📦 أرشيف
هذا الموضوع محفوظ من المنتدى القديم (2010/12/22) — للقراءة فقط.
المعلومات قد تكون قديمة.
نــــــــــــــداء عاجل؟؟؟؟؟؟
بقلم ام سنودي · 2010/12/22 ·
11 رد
ام
ام سنودي
2010/12/22 · #1
شلونكم حبايب قلبي انا حامل وموعد ولادتي انشاءالله على شهر فبرايروبصراحه انا متضايقه حيل كل مااتذكر النفاس لاني متوهقه ماعندي احد يتفسني وانا سمعت من بعض البنات انه في حريم يجون للبيت وينفسون ويطبخون اكل النفاس وبعد ينامون عند الوالده يعني يقومون برعايه كامله للوالده والبيبي بس للاسف تعبت وانا ادور ارقام هالحريم تكفون اللي تعرف حريم ثقه وشاطرين بهالسوالف لاتبخلون علي والله تعبت من التفكير بهالموضوع..ادري انكم ماراح تبخلون علي ولاتنسوني بدعواتكم الصادقه..
وهذا رقمي لاني مو على طول اشبك تكفون لاتنسوني65640381
رم
رمـــاديـــه
2010/12/22 · #2
اول شي الله يسهل عليج يااارب وماتحسين بالولاده
والله يقومج بالسلامه ويرزقج بالمولود الصالح السليم ياقلبي
حبيبتي انا سعت عن قلبينيه تجي بنفااسج بس ماتنااام وسمعت انها تاخذ 500 ديناار بس والله ماعرف اذا تبين يمكن البنات يفيدووونج
بس اذا تبين نصيحتي اكيد انتي عندج خدامه
ترا ادويت النفاااس مو عذاااب
انا اعرف وحده عنده ادويت النفااس والدووره رووووووووعه واسعاارها صرااحه تناسبني انا شخصين وتوصل للبيت
واكلها جدن بصير مجرد انج تلهمين قفشه الصبح وقفشه بليل
وغسول ونتي بكراامه وبخووور
واعشاااب اذا تبين حق الكرش وهاذي روووووووووووووووووعه
وصي خدامتج تسويلج اكل وحطي دوا النفااس منه قفشه او قفشتين بالاكل
وسوي تمره اخلطيها مع دوا النفاااس وكليها مع القهوه وبس
ترى المووضوع جدن بسيط وسهل
اذا تبين رقم المره من عيوني ياقلبي اطرشه لج رساله خاااصه
والله يقومج بالسلامه ياقلبي
لص
لصمت اسلوب
2010/12/22 · #3
والله انا ماعندي خبره بس ابي اسألج وان شالله اذا عرفت شي ماراح ابخل عليج والله يسهل عليج ويقومج بالسلامه ياااااارب
اق
اقوي الصبر
2010/12/22 · #4
الله يقومج بسلامه فيه مكتب اتعامل معاه يجيب مواقتات طباخات وشاطرات وياخذ بشهر 90 دينار وتقعد عندج ما تروح اي مكان اذا تبينه حاضره وفيه مطبخ عواشه تمدحه اهاااااااااااات الليل تقول الاشتراك عندها 65 دينار اذا مو غلاطانه هم رقمها عندي
ام
ام سنودي
2010/12/23 · #5
مشكوووووووووووووووين على الردود والله يجزيكم كل خير بس انا مو قصدي على الاكل بس انا ابي وحده تكون معاي تخدمني برعايتها
كن
كنافه كويتيه
2010/12/23 · #6
عزيزتي انا ولدت طبيعي والحمدلله نفست نفسي بنفسي
بلا وحده تنفس ودلع حريم زايد
ترا كلهم بس ديكوور
توكلي على الله واهم شي العصيده والمرقوق والحسو
علمي خدامتج تسويهم وخلاص
والبسي شي دافي وسوائل دافيه
عسى الله يسهل عليج ويزرقج الذريه الصالحه
ويسهل ولادة كل من يشوف ويقرا المسج ويامن او مايامن
ادعولي من الله يوفق عيالي ويهدي زوجي ويصخره لي اكثر واكثر
ودعواتكم حبيباتي
أم
أم نوافي
2010/12/23 · #7
ان شاء الله اللي تعرف ماتبخل عليج000
الله يسهل عليج000
در
دراريع عليا
2011/01/05 · #8
الله يقومج بالسلامة النفاس دويات من حريم لهوم ومردود وشاي اعشاب اهممممممممممم شي وتغطي ولبسي دلاغات ولاتعرضين للهوا وبس اكل النفاس مرقوق عندي مطعم تحلفين بيت مرقوق قبوط وشوربة بالدويات اللي حلبة وحبة سودا وعلى طول حطي فلفل اسود مع الاكل يسكر المرا وعجيب اذا استمريتي 20 يوم جذي راح تصيرين بنت اذا مااستمريتي بيقطج رجلج لان لو تموتين لو تمرتين ماراح ترديت نفس قبل وتخربين بتلوع جبد رجلج حافضي على عمرج واكل عدل لاتقولين رجيم خلي رحمج يتقوى ادور اسم المطعم واقولج عنا حرام 500 دينار كل هذا مايكلفج 200 اذا ماعدج احد طلبي من حريم 24892223 ام مشعل اكلها دما عصيدة شوربة قبوط مرقوق عيوش طباخ نضيف ومرا احسن من المطاعم اتمنى افدتج
فو
فوشيه كويتيه
2011/01/05 · #9
الله يقومج بالسلامه انشالله,,
وانشالله البنات يفيدونج,,
واعتقد كلام اختي كنافه كويتيه عدل كلهم ديكور وتوكلي على الله والتساهيل من الله انشالله,,
ام
ام سنودي
2011/01/23 · #10
تسلمون جبايبي على الردود وماقصرتوا
((
((( حسناء )))
2011/01/23 · #11
ماشاءالله البنات ماقصرو ...الله لا يخلينا منكم يابنات منتدانا ااااااااوالله يجمعنا على خييييير ...
ال
المزاين
2011/01/25 · #12
والله عيني عليكم بارده يابنات
تبارك الرحمن اكثر من خوات والكل ينصح
ربي يحفظكم ويبارك لكم بحياتكم ويسخر لكم ازواجكم على كثر ماتنصحون البنات اللي هني
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم