اللي عندها خمول في الغذة تدش ضروووووري

شلونكم بنات انا فيني خمول في الغدة ومسببلي تساقط مو طبيعي في الشعر وشعري صاير ماينبت بسرعه وغير هذا صاير ناشف وتعالجت بالأبر الميزو وخذيت امبولات وبخاخ وحبوب للشعر ومافاد معاي شي بسبب الغدة وحتى الزيوت ماتنفع معاي لأن شعري يطيح منها تكفون يابنات اللي مثل حالتي ولقت حل لا تبخل علي والله يبعد عنكم مشاكل الغدة

هلا حبيبتي ما تشوفين شر انا اول ما صار فيني الغده شعري كان وايد يطيح بس بعد ما انتظمت علي العلاج رجع شعري عادي راجعي الطبيب يمكن الغده وايد خامله عندج و تحتاجين زياده جرعه

يا قلبي اهم شي علاجج انتظمي فيه ..
ؤعسى الله يشافيج منهاعاجل غير اجل ..

مسك الكويت والأميرة بشاير يعطيكم العافيه وما قصرتوا وبالنسبه للعلاج انا صارلي 3 شهور على العلاج وماشفت نتيجه

وينكم يابنات لا تحرموني من ردودكم بلييييييييييز

الله يشافيج ويشفيني انا مثلج فيني خمول بالغدة وصار ل6سنوات استخدم الحبوب وشعري ماوقف تساقط يعني عادي تعايشي مع وضعج

مشكورة حبيبتي ام لدانة 2 على الرد

سلامتج حبيبتي ألف سلامة

أنا فيني خمول في الغدة من 6 سنين تقريبا و شعري يتساقط على طووول بس لمن أستخدم علاجي بانتظام و آكل الخضروات و الفواكه بكثرة و أشرب الماي تقريبا من 6 إلى 8 قلاصات يوميا صار وااايد أحسن

قبل فترة وزني زاد شوي و حسيت بتغيير في شعري و بشرتي لأن الغدة تأثر على الشعر و البشرة بعدها راجعت الطبيب و سويت تحاليل و كنت محتاجة أزيد جرعة العلاج و لمن زدتها الزيادة المطلوبة الحمد لله الأمور تحسنت
أنصحج تشوفين طبيبج اللي يعالجج من الغدة و دكتورة جلدية و تقوليلها على علاج الغدة علشان تعطيج العلاج اللي يتناسب مع حالتج

موفقة انشاء الله

سلامتك يالغاليه انا قبل كان شعري يجنن نص الفخذ وكثييييير وناااااعم بس من سويت عمليه الغده واستاصلوها كلها يعني خمول كامل لازم استخدم العلاج طول العمر لكن انا كسوله مو منتظمه عليه اتكاسل
بعدها تغير شعري بالكامل سبحان مغير الاحوال تساقط لما صار خفيف حتى النعومه راحت وقصيته للكتف وياليتني ماقصيته مايطول الا شي بسيط بس حبيت اقولك ان العلاج لازم قبل الاكل تاكلينه ومتابعه على الاقل كل 6 شهور انا يمكن لو انتظم واراجع يمكن يتحسن لكن انا مهمله لاتسوين مثلي وماتشوفين شر يالغاليه.

الله يشفيكِ ويشفيني

اختي عندها غده وتراجع يمكن اكثر من ست سنين بس زي ماهي ماحس فيها تحسن غير انها اذا ما شربت الحبوب تبنشر

مشكورين حبايبي على المشاركة في الموضوع وبالنسبة لي الدكتور زاد جرعة الحبوب من 50 ال 100 لأني حامل بس نفس الشي ماشفت تحسن
الله يعين