي :) >>عدلتها

أختي أميرة :


والله لا اهي تستحي ولازوجها وتلاقينهم خذوووا راحتهم حدهم لما طلعتي لاحيا

ولامستحى

تدرون المصيبة من سندريلا الزوجة اللي ساحبته وياااها والطامة من الزوج اللي دخل وياااها

والله عيب عيب بحق الزوجة والرجل ترى الحياااء شعبة من الايماااان يعني شي

اساسي في عقيدتنا الاسلامية . . .

لا نعمل على تمييع هالشي ونقول عااادي يختااار لي لانه يحب شغلات معينة !!


اوكي يا ام العااادي عندج النت اشبكي وخليه يشووووف اللانجري دام السالفة خاربة خاربة

ويختار لج اللي يبيه او الموديل اللي يبيه . . .

مع اني اشوف ان هالملابس متشااابهة وما فيها شي جديد وإلا شرااايكم ؟!!


بالنسبة للبدلية وقعت بيد من لايرحم >>يلووو استري وانا اختس س س س س

ههههههههههههه متشابهه حيييل امي تقول راحت فلوسكم على هالخيوط اللي تشترونها ههههههههههههههه

تقول حتى ماتجي ربع متر

تايم اوت :


Time Out

معلش اللي بتكتب بدلية مسموح لها تبدل هنا يعني احنا بنغض الطرف عن البدلية فهالموضوع :)

هلا حبيبتي تولي >>ركزي يلوووو ع تولي =مو بدلية :)

هالخويطااات مأساااة والله :)

يعني شنو يشكي منه ابو دينار ونص !!

اخذولكم فره فيه بتحصلون شغلات حلوة

لكن اللي تبي الحرير والنواعم ماتحصلهم فيه

هههههههههههههههههههههههههههههههههههه ام عبدالله ذكرتيني السنه اللي طافت رحت الخبر والدمام كل ما دخلت محل ابشتري استحي واطلع المشكله اللي يبيعون سعوديين مو اجانب بعد حده احراج وهناك بالسعوديه الوحده ماسكه ايد زوجها كأن احد بيخطفه منها


هههههههههههههههه انا وزوجي نمشي بينا امتار


وبالكويت مالاحظت احد يدخل مع زوجته الحمدلله كل مره بس حريم

مرحبا بنات
بصراحه انا معاكم بكل الي تقولونه بس انا ريلي ذابحني اهو الي يبي يدخل معاي واكثر من مره زعلت وتهاوشت معاه على هالسالفه وهم ماكو فايده وانا اذا شفت حريم اطلع على طول لاني احس باحراجاتهم ياليت تساعدوني القى حل لاني صج صج تعبت

ام خالدوعبود كتبت:هههههههههههههههههههههههههههههههههههه ام عبدالله ذكرتيني السنه اللي طافت رحت الخبر والدمام كل ما دخلت محل ابشتري استحي واطلع المشكله اللي يبيعون سعوديين مو اجانب بعد حده احراج وهناك بالسعوديه الوحده ماسكه ايد زوجها كأن احد بيخطفه منها


هههههههههههههههه انا وزوجي نمشي بينا امتار


وبالكويت مالاحظت احد يدخل مع زوجته الحمدلله كل مره بس حريم

هلا حبيبتي ام خالد وعبود . . .

الله يسلمج هذيلا من الجنسية اليمنية

المصيبة دخلت وياااي وحدة تقرب لزوجي >>مرشدة سياحية رايحة وياااي

مدري شقالت له جااان يقول اي لحظة ويفتح الصندوق السحري اقصد الدرج يعني

فيه شي خاااشه انا ما تشجعت وقلت لها لا هونت بطلع !!

ومدري ليش سالفة مسكت اليد يمكن معاااريس :wink_smile:

انا امشي وبيني وبينه عيااالي الكل يعرف اننا كويتين لنا شنة ورنة في كل الميادين معروفين الكوااايته :teeth_smile: حتى بالمطااار

اسعدتني مشاركتج حبيبتي واصلي ويااانا . . .

منو يلقط المااايك :)