الكفن والحنه

سلام ياقلبي

وربي يعطيج الف عافيه على مجهودج الاكثر من رائع وان شاءالله مايضيع تعبج عند رب العالمين

حبيبتي ياليت تفسرين لي هالمنام الغريب

وهو اني حلمت انه انا واختي الي اكبر مني واثنينا مومتزوجات

المهم

انا منسدحين على الارض وفي حرمتين اعرفهم بالواقع كانوا يكفنونا ويجهزونا للدفن واحنا احياء !!

المهم اتذكر وحده منهم كانت تكفن اختي واختي مستسلمه لها ولاعندها اي ردة فعل بس انا كنت خايفه من الدفن بس مستحيه اقول للحرمتين لاتدفنوني لانه بالنوم جنه شي واجب يصير لازم

المهم طريقة هالكفن غريبه

وهو الي اتذكره كفنونا بس مو كل جسمنا وهم جسمنا كان مستور مثلا لين الصدر الكفن كان وتحته كنا لابسين مستورين المهم بعد الكفن بدال السدر كانوا يحطون لنا حنه سودا على جسمنا كله اختي حطوا على جسمها كله وماقالت شي وهذا كان اخر شي من مراسيم التكفين عشان الدفان صج شي رهيب كان بالحلم

وانا كنت خايفه من الدفن بس موقادره اتكلم اقول مابي فلطخوا ايدي كلها بالحنه السودا ورقبتي ولمن وراسي ولمن يووا على ويهي يحطون عليه الحنا اهنيه قعدت وقلت مااحب الحنا السودا بس عشان انجى من الدفن واقنعتهم انه بعد ماحان وقت دفانا وقمت وسولفت وياهم وهم طول الحلم كانوا مبتسمين لي لانهم اعزهم بالواقع بس طول هالحلم اختي ماكان عندها اي ردة فعل او اعتراض على الي يصير

صج قعدت معرقه من هالحلم جنه واقع وجنه كنت بندفن

يارب خير تفسيره

طمنيني ربي يطمنج ان شاءالله ماله دخل بالمعاصي يارب

ومشكورة قلبي على تعبج ويانا

اختي الغالية الرؤية اشارة لمناسبة طييبه قادمة عليكم
من الله عزوجل ومشكله ستنتهي وستزول
فالدفن زواج وقبر الزوجيه والكفن مشكله ستنتهي بسلام ولكن عليكي
ان تستخيري الله بامرك وتتوكلي عليه وتبتعدي عن الوساوس والامور اللي ممكن تنجم\
من تقدم هالخاطب عليكم والله اعلم

الله يريح بالج قلبي مثل ماريحتيني من هم هالمنام توقعت معناه شي مو زين

وجعل الله كل حرف لك ذخر بالجنان لأنج بتريحين نفوس بهالتفسير


مشكورة ياقلبي ماتوفي حقج بس هذا الي اقدر عليه