يسعدلي صباحكم يالغوالي والله والله وحشتوني كثير
اخباركم شلون رمضان معاكم انشالله اموركم طيبه
حبيت اطمنكم علي من بعد الزواج ياااااااااي عندي حجي وايد ودي افض فض لكم
عن الحياه اليديده والله ميته واشتري لاب بس عشان اتواصل معاكم
الحين آنا شابكه من لاب بيت اهلي
بنات ادخل بالموضوع تعرفون ابي الحلول بأقرب وقت عشان ظروفي مااقدر اشبك وايد
انا من تزوجت انقطعت علي الدوره وكل مايقرب مني زوجي ينزل دم لونه وردي تقريبا وميته خوف
ادري بتقولون روحي لطبيبه نساء بس ابي اعرف في وحده مرت عليها هالمشكله وانا آسفه عالسؤال المحرج بس عن جد استحي اسأل احد ومالقيت غيركم سألت رفيجاتي مو متزوجات يقولون التهابات او حمل وبعدين قلت اهما ماجربوا ومايعرفون ابي وحده عندها خبره بهالسوالف؟
واكون شاكره لكم :wink_smile:
جر
جرح الزمان
2010/09/03 · #2
الف مبروك وحياه سعيده
يارب
وحياج الله يالغاليه بعد هالغيبه
بالنسبه لسؤالج والله مو عارفه
والله يسعدج ويفرحج
وماتشوفين شر
هلا وغلا اكيد اتذكرج عساج بخير يالغالية وشلونج عقب العرس
حبيبتي حللي يمكن تكونين حامل
وطمنينا عنج ولاتقاطعين
جرح الزمان
وتولي هلا بخواتي ربي يسلمكم من كل شر انشالله
ادعولي اجيب لابتوب واسهر معاكم لان عن جد ضيقه خلق
احس بفراغ مو طبيعي
كي
كييييييكه
2010/09/03 · #5
الف مبروك وانشالله تتهنين
لا عادي حبيبتي هذا عادي اول الايام
والضيقه والفراغ لازم بس حاولي على طول تقعدين مع حمولتج
أم
أم الحلوات 2
2010/09/03 · #6
ألف ألف ألف مبرووووك يا الغاليه وماتشوفين شر إن شاء الله حبيبتي هذا إحتمال كبير يكون حمل سوي تحليل وطمنينا عليج
در
دراريع عليا
2010/09/04 · #7
واكيد ماراح ننساج
الف مبروك الدم عادي لاتحاتين بس تغيرت هرموناتج طبيعي بس افحصي يمكن التهابات
ونشالله تجيبين الاب توب
اه
اهاات الليل
2010/09/04 · #8
شلون مانعرفج:)
الف الف الف مبروك حللي احتمال والله اعلم حامل
يااارب تيبين لابتوب وتسهرين معانا
ال
الاميره بشاير
2010/09/04 · #9
ان شاء الله حامل يالغلا :)
سل
سلطانة زماني
2010/09/05 · #10
الف مبرووك تتهنين
يمكن حامل مع انه بدري ع البيبي الحين
روحي معاه سافري اسهرو برا لاحقه عاللاب ولاحقه ع البيبيات
رب
ربيعيه عسل
2010/09/05 · #11
الف مبروك والله يرزق اختي
أم
أم نوافي
2010/09/07 · #12
هلاااااااااااااااااا نونه حيااااااااااااااتي الف مبروووووووووووك وشلون صرتي بالعرس اكيد قمر؟:)
حياتي الدم هذا عادي لانج كنتي بنت وصرتي مره فهمتي يعني مو من اول يوم دم وبس لا لانج قاعد تتوسعين وغشار البكاره كل ماله وويتمزق اكثر واكثر0000
ان شاء الله فهمتي علي:)
ري
ريان التميمي
2010/09/07 · #13
انا صار معاي مثلج بالضبط
اول ماتزوجت يت لي الدوره عقب العرس بجم يوم
وعقبها كل ما يقرب مني ريلي كان يطلع مني دم وردي خفيف حيل كل يوم
ومايت لي الدوره وامن رحت الدكتور طلعت حامل والدم كان ينزل لانه من الحمال مو زين ريلي يقرب يمي اول الاشهر
نو
نونهـ
2010/09/12 · #14
مساء الخير شلونكم شخباركم انشالله بخير
كل عام وانتم بخير
حبيت اطمنكم علي انا الحمدلله بخير
وع طاري الموضوع انا رحت حللت وطلعت حامل بس متضايقه شوي
احس تو الناس
در
دراريع عليا
2010/09/12 · #15
الللللللللللللللللللللف مبروك بالعكس حمدي ربج هذي نعمة وباجر خل تولدين بينسيج امج وبوج فديتة اتعبي ونتي شباب ورتاحي باقي عمرج ورى بعض ووقفي احسن لج ولة بدل الحنة ها ماحملتي اكيد منج العيب ويحط براسج سوالف انتي بغنى عنها الحمدلله والله ونستيني
ري
ريان التميمي
2010/09/16 · #16
صج الف مبروك ياعمري والله ونستيني الله يسهل عليج
ولا تقولين ضايق خلقي حرام قولي الحمدلله هذي نعمه من الله
الله يتمم عليج امين يارب :)