الدورة لم تأتيها !!ما السببـــــــــــــــــ!!فاجعة كبيرة..

السلام عليكم ورحمة الله وبركــاته

كيفكم أن شاء الله بخير هذا مووضوع حقيقي وقد حصل ..في واقعنا المر..

وهي من المشاكل التي يصعب حلها لخطورتها وتتم معالجتها بسريه بقسم متخصص لها .

السواق وماادراك مالسـوواق بنسبة 41 % وأكثر من عـوايل الخليـج

يوجد لديهم ســواق خاص للمنزل من جنسيات أجنبيه .

القصـه :

الدوره لها شهرين ماجتني ( من هنا بدت الكارثه )

عنــوان الموضوع مستنبط من القصه أدري حساس شووي بس ودي أوصل هالموضوع

للجميع عشان نلقى حل للأفه هذه وأن مالقينا نزيد حذرنا منهم حذر .

بنت تبلغ من العمر 16 سنه ذهبت لقضاء بعض الوقت عند جدتهـا ولدى جدتها سواق

منذ اشهر وهو يراقبها من وقت لوقت .

أخذ يعطي ويأخذ معها لدرجة أنه اصبح يأتي بها من منزل أهلها ويلبي طلباتها بالذهاب

بها الى صديقاتها او الى السووق .

المهم بعد مانوا المسكينه جاب لها بيوم من الايام عصيـر شربته ونامت بس نومه شبه

تخدير عمليه جراحيه يعني لو يفتح بطنها ماراح تصحى فيه .

أغتصبـــها وهي ماتدري ومر الوقت وآستغربت

أن دورتها تأخرت شهرين ..؟؟

وسألت عن السبب قالوا لها حــامل .

عاد دارت الأحــــداث درت الأم والكل منا يتخيل هالمووقف هذه السالفه بأختصار .

شوفوا وين وصلت فيه الحقـــاره طبعا سواقهم ثقه وكلن يقولون سواقنا ثقه طيب

هذه نجت من سواقهم وطاحت بسوواق جدتها .

وفيه قصه اخرى ان فتاة تقول: أن سواقهم حاول يتغزل بها

ويتصل بها أخر الليل وووووو الخ المهم ماردت عليه

ولارضخت له بالاخير راح لأبوها قال بنتك تعاكس شباب وتواعد حقاره أخرى وهناك الكثير الكثير من القصص التي لانعلمها عن مايسموون بالـسواق الخاص .


ودي نتناقش بهالمــووضوع ؟

س / نعلم أنه لانستطيع أن نستغني عنهم لكن كيف نردعهم عند الخطر ؟

س / لماذا لانضع حلول حتى لو كلفت الكثير لكي نقضي على هذه الظاهره ؟

والغريب :

أن كل بيت يوجد به ســوواق لديهم أخوه قادرين على تلبية متطلبات أهلهم ومع هذا لديهم أكثر من سـواق



والسؤال اللي مافيه لف ولادوران لو صارت هالمشكله لحد منــا ؟ ماهي ردة الفعل ؟(الله لايقولها لاحد يارب)

مع العلم أن حكم الشرع بهالقضيه يحاسب الجاني بالسجن لأشهر ويقوم بالزواج بالمجني عليها
الى أن تضع مولودها لكي ينسب لأبيه .


بالنهــايه :

الله يكون بعون أهلهـا ويكفينا من شر هالسواقين .

أترك لكم بقية الحــوار ...

حسبي الله عليه

توها بعمر الزهور دمرها

مشكوره

و أتمنى نتناقش بهالموضوع و نعرف آراء بعض

يارب لك الحمد والشكر

اولا ماعندى بنات
ثانيا سائق ماعندى
سيارتى عندى
(عسى لا يطيحنى من حيلى ولا اعتاز لحد)

بس المراقبه الاسريه ضرورى
اشلون يخلون بنت بروحها مع السائق
الوقت اللحين يخرع الله يستر على بناتنا وبنات المسلمين
مشكوره حبيبتى موضوع هادف

اي و الله المراقبه الاسريه مهمه و المفروض البنت ما تروح مع السايق بروحها

مشكوره حبيبتي

حسبي الله عليه . . .

