البيض مثل سنسون اليااهل ...!!!!

هاي بنات


أكيد استفزكم عنوان الموضوع مثل ما استفزني مووووو؟


هذي الجملة انقالت في مسلسل زوارة خميس لما أم نصيف تهاوش الخدامة لأنها مو مسوية البيض عدل


وقالت لها ليش شكل البيض جذي جنه سنسون ياهل


مو حرام جذي يقولون عن الأكل هذا اولا


وثاني شي المؤلفة مالقت تشبيه ثاني غير وصخ الخشم علشان تحطه مع نعمة الله


بشهر فضيل المفروض يبتعدون عن هالشي ونفس المؤلفة في مسلسل اميمة في دار الايتام


كان فيه لقطة تقول شجون وحدة معاها "سكتي لا اخليج تشمين دلاغي "


يعني مادري هل هذا راح يخلي المشاهد مثلاً يضحك أو يبونه يقرف؟


الدراما الكويتية صايرة تلوع الجبد عندنا وكل مالها واهي تهبط


دام تفكير المؤلفين الشباب بالسناسين وريحة الدلاغ الله يستر السنة الياية شنو ممكن يقولون


يمكن يجهرون بالسب الوصخ علانية


للأسف درامتنا قاعدة توصل للشعوب الثانية إن الكويتيين يقولون جذي وحانا ما نتحمل

ذنب الكاتبة اذا بتوصل للناس جذي فهذا رايها


مو قهر بنات؟ خلونا نتناقش مو بس على زوارة خميس كل اعمال رمضان الكويتية من كتاب كويتيين

:mad:

اهوا صج شي يلوع الجبد وحده آرف !!


بس يعني شنو بنسوي الجمله انقالت واخلصت ,,

الله يهديهم ويهدينا ,,

مششششششكـوووورهـٌ }~

اي قطيعه لوعت جبدي لمن قالتها >> و هم حرام تقول عن النعمه جذي >> صايرين كل شي يقولونه بهالمسلسلات جنهم في بيتهم ما يحترمون المشاهدين >> يعطيج العافيا حبيبتي

اصلا هالمؤلفه الله يهديها
كل مسلسلاتها فيها هالالفاظ
مثلا بأم البنات : منى عبدالمجيد قالت حفاظته تسواكم
واميمه بدار الايتام: كلمة جب ويا حماره
وعلى قولتج بزوارة خميس كل هالالفاظ انقالت
يعني بالله هذي الفاظ اهل الكويت؟؟؟؟؟؟؟؟؟؟؟؟؟؟

فنووســه : حراام يقولوون عن النعمةجذي :@:@ العفوو ..


دلوولـ : ان اكثر لاعت جبدي الله يعاافيج قلبوو

مادري كيكة ق شكلها بتخرب سمعة الكويت وممثلينها

يسعدني مروورج

و الله انا ما اعرف المسلسل هذا
الجمد لله مقضيه الرمضان عبادة..
بس على طاري هالكلام صج حرام عليها هذي نعمة
مدري شلون تشوفون هالمسلسلات

براءة طفلة كتبت:مادري كيكة ق شكلها بتخرب سمعة الكويت وممثلينها

يسعدني مروورج

والله الظاهر جذي

دنيااي وشفيها : يسعدني مروورج

كيكة : كاتبة مسلسل زواة خميس واميمة في دار الايتاام

هبة مشاري حماادة

اذا على هالكلمات تهون السالفة...بعد اكثر في تلميحات وصخة واصلا قصص هابطة وضياع
يعني بصراحة اذا عيالي بيشوفون المسلسل ما اخليهم لانهم ماراح يستفيدون بالعكس
الفاظ هابطة واخلاقيات واطية


مع الاسف والله وصلونا لهالمستوى بالفن

اي والله بطة والفااظ ماخلت شي ماقاالته من الفااظ وصخة

يسعدني مروورج

اي والله وين قاعدين احنا !!

سعاد عبدالله ماأدري شفيها بأم البنات وايد أحلى من زوارة الخميس :(

يسلمو يا حياتي ;p

كلامج صح ياقلبي ..

الله يسلمج ..

وينكـــم ؟؟

...

الله يهديهاا بس !!

يسلموووووووووووو

ام عهود كتبت:اذا على هالكلمات تهون السالفة...بعد اكثر في تلميحات وصخة واصلا قصص هابطة وضياع
يعني بصراحة اذا عيالي بيشوفون المسلسل ما اخليهم لانهم ماراح يستفيدون بالعكس
الفاظ هابطة واخلاقيات واطية


مع الاسف والله وصلونا لهالمستوى بالفن

والله صاجه انا كنت بقول ان هالكلام يهون على بعض تلميحاتهم اللي مالها داعي

يسعدني مروورج ...:)

عندنا وعندكم خير اسفه تدخلت في الموضوع في السعوديه مسلسلات اخس من شذي الالفاض
ردئه وفي الاخر ليش عيالنا يتحشون شذي يلومهم من القدوه وعليه

اي والله قرف يقرفهم

وكلام أقوى ينقال

حمدالله والشكر

لاعت جبدي خصوصا اني ماكله بيض قبل شوي:)
وكلامج عين العقل