كو
كويتيه مخضرمه
2011/02/11 · #1
هلأيام الشباب و لصغار و لكبار هابين بالشات
و برامج الدردشه لا و الحين مع التلفونات اليديده
لمسه وحده و تلاقين نفسج بين مئات من الأشخاص اللي يبون يسولفون و يتعرفون.
في متزوجين يدشون الشات و بعضهم ما يبون علاقه أكثر من الشات
يعني يدخلون كل يوم يدردشون و بعدين مع السلامه
ماني قادره القى سبب لدردشه المتزوجين
عندك سوالف عندج سوالف روحوا لأزواجكم و زوجاتكم
سولفوا مع أصدقاؤكم اللي تعرفونهم و يعرفونكم
و بعدين علاقه الدردشه حتى لو النيه الدردشه فقط
بعد فتره هذي العلاقه تتحول إلى علاقه إستلطاف و شوي شوي تصير مواعيد
و النهايه إما طلااق و محاكم أو مصيبه و فضيحه
أما غير المتزوجين بعضهم يدردشون علشان يضيعون وقت و سوالف مراهقه و عفرته يعني و تجربه يمر فيها بعض الشباب و تنتهي بعد فتره أو لا تنتهي لأن الشخص أدمن على الدردشه و تستمر لبعد الزواج .
أنا اللي مو مصدقته هو البنت اللي تدش الشات علشان تدور زوج
و الرجل اللي يتعرف و يحب و يتزوج عن طريق برنامج محادثه!!!!
إشلون وين عقولكم ؟!
برامح المحادثه مكان خيالي فيه أشخاص غير حقيقين
الكل فيه يدعي إنه ملك الغرام و الحنيه و الإحساس و تلقين أكثرهم أشخاص فاشلين
يتصيدون البنات بالكلام المعسول و البنات حدث ولا حرج كلمه تييبهم و كلمه توديهم
و العقل غايب مغيب و بالنهايه نفس كل مره "قص علي و مادريت و غشني و قال إنه بيتزوجني" ليش يابنتي ليش تسويين جذي بعمرج ليش ما نتعض من القصص اللي تتكرر و نسولف فيها كل يوم ليش إنقول إحنا غير إحنا ما ينقص علينا
لا يا حلوه ترى غيرج كان أشطر لكن الفاس و قع بالراس.
عندي قصتين عن تعارف بالشات تحول إلى زواج و إنتهى بالطلاق أنا ما أعرف الأشخاص لكن أعرف ناس قراب عليهم:
القصه الأولى سميتها المدمن و المجني عليها
المدمن هذا حريف محادثه يعرف إشلون يدخل على البنات كلامه معسول موطبيعي يعرف البنت شنو ودها تسمع من سوالف و كلام يذوب الصخر
المهم تعرف على بنت كان غرضها الدردشه فقط و تضييع وقت لكن مثل ما ذكرت سابقا المحادثه كل يوم تولد الإستلطاف
فالبنت حبت الولد و تطورت العلاقه و إنتهت بالزواج
لكن الولد مدمن مو قادر يترك المحادثه
متعود يكلم عشر بنات باليوم
فبعد أيام من الزواج رجع المدمن يدردش لا و أشكره جدام مرته
كان يقولها ترى إنتي زوجتي حبيبتي و الدردشه تضييع وقت بس
البنت إصبرت عليه لكن مصخها
و إتضح إنه كان يتعرف على بنات بالمحادثه و يقابلهم من وراها
في يوم من الأيام عرفت أنه راح يقابل وحده في مكان معين راحت وراه
و واجهته فاعترف على طول و إنتهت العلاقه بالطلااق
اللي يعور القلب إن البنت عمرها أقل من أربعه و عشرين سنه
و تطلقت بعد زواج دام لمده سبعه شهور
القصه الثانيه سميتها " ثامر و بنت شاه بندر التجار"
ثامر و هذا شخص تافه ما عنده شخصيه و إنتهازي فاسد يدخل الشات كل يوم و يسوي نفسه مللك الغرام و الفارس على الحصان الأبيض يكذب على البنات و يستغلهم
في يوم من الأيام تعرف على بنت في الشات و عرف من كلاامها أن والدها من كبار رجال الأعمال
ثامر ما صدق خبر و قال خل أضمن مستقبلي و لف و دار و سوه نفسه قيس و هي صارت ليلى و شوي شوي دزيلي صورتج و أدزلح صورتي
و تبادلوا أرقام التلفونات
و راح خطبها
بعد سنتين البنت ما تحملت تصرفات الحقير اللي ظهر على حقيقته و عرفت إنه كان يخطط على شي ثاني تطلقت و لها منه طفله
هذي الطفله راح تكبر و تصير شابه و في يوم من الأيام و راح تسأل أمها
" يمه إشلون تعرفتي على أبوي"
راح ترد عليها و هي خانقتها العبره
"برنامج محادثه يمه برنامج محادثه يمه "
نصيحيتي لكم ديروا بالكم على عيالكم أولاد و بنات
برامج الدردشه خطر كبير يدش بيوتنا و إحنا ما ندري
يدمن عليه عيالنا و يخرب حياتهم قبل الزواج و بعد الزواج
برامج المحادثه إدمان في إدمان حذروا عيالكم منه
و برامج الدردشه لا و الحين مع التلفونات اليديده
لمسه وحده و تلاقين نفسج بين مئات من الأشخاص اللي يبون يسولفون و يتعرفون.