الموضوع حله إن كل رجل مسؤول عن أهله وبيته لما يصبح هالرجل رجل تنتفي الحاجة للسواق . . .

يعني هالزوج - الاب- الاخ شنو احداث يومه ؟!

دوام - غدا نوم - ديوانية وإلا فرارة بالسوقة . . .

لو يجابل أهله ويشوف مصالحهم مو أبرك له . . .

ولما تخف هياتت الحريم وقز البنات بالسوقة على الفاضي والمليان هم بعد ما راح يكون لهم حاجة بالسواق . . .

والسواق اللي تبي تآمن من غدره وخطره - ورب العالمين هو الحافظ - تكون مرت هالسواق وياااه . . .

ومشكورة ع طرح مثل هالموضوع الحساااس

شوفي حبيبتي انا ضد السواق أساسا بس في ناس ظروفهم تجبرهم ييبونه
بس بحدود ما يخلون البنت تطلع معاه بروحها حتى لو كان كبر جدها ومن مليون سنه عندهم
والرسول صلى الله عليه وسلم أمر بالتفريق(النوم بغرفة وحده)بين البنت وأخوها عند سن معين يعني الشيطان حي حتى مع الأخو فما بالج الريال الغريب يعني ما يهمه عرضها وهو أصلا محروم من هالشي ولقى البنت جاهزه جدامه ومو بس البنت المفروض تخاف حتى الحريم الكبار
والله أنا مره ومتزوجه أخاف أركب السياره معاه بروحي وهالزمن ماله امان حتى من الاهل ينخاف
سوووري طولت عليج....بس موضوعج عجييب ويستحق النقاش

لا حول ولا قوة الا بالله....... وحسبي الله ونعم الوكيييييييييل فيييييييه .. الله يفرج همها وكربتها
ما ادري شقول بصراحه عن هالمشكله بس مو ضروري انها تتزوجه لاااااااا لأن هالحمل صار رغما عنها مو برغبتها ) :

آآآآآآآآآآآخ بس يااااا دلوووووووووووول شقووووووول....؟ هذا شر لابد منه شنسوي ؟؟

لو عيالنا فيهم خير وغاريه كان ما خلو هالسواويق اللي ما ندري عن ماضيهم يودونا ويجيبونا ويلبون طلباتنا و نعتمد عليهم اعتماد كلي ..

ما ندري اهم مجرمين ولا خريجين سجون ولا مرضى نفسيين ولا شنوووووووو ؟؟؟؟؟؟ ) :

بصراحه بما ان رجال البيت شايل مسؤوليته عن البيت واللي فيه احنا نحتاااااااجهم حييييييييييييل الله المستعان بس اللي بقووووووووله :
اذا انت يا رجال البيت يالحبيب ياللي شايل ايدك ومريح عمرك من المسؤوليه على الاقل راقب السايق خوفه منك تابعه وين يروح شنو يسوي ..

والله يا بنات قبل كم سنه كان في ناس ساكنين في البيت اللي جمبنا شوفوا التسيب وعدم المسؤوليه وين وصل !! سايقهم كان يوميا نشوفه بالليل (( سكراااااااااان )) حسبي الله ونعم الوكيل يمه كنا نخااااااااف منه انا وخواتي لا يدخل علينا والله ) :
خواني كم مره بغوا يشتكون عليه بس امي فديتها كانت تمنعهم لأن اصحاب البيت جيرانا وعشرة عمر بيننا كانت تقول مالكم شغل فيه الله بيقلعه مننا والحمدلله راحوا غيروا بيتهم وراح معاهم .. المشكله الكبرى انهم يدرون عن سوالفه وساكتين عنه يبووووونه ميتين عليه على قولتهم مافي مكان مايدله بالكويت ولأنه من زمان وهو عندهم .......!!!

الله المستعان ............. وصج شر البلية ما يضحك !!

