فطوة بيضه

السلام عليكم

المنام


هو اني سمعت اصوات بنات اخوي بغرفتهم فرحت للغرفه بشوف شنو الصاير فبنت اخوي قالت لي بغرفتنا في قطوه المهم اطالع بالغرفه ماشفت اي قط ومن خوفي عليهم قلت لهم خلاص طلعوا من الغرفه وانا ادوره وبالفعل بس شلت جزء من الزل اي الموكيت عن الارض شفت قطه ناصعة البياض ونظيفه حيل لونها ابيض فقط وبجنبها اطفالها اثنين صغار فحاولت اني اطلع القطه الام من الغرفه بأني لفيت عليها الموكيت سجادة الغرفة يعني عشان اقدر اسحبها لبره فلمن لفيت عليها كانت تقاوم وهي داخله فاخذت اضربها بالطوفه لين ماطلع عليها دم ورميتها بره وشكلها كانت ميته وبعدها ييت للغرفه ادور اطفالها عشان اطلعهم من الغرفه عشان لايؤذون بنات اخوي فطلعتهم من الغرفه وبنفس هاللحظة شفت بعدها نفسي بحوش دارنا بره وفارشه سجاده للصلاة عشان ابغى اصلي وبس كنت اطالع جدامي وسرحانه بشي شنو مااتذكر بس كنت واقفه عالسجاده وبالي مومعاي افكر بس ماصليت وبعدها جلست من النوم

حالتي الاجتماعيه مومتزوجة وبنات اخوي وحده متزوجه والثانيه لا بعدها صغيره

فخير يارب

اختي الغالية الرؤية تشير الى انك لازم تكوني حنونه ورؤؤفه على الناس
وماتتكلمي على احد بسوء ولا تدخلي بخصوصيات الناس وحاولي تخلي قلبك
فيه رحمه ورافه حتى لا يكون لكي اثم وعقاب
ورؤيتك ايضا تدل على انك لازم تقوي ايمانك بالدين وما يشغلك شي عن الدين
وتهدي للصراط المستقيم حتى يقضي الله امورك لان الصلاه امر ناقص لم يكتمل
فعليكي بالصبر والتوكل على الله والله اعلم

شكرا ياقلبي على التفسير ويارب مانع تأخرك علينا خير ان شاءالله

ولأنك تأخرتي علينا بالتفسير فلجأت لأهل الاختصاص وقالوا لي تفسير المنام هالقطه كانت جن وبم اني قتلتها فلقد ابعدت ضررهم ولله الحمد

ولله الحمد غاليتي فإني انسانه جدا ملتزمة وأقيم حدود الله على أكمل وجه ومشكلتي الوحيده طيبتي الزائدة عن اللزوم مع الناس لا ليس كماذكرتي غاليتي فبالعكس معروفه بحناني وطيبتي مع الجميع بلا استثناء ،،

تعبناك معانا حبيبتي
وربنا يثبتنا جميعا على الدرب القويم والهداية


ربي يعطيج العافيه