الـــزمــــن الـجـــمـــيـــل . . .

السلام عليكم ورحمة الله وبركاته


كيف الحال خواتي . . .

بالأمس اتصلت على والدتي وتحدثت معها ومن مجمل حديثنا قلت لها يمه ترى . . .

غانم الصالح عطاج عمره، توفى - الله يرحمه بواسع رحمته - .

ردت على والدتي - الله يسلمها ويحفظها يارب من كل شر -

إي دريت - الله يرحمه - عيال حياة الفهد كلهم ماتوا !!

قلت لها أي حياة الفهد؟

قالت بمسلسل خالتي قماااشة . . .

عيالها غانم الصالح وعلى المفيدي وخليل اسماعيل - الله يرحمهم -

توفوا . . .

مسلسل :

خالتي قماشة مسلسل كان في زمن الفن الجميل . . .







زمن كان فيه شبه ستر في اللبس قريب جدا من الاحتشام . . .
و الألفاظ غير خادشة للحياء
والدراما اللي يعالجونها ويعرضونها للمشاهدين فيها رقي واحترام للمشاهد . . .

يعني نقعد مع إخوانا وخواتنا ونشوف المسلسل ولا نعمل حساب لكلمة يتلفظ فيها ممثل

وننحرج منها جدام إخوانا كنا نستمع بالمسلسل وبالمشاهد . . .

عيال خالتي قماشة - توفوا الله يرحمهم - وربي يعطي الصحة والعافية لمن بقي ممن شارك

في المسلسل . . .

عيال خالتي قماشة - اللهم ارحمهم بواسع رحمتك - وهـــم :

ولد خالتي قماشة الكبير :


على المفيدي - الله يرحمه-

----------------



ولد خالتي قماشة الاوسط

خليل اسماعيل -الله يرحمه-

-------------------


ولد خالتي قماشة الصغير

غانم الصالح - الله يرحمه -

----------------


جنة خالتي قماشة -زوجة ولدها الكبير -
مريم الغضبان - الله يرحمها

--------------------


نسيب خالتي قماشة اللي تزوج بنتها
خالد النفيسي - الله يرحمه -


لقطات من مسلسل خالتي قماشة :







رجاء اللي بتنقل الموضوعيشن تكتب انه منقول من منتدى سيدات الكويت

صـج زمـآن آول مـآ يتعوض
كـآن كل شي فيهـ مميز
النآس و آخلآقهم وحتى الفن كان غير ..

تسلم آيدج قلبي عالكلمات الحلوه اللي اطلعت من القلب وكانت صادقه ♥ ..

ونبي جذي مواضيعنا تكون من ابدآعآتنا ..

هلا أختي واحة . . .

تسلمين ع المرور العطر . . .

وتسلمين ع التشجيع لا خلا ولا عدم . . . :)

وإن شاااء الله الاخوااات يبدعون لنا في مواضيعهم الشخصية اللي تخطاها اناملهم . . .

اي والله يااااااااحلوه من زمن
تسلم اناملج على هالموضوع
وصج فعلا اللقطات كانت في منتهى البراءه لامكياج ولا لبس ولا تصنع بالكلام
مسلسل ولااااااااااا اروع
الله يرحمهم برحمته
ويخليلج الوالده يااااااارب

هلا حبيبتي كيييكه . . .

ربي يسلمج ويسلم حبايبج يااارب . . .

مشكورة ع الرد العطر لا خلا ولا عدم يااارب . . .

الزمن تحول ياام عبدالله والدنيا تغيرت



صج انه الزمن تحول

والاول ماهو الاول

وماكو شي راح يظل على حالة

تسلمين استغفر الله( والحمدلله والله اكبر ولا اله الا الله) على الصوره


والله يرحمهم ويوسع منازلهم اللهم امين

ياحلو مسلسلات اول فيها عبره وفيها قصه هادفه اما الحين الله المستعان حتى اسرار غرفة النوم يتكلمون فيها ماعاد فيه لاحيا واحترام ولا مستحا
وكلنا على هالدرب الحمد لله الله يحسن خاتمتنا
والله يعطيش العافيه على هالموضوع الحلو
والله يخليلش اميتش ويحفظ ها من كل شر

هلا حبيباتي . . .

نور ونجود . . .

اي والله هالزمن كان روعة وياريته يرد ستره وهدوءه وبراءته . . .

وفعلا مسلسلات هالوقت حتى سوالف . . .يتحجون فيها وفشيلة البنت تقعد وتطالع المسلسل مع اهلها

من حوارهم وحجيهم ولا انتقدنا قالوا شي بأرض الواقع !!

يسلمووووووووووووووو

يسلموووووووووو

ع الموضوووووووووووع الحلوو

هلا خواتي ملاك وانفال . . .

اسعدني المرور . . .

اختي انفال مشكورة ع التصحيح . . .

موضوعج قممممممممه

صج صج اياام

الله يرحمهم ويرحم الجميع

ابدعتي ام عبدالله ...

هلا حبيبتي سلطااانة

الاروع مرورج العطر . . .

وربي يرد لنا ذيج الايااام ببراءتها وراحتها وسترها . . .

اللـــــــــــــــــــــــــــــــه على زمااااااااان اول شحلاااااااااته ليييييييييييته يعووووووووووووود ) :


موضووووعج ام عباااااااادي قمة في الرووووووووووووعه وبنفس الوقت محزن !

فديييييييييييييتج يعطييييييييييييج العاااااااااااااافيه ( :

هلا حبيبتي جال*** . . .

الله يسلمج يااارب واسعدني المرور العطر . . .

اللة يرحمة يااااااااااااارب

يسلموووووووووووو ع الموووووووضووع صج زمان اول ياازينه زينااه

هلا اختي فلونة . . .

فعلا كلامج صحيح اسعدني مرورج العطر . . .

هلا ومرحبا حبيبتي بشورة . . .

اسعدني مروركِ المعبق برائحة النرجس . . .

لا خلا ولا عدم . . .