اشكرج دلوووووووله على الموضووووووع الروووووووووعه والحسااااااااااس فعلا دووووووووووووووم مبدعه لا خلا ولا عدم حبيبتي ( :

مشكورين خواتي ع الردود الحلوه و الآراء اللي صج فمحلها بس من يطبقها !!!!

و شاكره لكم تفاعلكم

الله يكون بعون أهلهـا ويكفينا من شر هالسواقين


ولاحول ولاقوة الا بالله العلي العظيم


الحمدلله الذي عافانا من ما ابتلاهم وفضلنا على كثيرا من خلقه تفضيلاااااا


انا استغنيت عن السايق ما اثق فيه واضطريت اني انا اسوق على الرغم من اني اخاف من ظلالي بس الشكوى لله اضطريت

الله يعين

و شاكره لج مرورج

لاحول ولاقوة الا بالله

البنت مالها ذنب

الذنب ذنب اهلها اللي يتركون بنت لحالها مع السايق

الله لايهين امها وينها عنها؟؟

لاحول ولاقوة الا بالله

مشكوره سوسو

لاحول ولا قوه إلا بالله ..
صج السايق ضروري بالنسبه لي ..لكن المره لازم تحط حدود بينها وبينه..
يعني انا لايمكن اضحك له أو أسولف معاه إلا للضروره ..مع أن له سنين عندي ..
وهو رجال بالنهايه ..
الله يكفينا شر هالوحوش البشريه ..
مشكوره دلال ..

بصراحه في هالزمن كل شي ماله امان حسبي الله ونعم الوكيل

أهم شي ان الام او الاب تزرع في بنتها خطورة السايق وانه مايجوز نتقرب منه ولا نلمسه ولا نخالطه
وبعدها عاد يبدي التذكير والمراقبه
ويكفينا شرهم يارب

موضوع في غايه الاهميه صراحه الله يعينا على البلوى اللي جبناها لبيوتنا

ياحليلكم انتو تتكلمون عن بنات كبار

انا كل يوم اشوف بنات صغار يهبلون اذا وديت ولدي الروضه يجيبونهم السواويق لا وبعد شايلها على كبده جعلها

البط والله

والشرهه مب على الاب لا على الام بالله الاب كبده كبد حمار ((حشى قدركم))ولا يفطنون بالشيء الا لما احد

يصييييييح عليهم

انت يالام شلون تخلين بنتش تروح مع رجال غريب

وماقول الا حسبي الله ونعم الوكيل

تسلمين حبيبتي فعلا موضوع يستحق النقاش

صج أحنا ما عندنا سايق وزوجي متكفل فينا أنا وعيالي حتي لما كنت في بيت هلي أبوي الله يطول بعمره مكان يرضي نركب مع سايق كان هو يودينا ولما أكبرو أخواني هم أستلمو المهمه والحمدالله الله مغنينا عن السايق وبلاويه حبيت أضيف علي الموضوع أن بعض الناس صارت تثق بالسايق جنه واحد من أعيالهم لدرجة السايق يعرف عن حياتهم كل شيء وحتي أسامي بناتهم وحريمهم يعرفها ولا ويتغشمر ويضحك مع حريمهم لا وبعض الحريم تحسب السايق من محارمها يعني تطلعله بدون حجاب أو بكامل زينهتا لو كلمتيها قالت كله سايق يعني السايق والخادم مو رجال ما أقول إلا الله يستر

في البدايه ماننكر خطورة السايق على البنات ولكن
مضطرين نحطهم وحرام نحط كل الذنب ع الأخوان لان هم بعد عندهم دوامات
واحنا عندنا جامعات وأشياء يعني مايقدرون يلحقون كل مطالبنا بس لازم مايخلونها معاه بروحها
ومن الحلول اللي ممكن تساعد إنا نحط سايق للأولاد مثلا وللبنات نحن نحط فلبينيه تسوق هذا بنظري أحسن

دلاااااال مشكووووره ع الطرح الهادف والمميز دوووووم مبدعه ياقلبي

مشكورين كلكم ع الردود و التفاعل الحلو و الاراء الرائعه

و الله يكافينا شرهم ان شاءالله