منو جرب هالصابونة؟

سلام عليكم..
شلونكم يا حلوااات..
حبيت اسألكم منو جربت صابونة (مرة + كركم) تنباع عند الحواج.. انا ابي اللي جربت تقولي خبرتها وياها واذا زينة وفادتها.. اهيا الصابونة قالولي لحب الشباب والاثار.. لان هذي مشكلتي اللي تعبت منها :sad_smile:


يعطيكم العافية.. وانشالله محد يكشت ادري فيكم الخير :wink_smile:

حلوة يا قلبي بس استمري عليها مو تقطعينها ..

يقولون حلوه
......

والله انا جربتها حلوة ... بس انا ماكان فيني حب شباب .. واتوقع تنفع حيل حق حب الشباب
وتبين نصيحتي اذا فيج حب شباب اخذي من خبيرة الاعشاب وفاء الكاظمي خلطة طبيعية حق حب الشباب مدتها اسبوع وتنتهي وتنحط بالثلاجة وسعرها اعتقد ب3 ... والله عن تجربة الكريم سحر لحب الشباب تبارك الرحمن اختي كان فيها حب شباب والحين بشرتها ماشاءالله بيبي فيس .

تهبل هالصابونه أنا أستخدمها على طوووووووووول ما أقطعها كلش كل يوم الصبح و قبل النوم أغسل فيها

بس أنا آخذها من وحده مو من الحواج

شكرااا يا حلوااات اللي رديتوا علي.. واختي (سراجي بينهم) منو هذي خبيرة الاعشاب مااعرفها؟ :( وشلون اذا ابي خلطتها.؟

يعطيكم العافية..

حلوووه الصابونه مع الاستخدام المستمر وتبين النتيجه مابين شهر وفوق

ومثل ماقالت دلالي من عند الحريم بعد حلوه

وترا هم الحواج حلوه الصابونه بس تأكدي انها اصليه

بنات اللي اعرفه ان المرة تسوي حفر بالوجه ؟؟؟؟؟

بناااات والله جنه الصابونة صج مفعولها اوكي!.. بصيرلي اسبوع تقريبا استخدمها.. ذاك اليوم اسأل الأهل بيمعتنا اقولهم ما تلاحظون شي بويهي.؟ انصدمت لمن قالولي "بلى".!! "خفت الاثار".!!! ما اختفت بس ان خفت كان لونها غامج وقعد يفتح والحفر قعد تقل (صار فيها ترميم لوول).. بعد الله اعلم.. اوافيكم باخر المستجدات انشالله :))
شكرا حبيباتي ويعطيكم العافية..

من عند الحواج اخذته حق بنتي بدينار ونص حلوة وتنشف البشره بس ريحتها لج عليها شوي بس عقب اخذت موعد ورحت عيادت الجلديه في الفروانيه والحمد لله والله ما تخيلين اشلون اختفت الحبوب من وجه بنتي مع اني ما خليت طبيب خاص مارحتله وبدون فايده

بجربهااا وبشووووف

السلام عليكم حبايبي الصراحه انا جربت الصابونه هذه وجد رووعه نتيجتها

المرة معروفة انها مضاد قوي لحبوب الوجه و مناسبة للبشرة الدهنية

اولا شكرا لكل وحدة ردت على الموضوع وشاركت فيه..
ثانيا والله انا وايد عجبتني الصابونة وراح استمر عليها انشالله.. لان ماشاء الله صج في فرق الاثار و غيرها اللي في ويهي قبل لا استخدمها والحين..

حبيبتي أنا جربت هالصابونه.وفيني حب شباب..حلوه بس ماشفتهااا فادتني حيل.

>>عليج بالمره حييييييييييل حلوه...إخذيلج مره بقطنه وحطيها على مكان الحبه مرتين في اليوم..
وراح تتقشر الحبه صدقيني حيل حلوه..

أو حطي خوا جوا هم هذي حلوووووووه..

وإدعيلي ياقلبي..

حلوة الصابونة انا استخدمها


بالتوووووفيق يالغلا

عن نفسي ماعندي أي فكره عنها!!
بس البنات فيهم البركه ماقصروا..

روعه روووووووعه
بالعكس المره ماتسوي حفر بالوجه المره لا حطيتيها على جرح تسكره .. واسالوا اللي والدات طبيعي مانستخدم غسول الا المره تشد الجرح بسرعه ..
وانا جربت هالصابونه لوجه روووعه روووعه تبين معاج من ثاني يوم تقريبا اذا فيج حب بتقشره لج