خلااااص جتني حاله نفسيه شوي وانجن ساااااااعدوني

بسم الله الرحمن الرحيم

مساء الخير لكل اخواتي الموجودات وكل عام وانتوا بخي بمناسبة رمضان

مشكلتي ولدي الله يحفظه عمره 4 سنوات جنني مره مره في مسألة الاكل عنيييد ذبحني لدرجة انه الحين صار يرفض الاكل مره وانا ماقصرت واشكل الاكل بس ماادري ليه والله اكتب ودموعي على خدي لييييه لانه كان ماشاء الله دبدوب وصحته مرره وفجأه ضعف وخربت نفسيته وصار عصبي والأدهى اذا عطيته الاكل يجمعه في فمه ولا يرضى يمضغه الا بطلعة الروح ولا يبلعه الا بمعاناه ولافيه شي ولا يشكي من شي ووزنه 16 ونص
والله تعبت وتعبت من ملاحظات الناس ليش كذا ليش ضعف ليش ماتاكلينه وانا والله حتى عند الناس صحنه في يدي ووراه عشان ياكل ويرفض هل تتوقعون يحتاج رقيه اوشي لاني مره نفسيا تعبانه منه انا وابوه ولا قصرنا معاه
تكفوووووون ساعدوني وهل هذا طبيعي في هذا السن لانه بكري ووحيدي

اختكم :
ام عزوووز

الله يخليه لج يارب
انا ولدي نفس ولدج بالضبط ووديته مره حق دكتورة تغذيه قالتلي خليه طوووووول النهار على راحته لاتغصبينه على شي والساعه 8 او 9 بالليل سويله وجبه دسمه ومتكامله وشوفي
وفعلا جربت هالطريقه والحمدالله صار ياكل

عادي يا اختي لا تقلقي ما في مشكلة بإذن الله المهم انتي لا تعطيه كاكاو او حلويات الاطفال وكل الاطفال نفس الشيء ، وبالنسبة للناس اللي يتكلمو والله انهم بكل الاحوال راح تلاقي الكلام وهو متين راح يتكلمو ولما ضعف، لذلك لا تهتمي ، انتي اعملي اللي عليكي واعرضي عليه الاكل وقت الاكل لكن لا تركضي وراه، وبرجع عادي إن شاءالله

كلهم جذي انا بنتي نفسج ولدج تعبت والله
شوي شوي تعدل اكلها

هلا اختي . . .

اذا صحته اوكي وما يشكي من شي

وبس انه يرفض الاكل

نصيحة تربوية اتركيه لا تلحقينه بصحنه وتوكلينه غضب اتركيه

مرده بيحس بالجوع وبيطلبج انه ياكل . . .

الله يجزاكم خير أخواتي

اختي هاذي شغله عاديه

كل ياهل بس يكبر مايشتهي ياكل

بس اذا ياااع اي وكت يقولج يوعان عطيه ياكل

لو ان شاء الله اي حزه والله يخليلج ايااه يااااااارب

هذذا عادي كل الاطفال كذا اخذت طريقه من وحده
وهي جدول اجيب ورقه والصقها عالثلاجه واكتب اسم عيالي وكل واحد يأكل اكثر يحصل على علامه صح اكثر واخر الورقه احط مربع كبير واكتب هديه واوديهم الملاهي واخذالعبه الي يبوووووووووون
حتى صاروا يشتغلون معي بالبيت عشان يزيد الصح ويروحون
الله يحفظهم

سبحان اللة انا نفس معاناتك وولدي بعمر ولدك ونفس الوزن والحالة صارتلة فجأة وتحاليلة سليمة بس اخاف اذا ظل جذية يصير معاة فقر دم

الله يشفيه والجاهل معروف اذا اصريتي على شي ولزمتي يعاند ومايبي انتي اتركيه لاتقولين له تعال اكل هو بيشوفكم انتي وابووه ويجي لا تحسسينه انج تبينه ياكل يعاند 000

الله يوفقج يارب00

طيب يمكن فى شى تغير عليه مغيره خدامتج او الخدامه تسويله شى وانتى ماتدرين انا مابى اخوفج بس لاتخلينه دورى وراه وحاولى تراقبينه بالوقت الى انتى مو موجوده فيه مثلا بوقت دوامج اذا انتى موظفه ردى فجاه او حطى كاميرا والله يشفيه ويهديه ويريح بالج قولى امين

انا بعد نفس الحاله بالضبط بس والله احسن طريقه خليه لين مايحس باليوع ويقولج

انا بعد نفسكم
ولدي كان صحته زينه فجاه صار ما ياكل الوجبه الرئيسيه نهائيا عيشته علا خرابيط بين الوجبات
ولا اكل عيش ومعكرونه الاكل الدسم انسي ياكل

هالعمر.............................صدقيني عاااااااااي

يسلموووووووووووووو

هلا اختي اتاكل ولاشي
والله بنصحك نصحية وادعي لي
وديه حق ام مشعل اللي بالعقيله مشاءالله وبتشوفين شلون بيتغير انا بنتي والله ما تاكل ورحت لها وعطتني فيتامينات وعسل فيه اعشاب وتعرف اذا ولدك يمكن منغث من الاكل بس والله راح تشوفين شلون بيتغير

الله يعينك ويساعدك

الحل لاتغصبينه اذا جاع راح ياكل دامه يلعب وفيه نشاط ومافيه خمول او يشكي اي علة خلية على راحته اذا جاع راح ياكل لاتبينين له انك مشتقة منه ولدي البكر مثل ولدك والدكتور قال خليه على راحته اذا جاع راح يكل دام فيه نشاط ومافيه اي عله مله شر وهذا ولدي اسم الله عليه ماعليه ياكل مولازم يكون دبدوب المهم يكون صحيح البدن لاتحاتين

لا اله الا الله محمد رسول الله صلى الله عليه وسلم.

اختي الغاليه هو عمره 4 سنوات ووزنه 16 اسم الله عليه وزنه زين لعمره موضعيف بعدين الله يخليج اشدعوا السمنه حلوةو خلاص لي بعمره احسن يضعفون اهم شي صحته ياكل لو مو واجد بس صحي وعصاير وحلويات ممنوعه والله يخلليج وليدج ويحفظه ان شاء الله.......