للمتزوجات الموظفات نبي حل ؟؟؟

عندي لكم سؤال حيرني جدا وهو كيف تنظمين وقتك وانتي أمراة عاملة ولديك اطفال بالمدارس وكيف توفقين وقتك مع شغلك واطفالك وزوجك

انا عن نفسي حاولت اضبط وقتي بس للاسف ارد اخربطه واحتاس واعصب واحس بضيقه

منو الي عندها حل لي ؟
انا مدرسة اطلع من الدوام الساعه 2 الظهر وارجع للبيت ادرس اعيالي ما اخلص الا الساعه اربع العصر اخذ غفوه ساعه واقعد من النوم احس بضيقه لاني ما احب انام بالوقت هذا ويمر يومي كله ضيقه وعندي ياهل صغير يعني يبيله سهره وعندي ياهل كبير (زوجي ) هم يبيله سهره شسوي بعمري كل وحده تقول لنا تجاربها وتدور معاي على حل ؟؟؟؟ !!!! تعبت

الله يعينا احنا الموظفات وخصوصا المدرسات قراده وكد بالمدرسه وهم بالبيت وعيالنا ضحايا الخدامات لو الحاجه والاقصاد والله اقعد بالبيت بس الشكوى لله الله يعينا على الحياة الصعبه

ياهلا فيج منورة نورتي موضوعي اي الله يعين بس وين الحل ؟؟

احسن شي دوام العصر
3 ساعات من 4 لي 7 نومي عيالج يريحون وروحي الدوام ومن تردين قعديهم بلشي دراسه

هلا فيج باونتية شرفتي الموضوع بردودج بس يا اختي انا عندي ألتزامات اجتماعيه يعني الوجوب اروح اعراس اروح عزايم ازور انفاس ازور مرضى يعني هذي حياتنا الاجماعيه بالكويت يعني لو اداوم العصر على قولتج متى اروح العرس او متى ازور الاقارب صعبه دوام العصر جذي ولا جذي انا قاعده الصبح مع عيالي لمدارسهم يعني ماكو راحه ؟؟؟ ابي حل :emoticon_U:

شدعووووووا شدعووووووا مو هذا العشم فيكم عضوات سيدات الكويت وين ردودكم وين مساعداتكم ؟؟ ولا الدعوه لناس وناس

هلا اختي . . .

اول ما تردين ارتاحي نامي ساعتين ثلاث ساعات . . .

وبعدها ابتدي درسي عيالج . . .

واذا عيالج شوي كبار خليهم يعتمدون على أنفسهم ويحلون واجباتهم وانتي بس جيكي ع حلهم . . .

اهم شي تأسسين عيالج عدل وبعدها خليهم ينطلقون تحت مراقبتج . . .

وخلي دائما السبت مراجعة وتدريس لكل شي تحسينه مهم . . .

وعليج بأوراق العمل والانشطة والنت متروس بهالشغلات اخذي واطبعي وخليهم يحلون . . .

وفي مواقع روعة لتعلم اللغة الانجليزية واوراق عمل روعة للعربي اطبعي وخليهم يطبقون . . .

الله يعطيج ألف عافية يا ام عبد الله وشرفني مرورج

صح عقب الغدا ريحي وقعدي من النوم عال4 ونص
درسي عيالج لي 7 مثلا ولا 8 وعقب عشيهم وسبحيهم ونوميهم وجابلي ريلج ..

يعطيج العافيه يا ام ابيها وشرفني مرورج

انا بالنسبه لي مريحه عمري

حولت دوام العصر واقتكيت من قعدت الصبح وعوار القلب

واذا قعدت الصبح وقتي يكون بالمطبخ او ترتيب البيت

والله يعين الجميع

و الله أنا نفس حالتكم مع اني ما عندي الا بنت بس و الله تعب

دوام و سهر مع بنتي عمرها 8 شهور و لا رديت ما يمديني أنام مع اني أكون تعبانه أحيانآ أروح الدوام

نايمه ساعتين بس و عليها لي بالليل و الله تعب لا و ساكنه مع حموله يعني لازم أنزل و أقعد معاهم

حتى زوجي مالي خلق أسهر معاه ما أصدق بنتي و أنام معاها من التعب

ساروونه الحلوه كتبت:انا بالنسبه لي مريحه عمري

حولت دوام العصر واقتكيت من قعدت الصبح وعوار القلب

واذا قعدت الصبح وقتي يكون بالمطبخ او ترتيب البيت

والله يعين الجميع

حياج اختي ساروونه صعبه صعبه افكر بدوام العصر لاني انا وحده احب ارووح الاعراس واحب الزوارات يعني صعبه اداوم العصر

دلال بنت العز و الدلال كتبت:و الله أنا نفس حالتكم مع اني ما عندي الا بنت بس و الله تعب

دوام و سهر مع بنتي عمرها 8 شهور و لا رديت ما يمديني أنام مع اني أكون تعبانه أحيانآ أروح الدوام

نايمه ساعتين بس و عليها لي بالليل و الله تعب لا و ساكنه مع حموله يعني لازم أنزل و أقعد معاهم

حتى زوجي مالي خلق أسهر معاه ما أصدق بنتي و أنام معاها من التعب

الله يعينج ويعيني ويعين الجميع والله تعبت كل ما امشي على خطه اسويها لابد يطلع لي يوم انضغط لي درجه اني افقد اعصابي وابكي

ليش ما تنامين اول ماتردين من الدوام وعيالج ما ينامون تقعدين 4 العصر تراجعين لهم

وبعد الـ 8 ينامون يكون هالوقت ملكج انتي...

ليش تضيقين عمرج شنو تبين يجيج الضغط مبكر ؟؟؟؟؟؟؟؟؟؟ :eek::eek::eek: بعدين لاتفكرين خلي الامر طبيعي شنو يعني تتعبين اشويه بس اخرتهااااااا حلو النجاح بتفوق هذي الحياة كلها سنه والا سنتين ويعتمدون على روحهم بالدراسه:wink_smile::wink_smile::wink_smile: صح كلامي او لا

الله يعطيج العافيه . ومأجوره انشالله على المسؤوليات . عليج ( بتنظيم الوقت + الصبر )وأيضا زوجج لازم يقدر الوضع ويساعدج على تحمل المسؤوليه وانتي عارفه ايد وحده ماتصفق.

انا اقترح عليج اول ماتردين تحطين راسج وتنامين وتقووومين السااعه 4 ونص وتمسكين اعيالج درسينهم وتخلصين عشيهم ورقديهم بس لا ينامون العصر وافضي لزوجج وطفلج الرضيع اقعد لين السااعه 1 بعدين نااامي وقولي لجاهل الكبير انك بتنطرينه من 8 لين الوحده بعدين بتنامين لان وراج دوووووووام جذي بلغتيه مو يقول مقصره وهو بكيفه واتمني يعجبج اقتراحي

وبالتوووووووفيق غلاتي

تسلمووون ياخواني على الافكار والنصايح الثمينه والله استفدت من كلامكم ومشكورين
ألي سويته كالتالي انام اول ما اجي من المدرسه طبعا مو نومه صجيه يعني معاها صيحه هذا طقني وهذا قالي من صراخ العيال وبعد ما ارتاح ساعتين ابدي افتش كتبهم وادرسهم ماشي حلو جذي بس الي ضيق خلقي اني اكوون مشغوله بالطلعه العصر مضطره يحوش عيالي اهمال بالدراسه ويأنبني ضميري طووول الوقت يعني كل الطرق مسكره بوجهه الكويتيه الي راعيه مواجيب واشغال شنسوي بعمرنا ؟؟؟