في متزوجين يدشون الشات و بعضهم ما يبون علاقه أكثر من الشات
يعني يدخلون كل يوم يدردشون و بعدين مع السلامه
ماني قادره القى سبب لدردشه المتزوجين
عندك سوالف عندج سوالف روحوا لأزواجكم و زوجاتكم
سولفوا مع أصدقاؤكم اللي تعرفونهم و يعرفونكم
و بعدين علاقه الدردشه حتى لو النيه الدردشه فقط
بعد فتره هذي العلاقه تتحول إلى علاقه إستلطاف و شوي شوي تصير مواعيد
و النهايه إما طلااق و محاكم أو مصيبه و فضيحه
أما غير المتزوجين بعضهم يدردشون علشان يضيعون وقت و سوالف مراهقه و عفرته يعني و تجربه يمر فيها بعض الشباب و تنتهي بعد فتره أو لا تنتهي لأن الشخص أدمن على الدردشه و تستمر لبعد الزواج .
أنا اللي مو مصدقته هو البنت اللي تدش الشات علشان تدور زوج
و الرجل اللي يتعرف و يحب و يتزوج عن طريق برنامج محادثه!!!!
إشلون وين عقولكم ؟!
برامح المحادثه مكان خيالي فيه أشخاص غير حقيقين
الكل فيه يدعي إنه ملك الغرام و الحنيه و الإحساس و تلقين أكثرهم أشخاص فاشلين
يتصيدون البنات بالكلام المعسول و البنات حدث ولا حرج كلمه تييبهم و كلمه توديهم
و العقل غايب مغيب و بالنهايه نفس كل مره "قص علي و مادريت و غشني و قال إنه بيتزوجني" ليش يابنتي ليش تسويين جذي بعمرج ليش ما نتعض من القصص اللي تتكرر و نسولف فيها كل يوم ليش إنقول إحنا غير إحنا ما ينقص علينا
لا يا حلوه ترى غيرج كان أشطر لكن الفاس و قع بالراس.
عندي قصتين عن تعارف بالشات تحول إلى زواج و إنتهى بالطلاق أنا ما أعرف الأشخاص لكن أعرف ناس قراب عليهم:
القصه الأولى سميتها المدمن و المجني عليها
المدمن هذا حريف محادثه يعرف إشلون يدخل على البنات كلامه معسول موطبيعي يعرف البنت شنو ودها تسمع من سوالف و كلام يذوب الصخر
المهم تعرف على بنت كان غرضها الدردشه فقط و تضييع وقت لكن مثل ما ذكرت سابقا المحادثه كل يوم تولد الإستلطاف
فالبنت حبت الولد و تطورت العلاقه و إنتهت بالزواج
لكن الولد مدمن مو قادر يترك المحادثه
متعود يكلم عشر بنات باليوم
فبعد أيام من الزواج رجع المدمن يدردش لا و أشكره جدام مرته
كان يقولها ترى إنتي زوجتي حبيبتي و الدردشه تضييع وقت بس
البنت إصبرت عليه لكن مصخها
و إتضح إنه كان يتعرف على بنات بالمحادثه و يقابلهم من وراها
في يوم من الأيام عرفت أنه راح يقابل وحده في مكان معين راحت وراه
و واجهته فاعترف على طول و إنتهت العلاقه بالطلااق
اللي يعور القلب إن البنت عمرها أقل من أربعه و عشرين سنه
و تطلقت بعد زواج دام لمده سبعه شهور
القصه الثانيه سميتها " ثامر و بنت شاه بندر التجار"
ثامر و هذا شخص تافه ما عنده شخصيه و إنتهازي فاسد يدخل الشات كل يوم و يسوي نفسه مللك الغرام و الفارس على الحصان الأبيض يكذب على البنات و يستغلهم
في يوم من الأيام تعرف على بنت في الشات و عرف من كلاامها أن والدها من كبار رجال الأعمال
ثامر ما صدق خبر و قال خل أضمن مستقبلي و لف و دار و سوه نفسه قيس و هي صارت ليلى و شوي شوي دزيلي صورتج و أدزلح صورتي
و تبادلوا أرقام التلفونات
و راح خطبها
بعد سنتين البنت ما تحملت تصرفات الحقير اللي ظهر على حقيقته و عرفت إنه كان يخطط على شي ثاني تطلقت و لها منه طفله
هذي الطفله راح تكبر و تصير شابه و في يوم من الأيام و راح تسأل أمها
" يمه إشلون تعرفتي على أبوي"
راح ترد عليها و هي خانقتها العبره
"برنامج محادثه يمه برنامج محادثه يمه "
نصيحيتي لكم ديروا بالكم على عيالكم أولاد و بنات
برامج الدردشه خطر كبير يدش بيوتنا و إحنا ما ندري
يدمن عليه عيالنا و يخرب حياتهم قبل الزواج و بعد الزواج
برامج المحادثه إدمان في إدمان حذروا عيالكم منه