Ki
Kit_kata
2010/10/19 · #1
شرح طريقة تحميل الثيمات ونقلها إلى الجوال بالصور
أتوقع ان الموضوع واضح من العنوان
وهو طريقة تحميل الثيمات وتركيبها على الجوال..
هذي هي الطريقة بالتفصيل...
( 1 ) تفتحين الموقع اللي تبين تحميلين منه الثيمات اللي اعجبتك..
وتضغطين على تحميل..
( 2 ) بعد ما تضغطين على تحميل راح تفتح لك صفحه جديده انتظري شوي
وبيجيك مربع التحميل تضغطين على حفظ عشان تحفظين الثيم..
( 3 ) بعد ما تختارين حفظ راح يجيك مثل اللي في الصوره
( 4 ) انتظري شوي الين ما يكتمل التحميل..
إذا اكتمل التحميل خلاص اضغطي على فتح..
( 5 ) اذا كان الملف مضغوط راح تفتح لك صفحه مثل كذا..
( 6 ) طبعا واضح من الصوره السابقه وين مكان الثيم
تسحبينه بالماوس من مكانه الى سطح المكتب وتتركينه هناك..
( 7 ) طبعا لازم يكون عندك بلوتوث في جهاز الكمبيوتر ومكانه في الأغلب
جنب الساعه وهذي صوره له
( 8 ) نرجع للثيم اللي حطيتيه على سطح المكتب
تضغطين عليه بزر الماوس اليمين بتطلع لك خيارات مثل كذا..
( 9 ) تحطين بالماوس على to Bluetooth
( 10 ) بعدين تضغطين على البحث مثل اللي بالصوره
( 11 ) راح يبحث لك الجهاز عن جميع اجهزة البلوتوث اللي شغاله..
اذا لقيتي اسمك سوي عليه علامة صح
( 12 ) بعد ماتسوين على اسمك بالبلوتوث علامة صح تضغطين على الثيم اللي فوق الاسم
مثل الصوره
( 13 ) بعد كذا تضغطين على Send
( 14 ) بعد ما تضغطين على Send راح يجيك بجوالك قبول اتصال من الكمبيوتر
تضغطين على موافق وراح يرسلك الثيم..
( 15 ) بعد ما يوصلك الثيم برساله تفتحينها راح يسألك تبين تثبتين الثيم او لا
تضغطين موافق بعدين راح يجيك مكان التثبيت بذاكرة الهاتف أو بالمومري
تختارين المكان اللي يعجبك وتضغطين موافق وانتظري شوي الين يكتمل التبيث..
( 16 ) بعد ما يخلص التثبيت روحي على أدوات ثم موضوعات وشوفي الثيم اللي ثبتيه
اضغطي على خيارات ثم تطبيق اذا كنت حابه تختارينه هو..
و ألف ألف مبروك مقدما على الثيم الجديد..
إن شاء الله يكون شرحي واضح وأي سؤال أنا بالخدمه..
