غيره من الماضي؟؟؟؟؟

السلام عليكم
شلونكم بنات
انا بدش بالموضوع على طول
بنات انا متزوجه وزوجي يموت فيني اكيد المره تعرف اذا زوجها يحبها والله لو اطلب عيونه شالهم وعطانياهم
الله لايغير علينا
تقولون لي وين المشكله؟
يابنات اهو قبل لا يتزوجني صارحني انه كان على علاقه بوحده لمده 4 سنين وهو خلاها لانها تزوجت
والله يابنات انا سمعته بكل سعة صدر ومستانسه انه صارحني والله يابنات تمنيت انه ماقالي ولا شي
انا الحمدلله عارفه غلاي بس موراضيه انسى بكل كلمه يقولها لي احس انه قايلها لها بكل حركه احس انه مسويلها ماادري والله الحين صارلي سنه من تزوجنا بس موقادره انسى والله موقادره انسى هذي الانسانه اللي ماشفتها ولا ابي اشوفها مجننتني
انا بس اعرف اصلها وكل ماقالوا فلان الفلاني نفس اصلها اكرهه واحقد عليه حتى مااحب ينذكر جدامي حتى اسمها اختي قالت بتسمي بنتها قلتلها والله ماتسمينه ازعل عليج ماادري يابنات شنو الحل مع مشكلة هالغيره الزايده اللي بملك فيها زوجي بماضيه وحاضره ومستقبله؟؟؟:sad_smile:

هلا حبيبتي ,,,, أول شي باقول لج الله يتمم عليكم ودايما ذكري ربج على ريلج وحبه لج (ما شاء الله لا قوة إلا بالله) لا تروح عن لسانج
ترى ما يحسد المال إلا أصحابه ,,,, غير هذا ان هالمنتدى عام ,,,, ما تدرين بنفوس البشر فانتي اللي دايما لازم تذكرين الناس بذكر الله على زوجج اذا ييتي تتكلمين بموضوع بهالخصوصية :] وسامحيني على هالكلام
تأكدي اني أبي لج الخير


بالنسبة لموضوع الغيــــــــــــرة اللي تحسين فيها ,,,, فتطمني هذا شي عااااادي جدا وكلنا مرينا فيه

الحمدلله ألف الحمدلله ان ريلج من النوع اللي صارحج من البداية ديري بالج تخلينه يتحسف لانه قال لج وصارحج

بالعكس كوني صديقته وحبيبته قبل زوجته ,,,, هذا حلالج وما فيها شي

وأصلا المره الذكية اهي اللي تكون صديقة زوجها وتخليه ما يخش عنها شي

وهم دييييييييييييييري بااااااااااااالج تطلعين أسراره لبره البيت ,,,, لان هذا شي من أسراره وخصوصياته اللي أمنج عليها ,,,, ف حطي بالج يطلع حتى لو لخواتج ,,,, صدقيني حتى لو يحبونج نظرتهم ماراح تظل اهي اهي
احنا بشر وهذ فطرة

انتي الحين يالغالية ببداية زواجج ,,,, سنة مو كفيلة ترى انكم تعرفون أطباع بعض عدل,,, يبيلكم بعد سنيـــــــــــــــــــــن :] :] :] :]

والغيرة اللي تحسين فيها طبيعية لان كل زوجة تحب زوجها تغار عليه,,,, شحال اذا كان من وحده عرفته قبلج وكان يحبها قبل ما تدخلين انتي حياته وتنورينها

بس هم بعد لا تقارنين نفسج فيها ,,,, انتي غيــــــــــــــــــــر ,,,, إنــــــــــــــتي بالــــــــــــــــــحلااااااال ^_^

واهي ممكن تكون كانت مجرد حلم أو نزوة بحياته,,,, صدقيني زوجج لو كان يحبها ويبيها نفس ما كان يبيج جان ما رده شي عنها وتزوجها ,,,,
والرياييل اذا براسهم شي صدقيني ما يتنازلون عنه لو شنو ؟

كل ما يوسوس لج ابليس وتتضايقين من الموضوع تعوذي من الشيطان الرجيــــــــــــــم وفكري انج انتي الحين ملكة البيت اللي اختارها ,,,, واللي بتكونين أم عياله ,,,, الله يخليكم لبعض ويجمعكم على خير طول العمر

تقبلي مروري وكلامي

حبيبتي اول شي الف الف مبروك الزوااج وعسى الله يتمم عليكم يارب ...

شوفي ثاني شي ... زوجج لو ما يحبج ما صارحج بكل شي ... واهوه اكيد نسااهااا

مدام انه انتي ويااه مرتاحين ... ريحي بالج ... واحمدي ربج انه تزوجتي واحد صريح وفتح لج قلبه ...


وثاني شي مافي ريال صريح ويصارحج بماضيه الا ريلج ... انسى اللي صااار ترى انتي جذي


اتعبين نفسج زيااده .. بدون اي سبب ... عادي يا قلبي ريلج في الخيررر وحببووب ما شاء الله عليه ...


بس انتي انسي السالفه وانسي كل شي صاار بينن بعض اهم ما عليج ريلج ...

حطيه بعيوونج ولا يهمج لا فلانه ولا فلنتاانه يا معوده عيشي حيااتج هذا ريلج حطيه بعيوونج ...

وكل مرره تغااار على ريلهااا بدرجه ما تتصورين بس مو بالمااضي ...

استانسي ويااه عسى الله لا يفرقكم يارب .. وعسى الله يخليكم لبعض يااااااااااااااااااااااااااااااااااااااااااااارب

مشكوره ياليلى على كلامج ريحتيني حييييييييييييييييل
نورتي موضوعي يالغاليه

والله ياعسوله ماادري شسوي احس انجنيت
ابي انساها خلاص
نورتي موضوعي فديتج

ياحلو ردود البنات تشرح الصدر انا معاهم ماقصرو ماعندي شي ازيد علية الله يوفقكم

الله يسلمج عللوووووي
اي والله ماقصروا

اخت ليلى كل مااحس بالغيره اتعوذ من الشيطان واقرى كلامج وارتاااح
الله يعطيج العافيه صج ولا هانت عسوله فديت قلوبكم والله