حققتي طموحاتج ؟حياتج مشت بالشكل الي تبينه ؟

اشلونكم يا حلوات
نوضوع خذيت فكرته من منتدى ثاني
اهو للفضفضه

ابي اسالكم اسئله واتمنى تجاوبوني

كلنا نتمنى حياه معينه في بالنا ونتخيلها

هل مشت مثل ما انتي تبينها وراسمتها

درستي بالمجال الي تحبينه ؟
توظفتي بالمكان الي كنتي تحلمين فيه ؟
حالتج الماديه هل مشت مثل ما انتي تتمنين ؟
زوجج هل اهو الريال الي تمنيتيه او ان صار مثل ما تمنين ؟
حققتي طموحاتج واحلامج ؟
راضيه عن نفسج وعن حياتج ؟

واتمنى تفاعلكم معاي

هل مشت مثل ماانت تبينها ؟؟

مع الاسف لا :(((

درستي بالمجال اللي تبينه؟؟

لا كان طموحي علم نفس فجأه لقيت نفسي بالاداره :((

توظفتي بالمكان اللي تحلمين فيه ؟

للحين ماتوظفت صارلي 3 سنوات من تخرجت :((

حالتج الماديه مشت مثل ماتتمنين؟

الحمدالله لان يمشيلي معاش من التأمينات لان بابا متوفي الله يرحمه

زوجج هل هو الريال اللي تمنيتنه او صار مثل ماتتمنين ؟

انا مومتزوجه ( بعيون ماما)

حققتي طموحاتج واحلامج؟

للاسف لاااااااااااا..........

راضيه عن نفسج وعن حياتج؟

الرضا نعمه ولازم الواحد يرضى بكتبة ربه مهما كان :)

هذي اجوبتي بكل صراحه تقبل مروري :)))

درستي بالمجال الي تحبينه ؟

لـآ , للآسف درست آجتمآعيات ..

توظفتي بالمكان الي كنتي تحلمين فيه ؟

لـآ , مع اني نجحت بتفوق بس المجال مو حابتهـ ,,

حالتج الماديه هل مشت مثل ما انتي تتمنين ؟

اي , الحمدلله ,,

زوجج هل اهو الريال الي تمنيتيه او ان صار مثل ما تمنين ؟

اي , الحمدلله , مثل مآ تمنيت ..

حققتي طموحاتج واحلامج ؟

لـآ مو كلهآ

راضيه عن نفسج وعن حياتج ؟

اي الحمد لله


مشكووره عالموضوع

حياكم الله نورتوا بمشاركاتكم العطره

درست بمجال ما فكرت أدرسه

ولحد الأن ما حققت شي

الله كريم

درستي بالمجال الي تحبينه ؟
لاطبعا كنت ابي علم نفس ودرست سكرتارية فرق صح
توظفتي بالمكان الي كنتي تحلمين فيه ؟
ماتوظف زوجي موراضي فديييته
حالتج الماديه هل مشت مثل ما انتي تتمنين ؟
الحمدالله يعطيني اللي ابييه مو مقصر
زوجج هل اهو الريال الي تمنيتيه او ان صار مثل ما تمنين ؟
اي الحمدالله
حققتي طموحاتج واحلامج ؟
احلاااامي وااايد ولاشي سويييته واولها الجاامعه باخذها انشاالله
راضيه عن نفسج وعن حياتج ؟
لا مو راضية مو هذي الحياة اللي انا ابيها ظلمت نفسي لمن تزوجت صغيييرة

لا

درستي بالمجال الي تحبينه ؟
ثانوية ودشيت دبلوم وطلعت
توظفتي بالمكان الي كنتي تحلمين فيه ؟
لا
حالتج الماديه هل مشت مثل ما انتي تتمنين ؟
الحمدالله احسن من لاشي..
زوجج هل اهو الريال الي تمنيتيه او ان صار مثل ما تمنين ؟
عادي الحمدالله
حققتي طموحاتج واحلامج





عادي بس الحمدالله




لا الحين ودي بس زمن ضدي؟













راضيه عن نفسج وعن حياتج ؟

واتمنى تفاعلكم معاي

اشلونكم يا حلوات
بخير عساج بخير يارب :)
موضوع خذيت فكرته من منتدى ثاني
اهو للفضفضه
الفضفضة تريح أحيانا ..
ابي اسالكم اسئله واتمنى تجاوبوني
تفضلي :)
كلنا نتمنى حياه معينه في بالنا ونتخيلها

هل مشت مثل ما انتي تبينها وراسمتها
مشت نفس ماأبيها في بعض الأمور وفي شغلات ثانية تمنيتها بس ماصارت ..
درستي بالمجال الي تحبينه ؟
إي الحمدالله ..
توظفتي بالمكان الي كنتي تحلمين فيه ؟
الحمدالله دراستي ووظيفتي كانت على ماأبي وأتمنى ..
حالتج الماديه هل مشت مثل ما انتي تتمنين ؟
تقريباا ..
زوجج هل اهو الريال الي تمنيتيه او ان صار مثل ما تمنين ؟
لأ ماكان نفس ماأتمناه مع الأسف ..
حققتي طموحاتج واحلامج ؟
الحمدالله حققت كل أحلامي وطموحاتي وهذا من فضل ربي ..
راضيه عن نفسج وعن حياتج ؟
الحمدالله راضية عن نفسي وعن حياتي وأتمنى رضا الله سبحانه ورضا الوالدين يارب ..
واتمنى تفاعلكم معاي
يسلموو غلاتي ع الموضوع الممتع وعساج ع القوة ..

درستي بالمجال الي تحبينه ؟
طبعا لا هههههه

توظفتي بالمكان الي كنتي تحلمين فيه ؟
صراحه ماحلمت فيه بس لله الحمد وااااايد ممتاز

حالتج الماديه هل مشت مثل ما انتي تتمنين ؟
وافضل من اللي تمنيت ولله الحمد

زوجج هل اهو الريال الي تمنيتيه او ان صار مثل ما تمنين ؟
لا والله تمنيت بدوي وياني العكــس بس سويته بدوي ههههه

حققتي طموحاتج واحلامج ؟
حققت نصها ونصها بحققها مع عيالي ان شاء الله

راضيه عن نفسج وعن حياتج ؟
راضيه مليون بالاميه وربي شاهد

اشكرج على هالاسئله الحلوه

درستي بالمجال الي تحبينه ؟
للاسف لا درست شريعه وكنت ابي حقوق


توظفتي بالمكان الي كنتي تحلمين فيه ؟
لا للاسف كنت ابي اصير محققه وصرت مدرسه

حالتج الماديه هل مشت مثل ما انتي تتمنين ؟
الحمدلله اي


زوجج هل اهو الريال الي تمنيتيه او ان صار مثل ما تمنين ؟
تقريبا


حققتي طموحاتج واحلامج ؟
الحمدلله اي

راضيه عن نفسج وعن حياتج ؟
حييييل الحمدلله ؛)


خوووش موضووع والله فضفضنااا