غلطة عمر منها جنيت البهاذيل...

--------------------------------------------------------------------------------


السلام عليكم ورحمة الله وبركاتهـ ..!!


في لحظات حين تمر بنا أحزان


أوآلام نتمنى لو كنا شعراء نعبر عما نشعر به



فنذهب نبحث عن شاعر باح بما تحمله صدورنا



وهذا ما وجدته في القصيدة التالية:












ساقت مشاوير الشقاء واردف الليل...
وسريت ودروب السهر سرمديه



ازريت اسوق الهم واحـــط واشــيل...
وتعبــت اكابر والمــواجــع نديه



الحيل مل من التعب مابقى حيل...
والجفن ماله بالسهر مقدريه



البهـــذله والــمـــهــزلـه والغرابيــل...
ابطال واسنين العمر مسرحيه



والهـــم والحرمان والحزن والويل...
ضيوف وجروح الـــوفاء شـاذليه



والصمت والهوجاس بوح التعاليل...
والخـــوف مســـرى والليالي مطيه



يالله عسى درب السنع بالمقابيل...
والا الليال اللي مضت جرهديه



حر(ن)كفخ واستأسرته المحابيل...
وعقب السماء الرحبه هوى للوطيه



حر(ن)غدر فيه الزمن والمداخيل...
مـــقـرود وكــفـوف العـطايــا رديـه



غلطة عمر منها جنيت البهاذيل...
ذنوب غــيــري حطها الله عليه



غلطه ودحدرها القدر بالمحاصيل...
ورضيت بالمقسوم غصب(ن)عليه



تناقلتها شلــة القــال والقــيل ...
وحطو عليها لين صارت قضيه



وقامت تناهشني رخوم الرجاجيل...
اهل الملامه والعلوم الرديه



اللي تجيك اخبارهم بالتفاصيل...
ويحرفون الهرج عن سوء نيه



بالله قلي يااسود الوجه ياليل...
وضح النوايا كيف صارت خطيه



قلي من اللي ضلل الحق تضليل...
ومن علم الوافي يخون بخويه



ومن بروز الاوهام خدعه وتمثيل...
ومن طلسم الواقع وخان الوصيه



ومن قال لي دربك مهود وتساهيل ...
ومن علم الضحكات تمشي عليه



ومن كفن دموع الوفاء بالمناديل....
ومن هو جزاء الحسنه بمليون سيه



اللي قتل حلم الضلوع المناحيل...
وقال انقتل فيك العوض والبقيه



جاوب سؤالي يااسود الوجه يالليل..
وضح النوايا كيف صارت خطيه




الشاعر (عادل الرشيدي)



وصح لسان الشاعر



مما راق/لي

تــحــياتـي
منقووول

لاهنتي ..ابيات معبره,,

وراقت لي..
يعطيج الف عافية حياتي..
ماننحرم يارب
من يديدج

روووووووووووووووعه

يعطيك العافيه ..

كل الشكر لكم خواتي على مروركم
فديتكم